agriculture news in marathi, sugarcane biomass management issue, satara, maharashtra | Agrowon

सातारा जिल्ह्यात ऊस पाचट व्यवस्थापनाकडे दुर्लक्ष
टीम अॅग्रोवन
गुरुवार, 22 मार्च 2018

जमिनीचा पोत सुधारण्यासाठी व उत्पादनवाढीसाठी पाचट व्यवस्थापन ही काळाजी गरज आहे. पाचट व्यवस्थानामुळे सेंद्रिय कर्बात वाढ, भांडवली खर्च व पाण्याची मोठी बचत होते.
- अंकुश सोनावले, कृषी सहायक, नागठाणे.

सातारा : जिल्ह्यातील ऊस गाळप हंगाम अंतिम टप्प्यात आला आहे. पाचटापासून शेतजमिनीची सुपीकता तसेच उत्पादनवाढीत होत असलेला फायदा याकडे शेतकरी दुर्लक्ष करीत आहेत. याही गाळप हंगामात ७० टक्के क्षेत्रावरील पाचट जाळल्याचा अंदाज व्यक्त केला जात आहे.
 
जिल्ह्यात महाबळेश्वर तालुक्‍याचा अपवाद वगळता सर्वच तालुक्‍यांत उसाचे पीक घेतले जात आहे. दरातील वाढलेली शाश्वतता आणि पाण्याची उपलब्धतता यामुळे उसाच्या क्षेत्रात वाढ होऊ लागली आहे. यामुळे साखर कारखान्यांची संख्याही वाढली आहे.
 
२०१७-१८ मधील गाळपासाठी जिल्ह्यात ८० हजार हेक्‍टर क्षेत्रावर ऊस उपलब्ध होता. यामध्ये ६० हजार हेक्‍टर आडसाली, पूर्व व सुरू हंगामातील उसाचा समावेश आहे. हा ऊस जवळपास संपत आला आहे. सध्या खोडवा व उशिरा लागवड झालेल्या ऊसतोडणी व गाळपाचे काम सुरू आहे. आडसाली, पूर्व व सुरू हंगामातील तोडणी उरकली असून, यातील पाचट व्यवस्थापनाकडे शेतकऱ्यांकडून दुर्लक्ष केले जाते. यामुळे मोठ्या प्रमाणात जमीन सुपिकतेचे नुकसान होत आहे.
 
जिल्ह्यात २५ ते ३० टक्के शेतकरी पाचट व्यवस्थापनाद्वारे जमिनीची सुपीकता; तसेच उत्पादनवाढीसाठी प्रयत्न करत आहेत. उर्वरित शेतकऱ्यांकडून मात्र याकडे दुर्लक्ष केले जात आहे. अनेक शेतकऱ्यांचा पाचट ठेवण्याबाबत गैरसमज असल्यामुळे पाचट ठेवली जात नसल्याचे दिसून येते. उंदीर प्रादुर्भाव आणि पाणी देताना अडचणी येत असल्याचे शेतकरी सांगतात.
 
एक एकर ऊस क्षेत्रातील पाचट व्यवस्थापनातून सुमारे साडेचार टन सेंद्रिय घटक मिळत असते. याबरोबरच तणनियंत्रण, पाण्याची बचत; तसेच कमी प्रमाणात रासायनिक खते एकूणच भांडवली खर्चात बचत होते. सध्या जिल्ह्यातील ५० ते ५५ हजार क्षेत्रावरील पाचट जाळल्याने दीड ते दोन लाख टन सेंद्रिय घटकांचा ऱ्हास होत आहे.      
 
जिल्ह्यात सध्या १५ साखर कारखाने आहेत. पुढील हंगामात ही संख्या १७वर जाण्याची शक्‍यता आहे. नवीन लागवड झालेला ऊस व खोडवा ऊस याच कारखान्यांकडून गाळप केला जाणार आहे. उसाच्या उत्पादनात वाढ होण्यासाठी पाचट व्यवस्थापनाकरिता सर्व कारखान्यांनी एकत्र येऊन कार्यक्रम राबवण्याची गरज आहे. जास्तीत जास्त शेतकऱ्यांनी पाचट व्यवस्थापन करावे, यासाठी शेतकऱ्यांना प्रोत्साहनपर काही मदत करता येईल, अशा प्रकारची योजना तयार करण्याची गरज आहे. साखर कारखान्यांबरोबरच कृषी विभागाने जनजागृतीसाठी प्रयत्न करणे आवश्‍यक आहे.

 

 

 

इतर ताज्या घडामोडी
बोंड अळीचे जीवनचक्र खंडित करण्यासाठी...परभणी : सद्यःस्थितीत पाणी दिलेल्या कपाशीच्या...
नागपूरला होणार रेशीम कोष मार्केटनागपूर   ः राज्यात विस्तारत असलेल्या रेशीम...
खानदेशातील रब्बी पाण्याअभावी संकटातजळगाव  : अत्यल्प पावसामुळे खानदेशात...
साखर कारखान्यांच्या ताबेगहाण कर्जाला...मुंबई  ः साखर कारखान्यांना शेतकऱ्यांच्या ‘...
नगरमधील शेतकऱ्यांना मिळणार शेळीपालन,...नगर   : पशुसंवर्धन विभागामार्फत शेतकऱ्यांना...
जळगावात सीताफळाला प्रतिक्विंटल २५०० ते...जळगाव : कृषी उत्पन्न बाजार समितीमध्ये बुधवारी (ता...
संग्रामपूर खरेदी केंद्रावर अाॅनलाइन...बुलडाणा   : अाधारभूत किमतीने शेतीमाल...
एफआरपी थकवलेल्या ११ कारखान्यांवर कारवाई...मुंबई  : राज्यातील ११ साखर कारखान्यांनी...
गोंदिया जिल्ह्यात ५२ हजार क्विंटल धान...गोंदिया  ः शासनाच्या वतीने नाफेडच्या...
मदत, पुनर्वसन समितीच्या अहवालानंतर...अकोला  ः कमी तसेच अनियमित पावसामुळे निर्माण...
सातारा जिल्ह्यात रब्बीसाठी आतापर्यंत...सातारा : जिल्ह्यातील राष्ट्रीयीकृत तसेच सहकारी...
‘उजनी`चे २० टीएमसी पाणी सोलापूर, अऩ्य...सोलापूर : सोलापूर आणि इतर शहरांच्या पिण्याच्या...
मक्यावरील अमेरिकन लष्करी अळीचे नियंत्रणशास्त्रीय नाव ः स्पोडोप्टेरा फ्रुजीपर्डा  ...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...