agriculture news in Marathi, sugar rate down in Market, Maharashtra | Agrowon

दरामुळे साखरेचा रंग फिका
राजकुमार चौगुले
शुक्रवार, 22 मार्च 2019

कोल्हापूर : साखरेचे विक्री मूल्य वाढविल्यानंतरही साखर उद्योगाचे शुक्‍लकाष्ठ संपत नसल्याची स्थिती आहे. शासनाने किमान विक्री मूल्य २९०० वरून ३१०० रुपये केल्यानंतरही परिस्थिती जैसे थेच असल्याने साखर उद्योगाचे अडचणीचे फेरे कायम आहेत. हंगाम अंतिम टप्प्यात येत असताना साखरेची मागणीच रोडावल्याने कारखान्यांचे साखर विक्रीचे महिन्याचे कोटे वाया जात आहेत. 

गेल्या दोन महिन्यांत एकूण कोट्याच्या केवळ पंचवीस ते तीस टक्के इतकीच साखर विकली जात आहे. शिल्लक साखरेमुळे बॅंकेच्या व्याजाचा भुर्दंड मात्र कारखान्यांवर बसत असल्याने यंदा हंगामाची सांगता निराशेतच होणार आहे. 

कोल्हापूर : साखरेचे विक्री मूल्य वाढविल्यानंतरही साखर उद्योगाचे शुक्‍लकाष्ठ संपत नसल्याची स्थिती आहे. शासनाने किमान विक्री मूल्य २९०० वरून ३१०० रुपये केल्यानंतरही परिस्थिती जैसे थेच असल्याने साखर उद्योगाचे अडचणीचे फेरे कायम आहेत. हंगाम अंतिम टप्प्यात येत असताना साखरेची मागणीच रोडावल्याने कारखान्यांचे साखर विक्रीचे महिन्याचे कोटे वाया जात आहेत. 

गेल्या दोन महिन्यांत एकूण कोट्याच्या केवळ पंचवीस ते तीस टक्के इतकीच साखर विकली जात आहे. शिल्लक साखरेमुळे बॅंकेच्या व्याजाचा भुर्दंड मात्र कारखान्यांवर बसत असल्याने यंदा हंगामाची सांगता निराशेतच होणार आहे. 

व्यापाऱ्यांची चतुराई 
साखर ३१०० रुपये होणार असा अंदाज आल्यानंतर व्यापाऱ्यांनी साखरेची खरेदी केली होती. दोन महिन्यांपूर्वी साखरेची किमान विक्रीची किंमत शासनाने वाढविली. प्रत्यक्ष आदेश येइपर्यंत अनेक व्यापाऱ्यांनी साखर कारखान्यांकडून खरेदी करून ठेवली.

काही कारखान्यांनी साखरेचा उठाव होत असल्याने जुन्या दरातच साखर विक्रीला प्राधान्य दिले. परंतू ज्या वेळी हे आदेश आले, त्या वेळेपासून मात्र साखरेची मागणी घसरली. बाजारात साखर उपलब्ध असल्याचे कारण देत व्यापाऱ्यांनी साखरेची खरेदी करण्यास नकार दिला. यामुळे कारखानदारांचे धाबे दणाणले. आता जुन्या दराने खरेदी केलेली साखर बाजारात आणून त्याची विक्री सुरू असल्याने साखर कारखान्यांकडील साखरेच्या मागणीला फटका बसत आहे.

यामुळे कारखानदारात हंगाम संपतानाच अस्वस्थता पसरली आहे. एफआरपी देऊन मोकळे झालेल्या कारखान्यांपुढे मात्र हंगामात शेवटी शेवटी उसाचे गाळप झालेल्या शेतकऱ्यांची रक्कम कशी भागवायची याबाबत चिंतेचे वातावरण निर्माण झाले. मागणी वाढेल या अपेक्षेत असणाऱ्या कारखानदारांची घोर निराशा झाली आहे. फेब्रुवारी व मार्च मध्ये जितक्‍या साखरेचा उठाव व्हायला हवा होता तितका झाला नसल्याने आता शिल्लक साखरेचे संकट कारखान्यांपुढे घोंघावू लागले आहे. 

