साखर विक्री बंधनाने दरात वाढ शक्य

साखर विक्री बंधनाने दरात वाढ शक्य
साखर विक्री बंधनाने दरात वाढ शक्य

कोल्हापूर : केंद्राने घसरत्या साखर किमती रोखण्याकरिता कारखान्यांना जानेवारी व फेब्रुवारी महिन्यात पूर्ण क्षमतेने साखर विक्री करण्यावर बंदी घातली आहे. फेब्रुवारीत १७ व मार्च मध्ये केवळ १४ टक्के साखर विक्री करणे बंधनकारक केले आहे. या निर्णयामुळे काही काळ तरी साखरेच्या किमती वाढू शकतील, अशी शक्यता साखर उद्योगातून व्यक्त होत आहे. मात्र, किंमत वाढली तरी पूर्ण हंगामाचा कमी दराचा ताण मात्र लगेच दूर होणे अशक्य असल्याचेही कारखानदारांचे म्हणणे आहे.

केंद्राने गेल्या चार दिवसांत अनेक दिलासादायक निर्णय घेण्यास सुरवात केली आहे. पहिल्यांदा आयात शुल्क १०० टक्के केले. आता कारखान्यावर विक्रीचे बंधन घातले. यामुळे बाजारपेठेत साखरेची आवक मर्यादित राहून दर वाढण्याची शक्यता आहे. मात्र, असे असले तरी केंद्राने तातडीने हे निर्णय अंमलबजावणीत आणावेत, अशीच अपेक्षा या उद्योगाची आहे. प्रतिकूल परिस्थितीमुळे अडचणीत आलेल्या साखर उद्योगाला या निर्णयाचा काही प्रमाणात नक्कीच फायदा होईल असा अंदाज आहे. साखर दरात १०० रुपयांची वाढ केंद्र सरकारने आयात शुल्क १०० टक्के केल्या केल्या साखरेच्या दरात गेल्या दोन दिवसांत क्विंटलला १०० रुपयांनी वाढ झाल्याचे साखर उद्योगातील सूत्रांनी सांगितले. २९५० पर्यंत घसरलेला साखर दर शुक्रवारी ३३८५ रुपयांपेक्षा जास्त झाल्याचेे कारखाना सूत्रांनी सांगितले. साखर कारखान्याच्या साखर विक्रीबाबत घेतलेल्या निर्णयामुळे येत्या काही दिवसांत साखरेचे बाजारभाव काही अंशी सुधारून स्थिर होतील, अशी शक्यताही वर्तवण्यात येत आहे. 

प्रतिक्रिया... निर्णय चांगला असला तरी साखरेच्या दरात नेमकी किती वाढ होईल हे आताच सांगता येणार नाही. दोन महिन्यांत दर चांगले वाढल्यास कारखान्यांना पहिला हप्ता देणे सुसह्य होईल. - गणपतराव पाटील, अध्यक्ष, दत्त साखर कारखाना शिरोळ ... कारखान्यांना विक्रीचे बंधन शासनाने पहिल्यांदाच घातले आहे. याची योग्य अंमलबजावणी झाल्यास ते कारखान्यांना फायदेशीरच ठरेल. - अरुण लाड, क्रांती साखर कारखाना, कुंडल ... अशाच निर्णयाची अपेक्षा शासनाकडून होती. याचा सकारात्मक परिणाम निश्चितच साखर दरवाढीवर होऊन हा निर्णय साखर उद्योगाला फायदेशीर होऊ शकेल. - पी. जी. मेढे, साखर तज्ज्ञ, कोल्हापूर

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com