agriculture news in marathi, Sugar production to cross estimate by 12 percent | Agrowon

महाराष्ट्रातील वाढीव साखर उत्पादनामुळे गणित बिघडले
रॉयटर्स वृत्तसंस्था
सोमवार, 5 मार्च 2018

यंदाच्या हंगामात (२०१७-१८) देशातील साखर उत्पादन आधीच्या अंदाजाच्या तुलनेत १२ टक्क्यांनी वाढून २९२ लाख टनांवर पोचण्याचा अंदाज आहे. महाराष्ट्रातील साखर उत्पादनात दुपटीपेक्षा अधिक वाढ होण्याची शक्यता असल्याचा हा परिणाम आहे. आंतरराष्ट्रीय व स्थानिक डीलर्सच्या सर्वेक्षणातून हा निष्कर्ष पुढे आला आहे. 

यंदाच्या हंगामात (२०१७-१८) देशातील साखर उत्पादन आधीच्या अंदाजाच्या तुलनेत १२ टक्क्यांनी वाढून २९२ लाख टनांवर पोचण्याचा अंदाज आहे. महाराष्ट्रातील साखर उत्पादनात दुपटीपेक्षा अधिक वाढ होण्याची शक्यता असल्याचा हा परिणाम आहे. आंतरराष्ट्रीय व स्थानिक डीलर्सच्या सर्वेक्षणातून हा निष्कर्ष पुढे आला आहे. 

अपेक्षेपेक्षा अधिक उत्पादन मिळणार असल्यामुळे देशांतर्गत बाजारपेठांत साखरेच्या दरावर दबाव येण्याची चिन्हे आहेत. त्यामुळे सरकार साखरेच्या निर्यातीला चालना देण्यासाठी निर्यातकर शून्यावर आणण्याचा निर्णय घेऊ शकते, असे मानले जात आहे. साखर उत्पादनात भारत जगात दुसऱ्या क्रमांकावर आहे. त्यामुळे देशातील साखरेच्या उत्पादनातील घट किंवा वाढ हा घटक साखरेच्या जागतिक बाजारातील दरावर परिणाम करतो.

इंडियन शुगर मिल्स असोसिएशनने (इस्मा) यंदा साखरेचे उत्पादन २६१ लाख टन राहील असा अंदाज जानेवारी महिन्यात वर्तवला होता. परंतु महाराष्ट्रात साखरेच्या उत्पादनात भरीव वाढ होण्याची चिन्हे असल्याने हा अंदाज खोटा ठरेल, असे मुंबईतील एका ग्लोबल ट्रेडिंग हाउसशी संबंधित डीलरने सांगितले. 

सर्वेक्षणात सहभागी झालेल्या ७ ट्रेडिंग हाउसच्या डीलर्सच्या म्हणण्यानुसार यंदा महाराष्ट्रात उसाचे उत्पादन अपेक्षेपेक्षा चांगले राहिले. त्यामुळे सरकारने आधी वर्तवलेल्या ७३ लाख टन साखर उत्पादनाच्या अंदाजात बदल होऊन उत्पादन १०२ लाख टन राहील, अशी शक्यता आहे, असे या डीलर्सनी सांगितले. 

गेल्या हंगामात (२०१६-१७) देशात २०३ लाख टन साखर उत्पादन झाले होते. त्यात महाराष्ट्राचा वाटा ४२ लाख टन इतका होता. केंद्र सरकार यंदा साखरेचे उत्पादन २६० लाख टनांच्या अासपास राहील, असे गृहीत धरूनच धोरणांची आखणी करत होते; परंतु प्रत्यक्षात अतिरिक्त साखरेचे उत्पादन होणार असल्याचा मुद्दा सरकारने लक्षात घ्यायला हवा, असे नवी दिल्ली येथील एका डीलरने सांगितले. सरकारने निर्यातीला प्रोत्साहन दिल्याशिवाय स्थानिक बाजारांत साखरेचे दर वाढणार नाहीत, असे त्याने स्पष्ट केले.
शेतकऱ्यांना उसाचे पैसे अदा करण्यासाठी साखर कारखान्यांनी साखर विक्रीचा धडाका लावला असून, गेल्या चार महिन्यांत स्थानिक बाजारातं साखरेचे दर ११ टक्क्यांनी घटले आहेत.

