agriculture news in marathi, sugarcane crop affected by whitegrum, nagar, maharashtra | Agrowon

नगर जिल्ह्यात उसावर हुमणीचा प्रादुर्भाव
टीम अॅग्रोवन
शुक्रवार, 7 सप्टेंबर 2018

राज्यातील सोलापूर, कोल्हापूर, पैठण, परभणी, औरंगाबाद, सातारा, सांगली, नगर भागांत हुमणीचा ऊस, हळद, आले पिकात मोठ्या प्रमाणात प्रादुर्भाव होत आहे. हुमणी कीड मुळाशी असते. त्यामुळे उपाय करताना किडीपर्यंत कीडनाशक पोचेल अशा पद्धतीने त्याचा वापर होणे गरजेचे आहे. त्यादृष्टीने शेतकऱ्यांनी सल्ला घेऊन उपाययोजना कराव्यात.
- डॉ. पांडुरंग मोहिते, प्रमुख शास्त्रज्ञ, अखिल भारतीय हुमणी संशोधन प्रकल्प, कृषी महाविद्यालय, कोल्हापूर
 

नगर  ः जिल्ह्यातील अनेक भागांत उसावर हुमणी किडीचा प्रादुर्भाव झाला आहे.  उत्तरेसह दक्षिण भागातही या किडीच्या प्रादुर्भावामुळे ऊस क्षेत्र बाधित झाले आहे. आधीच बोंड अळीच्या प्रादुर्भावाने शेतकरी हतबल असताना आता हुमणीची समस्या उद्भवल्याने त्यांच्यावर दुहेरी संकट ओढवले आहे. जिल्ह्यातील नेमके किती क्षेत्र हुमणीमुळे बाधित झाले आहे याचा आकडा मात्र कृषी विभागाला माहित नसल्याची स्थिती आहे.

जिल्ह्यात यंदा उसाची ३३ हजार हेक्‍टर क्षेत्रावर लागवड झाली आहे. राहुरी, राहाता, संगमनेर, कोपरगाव, श्रीगोंदा, अकोले, नेवासा तालुक्‍यासह शेवगाव, पारनेरच्या काही भागांत उसाचे क्षेत्र आहे. उसावर यंदा मोठ्या प्रमाणात हुमणीचा प्रादुर्भाव झाला आहे. प्रतिकूल हवामान, सतत ढगाळ वातावरण, पाण्याचा अति वापर यामुळे हुमणीचा प्रादुर्भाव झाला असल्याचे सांगितले जात आहे.

हुमणीने उसाची पांढरी मुळे खाण्याचा सपाटा लावला आहे. त्यामुळे उसाचे सर्वाधिक क्षेत्र बाधित झाले आहे. त्यामुळे यंदा मोठ्या प्रमाणावर उत्पादनाला फटका बसेल, असे ब्राह्मणी येथील शेतकरी पाटील जाधव यांनी सांगितले.  जिल्ह्यात गेल्या वर्षी कापसावर मोठ्या प्रमाणात गुलाबी बोंड अळीचा प्रादुर्भाव झाला. यंदाही जवळपास ४० टक्के कापसाचे पीक या अळीने बाधित झाले आहे. त्यामुळे कापसाचे पीक धोक्‍यात असताना हुमणीच्या प्रादुर्भावाने आता ऊसही अडचणीत आला. नदीकाठच्या गावांतील ऊस क्षेत्राला याचा मोठा फटका बसला आहे. नगरसह राज्यातील अनेक भागांत अशी  स्थिती असल्याचे शेतकरी सांगत आहेत.

यंदा पन्नास टक्‍क्‍यांपेक्षा अधिक ऊस क्षेत्रावर हुमणीचा प्रादुर्भाव झाला आहे. सुरवातीला जिरायती भागात हा प्रादुर्भाव दिसत होता. पाच दिवसांपूर्वी आम्ही शेतकऱ्यांनी सर्व्हे केला तर बागायती भागातही हुमणीचा प्रादुर्भाव दिसून आला आहे. यंदा कारखान्याला ऊस जाऊ शकत नाही. सर्वाधिक ऊस उत्पादक शेतकरी कर्जबाजारी होणार असल्याचे ब्राम्हणी येथील शेतकरी  एकनाथ वने यांनी सांगितले.

पाऊस कमी असल्याने हुमणीचा प्रादुर्भाव वाढत आहे. मात्र त्यावर काय उपाययोजना करायच्या याबाबत कृषी विभागाचे अधिकारी, कर्मचारी शेतकऱ्यांना थेट बांधावर जाऊन मार्गदर्शन करत आहेत. हुमणीचा प्रादुर्भाव कमी करण्यासाठी प्रयत्न केले जात आहेत, अशी माहिती जिल्हा अधीक्षक कृषी अधिकारी पंडित लोणारे यांनी दिली.

सध्या नगर, मराठवाडा, सोलापूरमधील बहुतांश भागांत पाऊस नसल्याने चाऱ्याचा प्रश्‍न निर्माण झाला आहे. चाऱ्याचा प्रश्‍न निर्माण झाला की उसाचा चाऱ्यासाठी वापर होतो. यंदा हुमणीचा प्रादुर्भाव झाल्याने शेतकरी उसाची चाऱ्यासाठी विक्री करू लागले आहेत. परिणामी बाजारात उसाची आवक वाढू लागल्याने दर कमी होऊ लागले आहेत.
 

 

इतर ताज्या घडामोडी
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...
पाकिस्तानात घुसूनच सर्जिकल स्ट्राइक करा...नवी दिल्ली : दहशतवादाविरोधात सर्व राजकीय पक्षांनी...
शिवजयंतीला शिवनेरी किल्ल्यावर शिववंदनापुणे : छत्रपती श्री शिवाजी महाराज यांच्या...
हुतात्मा संजय राजपूत, नितीन राठोड यांना...बुलडाणा  ः काश्मीरमधील पुलवामा सेक्टरमध्ये...
जिवाणूंमुळे होतो फुफ्फुसाच्या...फुफ्फुसाच्या ट्यूमरच्या विकासामध्ये तेथील...
पाणीटंचाईची ऊस लागवडीला झळपुणे :ऑक्टोबरपासून सुरू झालेल्या...
नगर जिल्हा परिषदेचे उद्या अंदाजपत्रकनगर : जिल्हा परिषदेची अंदाजपत्रकीय विशेष सभा...
सौरपंपांपासून साडेचार हजार शेतकरी वंचितजळगाव : मुख्यमंत्री सौरकृषिपंप योजनेच्या लाभासाठी...
सौर कृषिपंप योजनेच्या लाभार्थ्यांचा...सोलापूर : शेतकऱ्यांना सौरऊर्जेद्वारे दिवसाही...
औरंगाबादेत द्राक्ष प्रतिक्विंटल ३५०० ते...औरंगाबाद : येथील कृषी उत्पन्न बाजार समितीमध्ये...
शिवसेना-भाजपचे युतीच्या दिशेने पुढचे...मुंबई: लोकसभा निवडणुकीतील युतीसाठी शिवसेना-...
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...