agriculture news in Marathi, Sugar rates will be in pressure till march, Maharashtra | Agrowon

साखर मार्चपर्यंत दबावात राहणार
वृत्तसेवा
रविवार, 28 जानेवारी 2018

चालू तिमाहीत साखरेची आवक आणि दर याचा विचार करता साखर दर दबावात राहण्याची शक्यता आहे. त्यापुढील तिमाहित (एप्रिल-जून) दर स्थिरावतील. काही परिस्थितीत दर कमीही होऊ शकतात. 
- सब्यासाची मुजुमदार, वरिष्ठ उपाध्यक्ष, ‘आयसीआरए’

नवी दिल्ली ः देशातील बाजारपेठेत सध्या साखरेचे दर पडल्याने उद्योग अडचणीत आले आहेत. त्यामुळे अलीकडेच साखर उद्योगाच्या प्रतिनिधींची सरकारकडे आपल्या अडचणी मांडून त्या सोडविण्याची मागणी केली होती. मात्र देशातील साखरेचे दर जानेवारी ते मार्च यादरम्यान दबावात राहतील, असा अंदाज ‘आयसीआरए’ या संस्थेने व्यक्त केला आहे. 

‘आयसीआरए’ने गुरुवारी (ता. २५) प्रसिद्ध केलेल्या अहवालातून ही माहिती दिली. तसेच एप्रिल ते जून या काळात साखरदर स्थिरावतील आणि क्लोजिंग साठा हा ५ दशलक्ष ते ५.५ दशलक्ष शिल्लक राहील, अशी शक्यताही ‘आयसीआरए’ने अहवालातून व्यक्त केली आहे.

‘यंदाच्या हंगामात नवीन साखर बाजारात आली आणि यंदा उत्पादन विक्रमी होणार असल्याचा अंदाज साखर उद्योगाने व्यक्त केला. यामुळे डिसेंबर आणि जानेवारी महिन्यांत साखरेचे दर पडले आहेत. यंदा सुरवातीला देशात २५ दशलक्ष टन उत्पादन होईल असा अंदाज होता. मात्र नंतर २६ दशलक्ष टन उत्पादनाचा अंदाज जाहीर करण्यात आला. म्हणजेच मागील हंगामाच्या तुलनेत २८ टक्के जास्त उत्पादन होणार आहे असे म्हटले गेले,’’ असे अहवालात म्हटले आहे. 

उत्पादन खर्चापेक्षा दर कमी
उत्तर प्रदेशातील साखर कारखान्यांच्या प्रतिनिधींनी दिलेल्या माहितीनुसार साखरेचा उत्पादन खर्च हंगामात ३६,००० ते ३६,५०० रुपये प्रतिटन होता तर नोव्हेंबर महिन्यात ३७,००० ते ३७,५०० रुपये होता. मात्र बाजारात डिसेंबर महिन्यात साखरेला ३३,५०० ते ३४,००० रुपये दर मिळत होता. तर जानेवारी महिन्यात ३३,००० ते ३३,५०० रुपये प्रतिटन दर साखरेला मिळत आहे. त्यामुळे साखर कारखान्यांना हा दर परवडणारा नाही.   

साखर विकास निधीसाठी ५ अब्ज तरतुदीची शक्यता
यंदाच्या सादर होणाऱ्या २०१८-१९ च्या अर्थसंकल्पात साखर विकास निधीसाठी ५ अब्ज रुपयांचा निधी उपलब्ध करुन देण्याची शक्यता आहे, अशी माहिती सरकारच्या वरिष्ठ सूत्रांनी दिली. साखर विकास निधी अन्न मंत्रालयाच्या अंतर्गत दिला जातो. या निधीचा वापर देशातील साखर कारखान्यांना अडचणीच्या काळात कमी व्याजदराने कर्ज देण्यासाठी केला जातो. २०१७-१८ च्या अर्थसंकल्पात साखर विकास निधीसाठी ४.९६ अब्ज रुपयांची तरतूद केली होती. मात्र सरकारने देशातील अडचणीतील कारखान्यांना ६ अब्ज रुपयांचे कर्ज दिले होते. बाकी १.०४ अब्ज रुपये पुरवणी मागणीतून दिले होते. 