केंद्रीय अन्न व ग्राहक व्यवहारमंत्री रामविलास पासवान यांनी महिनाभरापूर्वी साखरेच्या निर्यातीवरील २० टक्के शुल्क रद्द करण्याचा निर्णय घेणार असल्याचे जाहीर केले होते. परंतु आंतरराष्ट्रीय बाजारातील दर देशांतर्गत बाजारपेठांतील दरापेक्षा कमी असल्यामुळे निर्यातशुल्क रद्द केल्यानंतरही साखर कारखाने साखरेची निर्यात करू शकणार नाहीत, असे मत वेस्टर्न इंडिया शुगर मिल्स असोसिएशनचे (विस्मा) अध्यक्ष बी. बी. ठोंबरे यांनी व्यक्त केले.

पाकिस्तानने अतिरिक्त साखर उत्पादनाच्या पार्श्वभूमीवर निर्यातीला उठाव मिळावा, म्हणून अनुदान देण्याचे धोरण आक्रमकपणे राबविले. आधीचे पाच लाख टन साखरेसाठी अनुदान देण्याचे उद्दिष्ट वाढवून ते २० लाख टन इतके करण्यात आले. भारतानेही हाच कित्ता गिरवत साखरेच्या निर्यातीसाठी प्रयत्न करावेत, अशी अपेक्षा व्यक्त केली जात       आहे.

पाकिस्तानने साखर निर्यातीसाठी अनुदान सुरू केले आहे. भारतानेही त्या प्रकारचा निर्णय घेतला तरच साखरेच्या निर्यातीचा मार्ग मोकळा होईल. केवळ निर्यात शुल्क रद्द करून भागणार नाही.
- बी. बी. ठोंबरे, अध्यक्ष, वेस्टर्न इंडिया शुगर मिल्स असोसिएशन

इतर ताज्या घडामोडी
परभणी : धरणांच्या जलाशयातील उणे...परभणी ः वाढते तापमान, बेसुमार उपसा, वेगाच्या...
नाशिक : पाणीटंचाई आणि चाऱ्याच्या...अंबासन, जि. नाशिक : बागलाण परिसरातील गावागावांत...
देगावात दुष्काळाचा फळबागांना मोठा फटकावाळूज, जि. सोलापूर : यंदाच्या भीषण दुष्काळाचा...
वऱ्हाडाला केंद्रीय मंत्रिपदाची अपेक्षाअकोला : या लोकसभा निवडणुकीत पुन्हा एकदा मतदारांनी...
केंद्रीय मंत्रिपदासाठी शिवसेनेच्या...मुंबई : अनंत गिते, आनंदराव अडसूळ, चंद्रकांत...
कॉँग्रेस नेते मुख्यमंत्रिपदाची स्वप्ने...नगर  ः कॉँग्रेसचे महाराष्ट्रातील नेते...
सरसकट कर्जमाफीसाठी सरकारला विनंती करू ः...शेटफळगढे, जि. पुणे : यूपीए सरकारच्या काळात आपण...
रत्नागिरी, कर्नाटक हापूसचा हंगाम अंतिम...पुणे  : ग्राहकांची विशेष पसंती असलेल्या...
नगर जिल्ह्यात दुष्काळी स्थितीमुळे...नगर ः उसासोबत ज्वारीचे आगार म्हणून ओळख असलेल्या...
विमा कंपन्यांच्या अधिकाऱ्यांसमवेत १...अमरावती : विमा कंपन्यांच्या हेकेखोरपणापुढे...
यवतमाळ बाजार समितीत हळद खरेदीस प्रारंभयवतमाळ  ः जिल्ह्यात हळदीखालील क्षेत्रात वाढ...
शेतकऱ्यांना व्यापारी करण्यावर भर: कृषी...बारामती, जि. पुणे ः आपल्याकडे पिकणाऱ्या प्रत्येक...
पुणे बाजारात आले, टोमॅटोच्या भावात...पुणे : गुलटेकडी येथील कृषी उत्पन्न बाजार...
दुष्काळ पाहूनही मदतीचं आश्वासन नाय दिलंकोल्हापूर/सांगली ः गेल्या महिन्यात आमच्याकडं...
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...