agriculture news in marathi, sugarcane crop become in trouble due to drought, pune, maharashtra | Agrowon

पुणे विभागातील दोन लाख हेक्टरवरील ऊस पीक अडचणीत
टीम अॅग्रोवन
शनिवार, 20 एप्रिल 2019

पुणे  ः गेल्या चार ते पाच महिन्यांपासून पुणे विभागातील गावांना पाणीटंचाईची झळ बसत आहे. यामुळे रब्बी हंगामासह फळबाग, ऊसशेती धोक्यात आली आहे. पाणीटंचाईमुळे विभागातील एक लाख ९५ हजार ३९० हेक्टर ऊस क्षेत्र अडचणीत आले आहे. त्यामुळे पुढील वर्षी साखर कारखान्यांना गाळपासाठी उसाचा प्रश्न मोठ्या प्रमाणात भेडसावणार असून, गळीत हंगाम अडचणीत येण्याची शक्यता आहे.   

पुणे  ः गेल्या चार ते पाच महिन्यांपासून पुणे विभागातील गावांना पाणीटंचाईची झळ बसत आहे. यामुळे रब्बी हंगामासह फळबाग, ऊसशेती धोक्यात आली आहे. पाणीटंचाईमुळे विभागातील एक लाख ९५ हजार ३९० हेक्टर ऊस क्षेत्र अडचणीत आले आहे. त्यामुळे पुढील वर्षी साखर कारखान्यांना गाळपासाठी उसाचा प्रश्न मोठ्या प्रमाणात भेडसावणार असून, गळीत हंगाम अडचणीत येण्याची शक्यता आहे.   

पुणे विभागातील नगर, पुणे आणि सोलापूर या जिल्ह्यांत खासगी आणि सहकारी मिळून सुमारे ८० साखर कारखाने आहेत. त्यापैकी काही साखर कारखाने हे दोन ते तीन वर्षांपासून बंद आहेत. दरवर्षी गळीत हंगामात या ८० साखर कारखान्यांपैकी सुमारे ६० ते ६५ साखर कारखाने सुरू होतात. त्यासाठी मोठ्या प्रमाणात उसाची गरज असते. अनेक शेतकरीदेखील शाश्वत उत्पन्नासाठी मोठ्या प्रमाणात उसाची लागवड करतात. साधारणपणे लागवडीनंतर दहा महिन्यांनी ऊसतोडणीस येतो. त्यामुळे अनेक शेतकरी जुलै ते आॅगस्ट महिन्यात आडसाली उसाची लागवड करतात. काही शेतकरी सुरू, पूर्वहंगामी उसाचीही लागवड करतात.   

यंदा कमी झालेला पाऊस, आॅक्टोबरपासून सुरू झालेली पाणीटंचाई याचा फटका ऊस लागवडीला बसला आहे. पुणे विभागातील अनेक ठिकाणी ऊस लागवड खोळंबल्याची स्थिती आहे. मात्र पाण्याची सुविधा असलेल्या काही शेतकऱ्यांनी लागवडी केल्या आहेत. विभागात आडसाली, सुरू, पूर्वहंगामी, खोडवा उसाचे सरासरी क्षेत्र चार लाख १३ हजार ५८० हेक्टर आहे. यंदा खोडवा वगळता उसाची नव्याने एक लाख ४८ हजार ९२० हेक्टरवर लागवड झाली आहे. शेतकऱ्यांनी गेल्या वर्षी लागवड केलेल्या व यंदा गाळप झालेला सुमारे ४६ हजार ४८० हेक्टरवरील ऊस खोडवा म्हणून ठेवला आहे. सरासरीच्या तुलनेत विचार केल्यास विभागात ऊस लागवडीच्या क्षेत्रात दोन लाख १८ हजार १९० हेक्टरने घट झाली आहे. त्यातच गेल्या चार ते पाच महिन्यांपासून सुरू झालेली पाणीटंचाई  येत्या दीड ते दोन महिन्यांत आणखी तीव्र होईल.

सध्या विभागात अनेक ठिकाणी टॅंकरने पाणीपुरवठा सुरू आहे. शेतीच्या पाण्याची स्थितीही भीषण झाली आहे. अनेक ठिकाणी विहिरीही कोरड्या पडल्या आहेत. त्यामुळे ऊस शेतीसह, इतर पिकेही धोक्यात आली आहेत. 

पुणे जिल्ह्यात जुन्नर, आंबेगाव, बारामती, दौड, इंदापूर, शिरूर, तर नगर जिल्ह्यातील राहुरी, राहाता, संगमनेर, कोपरगाव, श्रीरामपूर, नेवासा, सोलापूर जिल्हातील पंढरपूर, करमाळा, मोहोळ, माढा, दक्षिण सोलापूर ही तालुके उसाचे आगार म्हणून ओळखली जातात. या तालुक्यांत दरवर्षी शेतकरी आडसाली, पूर्वहंगामी, सुरू उसाची लागवड करून उत्पादन घेतात. तर काही शेतकरी खोडव्याचेही उत्पादन घेतात. यंदा कमी पावसाचा आडसाली, पूर्वहंगामी व सुरू उसाच्या लागवडीवर मोठा परिणाम झाला. त्यामुळे दोन लाख हेक्टरच्या पुढे उसाच्या लागवडी गेल्या नाहीत.

 

जिल्हानिहाय उसाचे क्षेत्र (हेक्टर)
जिल्हा सरासरी क्षेत्र  ऊस लागवड क्षेत्र 
नगर  १,२१,१८० ६७,६२० 
पुणे १,३०,६३० ६९,७१० 
सोलापूर  १,६१,७७० ५८,०६० 

 

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...