agriculture news in Marathi, sugar valuation decreased, Maharashtra | Agrowon

साखर मूल्यांकन पुन्हा घटविले
राजकुमार चौगुले
बुधवार, 11 एप्रिल 2018

कोल्हापूर : केंद्राने निर्यातीला अनुदान आणि कोटा ठरवूनही त्याचा परिणाम झाला नाही. त्यातच राज्य सहकारी बॅंकेने मंगळवारी (ता. १०) साखर मुल्यांकनात पुन्हा १२० रुपये कपात केली. नव्या दरानुसार क्विंटलला २८०० रुपये किंमत गृहीत धरल्याचे पत्र राज्य सहकारी बॅंकेने कारखान्यांना पाठविल्याने उद्योगात चिंतेचे वातावरण आहे. 

कोल्हापूर : केंद्राने निर्यातीला अनुदान आणि कोटा ठरवूनही त्याचा परिणाम झाला नाही. त्यातच राज्य सहकारी बॅंकेने मंगळवारी (ता. १०) साखर मुल्यांकनात पुन्हा १२० रुपये कपात केली. नव्या दरानुसार क्विंटलला २८०० रुपये किंमत गृहीत धरल्याचे पत्र राज्य सहकारी बॅंकेने कारखान्यांना पाठविल्याने उद्योगात चिंतेचे वातावरण आहे. 

गेल्या आठ दिवसांत साखरेच्या मूल्यांकनात तब्बल ३०० रुपयांची घट आहे. साखर दरात तातडीने वाढ झाली नाही, तर ज्या कारखान्यांची शेतकऱ्यांची देणी थकबाकीत आहेत, त्यातील एक रुपयाही उत्पादकांना आता तरी देणे शक्‍य नसल्याची भीती कारखानदारांनी व्यक्त केली, यामुळे आता उत्पादकाला शिल्लक पहिल्या हप्त्यासाठी झगडावे लागण्याची शक्‍यता आहे.

साखरेच्या दरात घसरण होत असल्याने राज्य बॅंकेने ४ एप्रिलला साखरेचे मूल्यांकन कमी केले होते. यानुसार २९२० रुपये इतकी गृहीत धरण्यात आली होती. शेतकऱ्यांच्या शिल्लक हप्त्यासाठी या रकमेची जुळवाजुळव करत असतानाच आठवड्याच्या आतच मंगळवारी (ता. १०) सलग दुसरा दणका कारखान्यांना बसला. ४ तारखेच्या मूल्यांकनाबाबतचा आदेश राज्य बॅंकेने तातडीने रद्द करीत मूल्यांकन २८०० रुपये केल्याचे पत्र कारखान्यांना दिले.

यामुळे ८५ टक्के उचल सूत्रानुसार आता कारखान्यांना साखर पोत्यावर २३८० रुपये इतकी उचल मिळणार आहे. यातून प्रक्रिया खर्च वजा जाता कारखान्यांच्या हातात पहिल्या हप्त्यासाठी केवळ १६३० रुपये इतकीच रक्कम कारखान्यांना मिळणार आहे. यामुळे फार मोठा दुरावा (शार्ट मार्जिन) निर्माण होण्याची शक्‍यता आहे. 

निर्यातीबाबतीत शुकशुकाटच
केंद्राने निर्यातीचा कोटा ठरवून दिला असला, तरी गेल्या पंधरा दिवसांत किती कारखान्यांनी साखर निर्यात केली, याबाबतचा तपशील अद्याप प्राप्त झाला नसल्याची माहिती साखर आयुक्तालयाच्या सूत्रांनी दिली. आंतराष्ट्रीय बाजारात साखरेचे दर सरासरी २१०० रुपये इतके आहेत. क्विंटलमागे सातशे ते आठशे रुपये तोटा सहन करणे कारखान्यांना अशक्‍य असल्याने कारखान्यांनी अद्यापही वेट अँड वॉचचीच भूमिका घेतली आहे. 

राष्ट्रीय बाजारातही मंदीचे वातावरण कायम
साखर व्यापाऱ्यांनी दिलेल्या माहितीनुसार स्थानिक बाजारातही साखरेचे दर ३००० रुपयापर्यंत खाली आहेत. आठच दिवसांपूर्वी उन्हाळ्याच्या पार्श्‍वभूमीवर शीतपेये व आईस्क्रीम उत्पादकांनी चांगली खरेदी केल्याने दरात शंभर ते दीडशे रुपयांची वाढ झाली होती. पण ही वाढ तत्कालिक ठरल्याचे साखर उद्योगातून सांगण्यात आले. 

इतर अॅग्रो विशेष
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...
'उगम' करतेय शेती, पर्यावरण अन्‌...गेल्या बावीस वर्षांपासून शाश्वत ग्रामीण...
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
शेतीतूनच होते औद्योगिक विकासाची पायाभरणीची नमधील कम्युनिस्ट पक्षाच्या राज्यकर्त्यांनी...
कसा टळेल मानव-वन्यप्राणी संघर्ष? अलीकडे वन्यप्राण्यांकडून शेतपिकांचे होणारे नुकसान...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....