कारखान्यांची केंद्राकडे धाव 
साखर विक्री नसल्याने एफआरपीची उर्वरित रक्कम देऊच शकत नसल्याचे कारखानदारांनी सांगितले. तसेच बॅंका कर्ज देण्यास नकार देत असल्याचेही सांगण्यात आले. यामुळे केंद्र शासनाची मदत घेण्यासाठी कारखाने प्रयत्नशील आहेत. मदत मिळण्याबाबतचा प्रस्ताव साखर आयुक्तांमार्फत केंद्राकडे देण्यासाठी कारखानदारांची पळापळ सुरू असल्याची माहिती कारखाना सूत्रांनी दिली.

बॅलन्स शीटचा गोंधळ 
नव्या दराने साखर खरेदी करताना टेंडर जरी क्विंटलला ३१०० रुपयांचे निघाले तरी कारखान्यांना ३००० रुपयांप्रमाणेच रक्कम व्यापाऱ्यांनी दिली आहे. वरचे १०० रुपये डिपॉझिट म्हणून ठेवून घेतल्याने कारखान्यांच्या बॅलन्स शीटवर ३००० रुपयांनी साखर विक्री दिसत असल्याचे काही कारखान्यांच्या प्रतिनिधींनी सांगितले. यामुळे ही साखर कमी दराने कारखान्यांनी विकली असा गैरसमज निर्माण होत असल्याचा समज होत आहे. मुळातच व्यापारी चतुराईमुळेच सध्या साखरेच्या बाजारात मंदीचे वातावरण तयार होत असल्याचे कारखानदारांनी सांगितले. 

इतर अॅग्रो विशेष
कडवंची : अर्थकारणाला मिळाली बचत गटांची...शेती आणि ग्रामविकासामध्ये महिलांचा महत्त्वपूर्ण...
कडवंची : डाळिंबात तयार केली ओळखकडवंची हे द्राक्षाचे गाव. याच गावातील ज्ञानेश्वर...
कडवंची : रोपवाटिका अन्‌ शेळीपालनाची जोडकडवंचीमधील सखाराम येडूबा क्षीरसागर यांनी केवळ...
कडवंची : पाणंदमुक्‍त रस्त्यांची...रस्ते, पाणी आणि वीज हे शेतीविकासातील महत्त्वाचे...
कडवंची : घरापुरते दूध अन् शेणखतासाठी...द्राक्षाचे गाव असलेल्या कडवंचीमधील प्रत्येक...
कडवंची : पाणलोटाचं स्वप्न साकारकडवंची गावात जल, मृद संधारण, शेती विकासामध्ये...
कडवंची : लोकसहभाग, पाणी व्यवस्थापन हेच...कडवंची गावात द्राक्षातून समृद्धी दिसत असली तर...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : संघर्षातून पेललंय आव्हानकडवंचीमधील महिलांनीदेखील द्राक्ष शेतीमध्ये...
कडवंची मॉडेल : कोरडवाहूसाठी दिशादर्शक...मराठवाड्यात पावसावर आधारित कोरडवाहू शेतीला बळकट...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
कडवंची : पीक बदलाच्या दिशेने; पपई...विहीर, शेततळ्याच्या माध्यमातून पाणी उपलब्ध...
कडवंची : जमीन सुपीकतेसाठी बायोगॅस स्लरी कडवंचीमधील शेतकऱ्यांनी बायोगॅस संयंत्राची उभारणी...
कडवंची : बागेला मिळाली यंत्रांची जोडप्रयोगशील द्राक्ष बागायतदार सुरेश दगडू पाटील...
कडवंची : जल, मृद्संधारणातूनच रुजलं...कडवंची गावातील पाणीटंचाईवर मात करण्यासाठी खरपुडी...
कडवंची : पाणी व्यवस्थापन, नवतंत्रातून...काटेकोर पाणी आणि खतांचा वापर, पीक व्यवस्थापनात...
कडवंची : खरपुडी ‘केव्हीके’चे रोल मॉडेलकडवंची हे कृषी विज्ञान केंद्राचे पहिले दत्तक गाव...
‘वॉटर बजेट’ कडवंचीचे वैशिष्ट्यपाणलोट विकास, पीक बदल, पूरक उद्योगात मनापासून...
विदर्भातील संत्रा पट्ट्यात आंबिया...नागपूर ः विदर्भातील वाढत्या तापमानाचा संत्रा...
एनएचबी ‘एमडी’चा वाद पंतप्रधानांपर्यंतपुणे : देशातील शेतकऱ्यांच्या विरोधात भूमिका घेत...