agriculture news in marathi, Sugar Industry demands 140 crore for buffer stock | Agrowon

साखर उद्योगासाठी सरकारने १४० कोटींची तरतूद करावी
टीम अॅग्रोवन
शुक्रवार, 6 एप्रिल 2018

भवानीनगर, जि. पुणे : आजमितीस साखर प्रतिक्विंटल २८०० रुपयांनी देखील विकली जात नसल्याने राज्य सरकारने साखरेला प्रतिटन १ हजार रुपये अनुदान दिले, तरच साखरेची निर्यात करता येईल. तसेच राज्यातील २५ लाख टन साखरेचा बफर स्टॉक करून त्याचे व्याज सरकारने भरावे, यासाठी राज्य सरकारने १४० कोटींची तरतूद येत्या १५ दिवसांत करावी, अशी मागणी राज्य साखर संघाने मुख्यमंत्री देवेंद्र फडणवीस यांच्याकडे केली आहे.

भवानीनगर, जि. पुणे : आजमितीस साखर प्रतिक्विंटल २८०० रुपयांनी देखील विकली जात नसल्याने राज्य सरकारने साखरेला प्रतिटन १ हजार रुपये अनुदान दिले, तरच साखरेची निर्यात करता येईल. तसेच राज्यातील २५ लाख टन साखरेचा बफर स्टॉक करून त्याचे व्याज सरकारने भरावे, यासाठी राज्य सरकारने १४० कोटींची तरतूद येत्या १५ दिवसांत करावी, अशी मागणी राज्य साखर संघाने मुख्यमंत्री देवेंद्र फडणवीस यांच्याकडे केली आहे.

माजी सहकारमंत्री हर्षवर्धन पाटील यांनी ही माहिती दिली. बुधवारी (ता. ४) राज्य साखर संघाने हा ठराव केला. हर्षवर्धन पाटील म्हणाले,` राज्यात १०४ लाख टन साखर उत्पादित होणार आहे. हा आजवरचा उच्चांक आहे. मात्र साखरेला २८०० रुपये देखील आज भाव मिळत नाही, त्यामुळे राज्यात मार्च अखेर ऊस खरेदीची ३५०० कोटींची देणी अडकली आहेत. 

उत्तर प्रदेशात १०३ लाख टन साखर उत्पादित झाली आहे, मात्र ती साखर उत्तरेकडील राज्यांत जाते, त्यामुळे तेथे १०० ते १५० रुपयांनी अधिक भाव मिळतो. महाराष्ट्राला ही वाहतूक खर्चिक ठरते. केंद्र सरकारने महाराष्ट्राच्या वाट्याची ६.७० लाख टन साखर निर्यातीचे आदेश दिले आहेत. ही साखर नक्कीच निर्यात होईल. मात्र आज साखरेचा उत्पादन खर्चच ३२०० रुपये प्रतिक्विंटल आहे. अशावेळी साखर निर्यात करायची झाल्यास ती तोट्यात होईल. याकरिता शेतकरी हितासाठी राज्य सरकारने पुढाकार घ्यावा, साखरेला प्रतिटनी १ हजार रुपये अनुदान द्यावे. राज्याकरिता सरकारला केवळ ७० कोटींची तरतूद करावी लागेल. तसे झाल्यास केंद्र सरकारने राज्यासाठी निर्यातीसाठी घालून दिलेल्या ६.७० लाख टन साखरेची निर्यात करता येईल, असेही पाटील यांनी सांगितले. 

पाटील म्हणाले, ‘राज्यातच नव्हे तर देशात अतिरिक्त साखर उत्पादन होणार असून, त्यापैकी २५ लाख टन साखर बफर स्टॉक म्हणून कारखान्यांच्याच गोदामात ठेवावी. त्यापोटी कारखान्यांनी बॅंकांकडून घेतलेल्या मालतारणावरील वर्षभराचे केवळ व्याज सरकारने भरावे, यासाठी ७० कोटींचा भार पडेल. थोडक्यात दोन्ही मिळून १४० कोटींची गरज आहे, मात्र त्यातून राज्यातला साखर उद्योग सावरला जाईल.’

साखर संघाच्या मागण्या

  • साखर निर्यातीला प्रतिटन १ हजार रुपये अनुदान द्यावे.
  • गोदामात शिल्ल्क असलेल्या २५ लाख टन साखरेचा बफर स्टॉक करावा.
  • त्या साखर पोत्यांवरील बॅंकेकडून घेतलेल्या मालतारण कर्जाचे व्याज सरकारने भरावे. त्यासाठी ७० कोटींची तरतूद करावी.
  • सार्वजनिक वितरण व्यवस्थेसाठी २० लाख टन साखर राज्याने ३२०० रुपये प्रतिक्विंटल दराने खरेदी करावी.
  • सप्टेंबर २०१८ पर्यंत राज्यातून ६.७० लाख टन साखर निर्यात करण्याची जबाबदारी आमची.

इतर अॅग्रो विशेष
चांगल्या अारोग्यासाठी ः प्रोबायोटिक्स...प्रोबायोटिक्‍स म्हणजे सजीव सूक्ष्मजीव. सुमारे एक...
धुराडी २० ऑक्टोबरपासून पेटणारमुंबई : साखर कारखानदारांमधून या वर्षी ऊस गाळप...
राज्याच्या तापमानात वाढपुणे : राज्याच्या बहुतांशी भागात पाऊस थांबला...
मिरचीच्या आगारात सुधारित तंत्राचा वापरअौरंगाबाद व जालना जिल्ह्यातील काही तालुके मिरचीचे...
देशात तब्बल ६८ टक्के दुधात होते भेसळपुणे : देशात दूध व दुग्धजन्य पदार्थांमध्ये ६८...
राज्य बँकेवरील जिल्हा बँकांचे...मुंबई : महाराष्ट्र राज्य सहकारी बँकेच्या संचालक...
फुलशेतीने दिली आर्थिक साथहिंगोली जिल्ह्यातील तपोवन (ता. औंढा नागनाथ)...
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...