७८.३ अब्ज रुपयांची कारखान्यांकडे देणी
देशातील कारखान्यांकडे गाळप केलेल्या उसाची ७८.२६ अब्ज रुपयांची देणी बाकी आहे. ही सर्व थकबाकी हंगामात शेतकऱ्यांच्या उसाची केलेल्या गाळपाची आहे. या आधीच्या हंगामात कारखान्यांकडे ८९.८२ अब्ज रुपयांची देणी बाकी होती. त्यामध्ये घट होऊन यंदा १३ टक्क्यांनी कमी म्हणजेच ७८.२६ अब्ज आहे, अशी माहिती अन्न मंत्रालयाने दिली आहे. कारखान्यांकडे असलेली थकबाकी ही एफआरपी आणि सॅप यांच्यावर अवलंबून असते. बाजारातील व्यापाऱ्यांना यंदा २७ दशलक्ष टन साखर उत्पादनाचा अंदाज आहे तर ‘इस्मा’ने २६.१ दशलक्ष टन उत्पादनाचा अंदाज व्यक्त केला आहे. सध्या देशातील साखर उद्योगातील अडचणी सोडविण्यासाठी कारखान्यांनी साखर आयातीवर आयात शुल्क वाढविण्याची मागणी केली आहे. 

 

इतर अॅग्रो विशेष
चिमुरड्याच्या कॅमेऱ्यात कैद आनंदी शेतकरीआपल्याकडील शेतकरी आनंदी असू शकतो का? उत्तर...
‘अ’तंत्र निकेतनपुरेसा अभ्यास आणि तयारीअभावी, यंत्रणेचा विरोध...
शेतकरी कंपन्यांनी राबवला थेट विक्रीचा...राज्यामध्ये शेतकरी उत्पादक कंपन्यांची स्थापना...
सिंचन विहिरी, फळबागांचा निधी थेट बँक...मुंबई: मनरेगा योजनेतून शेतकऱ्यांना सिंचन...
वनामकृविचे कुलगुरू मराठी भाषिक असावेतपरभणी ः वसंतराव नाईक मराठवाडा कृषी विद्यापीठाच्या...
मराठवाड्यात आठ लाख ७५ हजार टन रासायनिक...औरंगाबाद: मराठवाड्यातील आठही जिल्ह्यांत रासायनिक...
‘डिमोशन’ रोखण्यासाठी अनेकांची पळापळ;...अकोला ः राज्याच्या कुठल्याही विभागात नसेल असा...
देशात खरीप पेरणीला प्रारंभनवी दिल्ली ः देशात खरीप हंगाम २०१८-१९ च्या...
विदर्भात उष्णतेची तीव्र लाट; चंद्रपूर,...पुणे : विदर्भात उन्हाचा ताप वाढल्याने उष्णतेची...
सूत उत्पादनात महाराष्ट्र तिसऱ्या स्थानीजळगाव : कापूस गाठींच्या उत्पादनाप्रमाणे सुताच्या...
कृषी विभागातील समुपदेशन बदल्या स्थगित;...पुणे : राज्याच्या कृषी विभागात समुपदेशनाने...
शेतीतील नव तंत्रज्ञानाचा मार्ग मोकळा...अकोला :  भारतीय शेतकरी जागतिक बाजारात...
उपाय आहेत, इच्छाशक्ती हवी ! पुणे : राज्यात दुधाच्या गडगडलेल्या दरामुळे...
किफायतशीर दुग्ध व्यवसायासाठी...आपण आंतरराष्ट्रीय पातळीवर दूध उत्पादनात अग्रेसर...
शालेय पोषण आहार, अंगणवाडीत दूध पुरवा :...राज्यात सध्या दूध दराचा प्रश्‍न चव्हाट्यावर आहे....
दूधधंदा मोडून पडल्यास शेतीतील समस्या...शेतकऱ्यांना वस्तुस्थिती न सांगता त्यांच्या...
दूधदर प्रश्‍नी हवी ठोस उपाययोजना : संघदूध भुकटीला मागणीला नसल्याने अतिरिक्त दूध बाजारात...
दूधकोंडी फोडण्यासाठी शासनाचे सर्वतोपरी...दूध उत्पादक शेतकरी दर मिळत नसल्याने अडचणीत आले...
उत्पादकता, गुणवत्ता सुधारणे आवश्‍यकपुणे : भारत दूध उत्पादनात जगात आघाडीवर असला तरी...
दूध उत्पादकांना २८ रुपये दर देणे शक्य...सरकारने जाहीर केलेल्या दरापेक्षा लिटरमागे दररोज...