agriculture news in Marathi, Sugarcane crop expand in Sindhudurg District, Maharashtra | Agrowon

सिंधुदुर्ग जिल्ह्यात विस्तारतेय ऊसशेती
राजकुमार चौगुले
शुक्रवार, 19 जानेवारी 2018

​आमचा कारखाना कोल्हापूर व सिंधुदुर्ग जिल्ह्याच्या सीमेवर आहे. आम्हाला सिंधुदुर्ग जिल्हाही जवळ असल्याने या जिल्ह्यातूनही ऊसपुरवठा होत आहे. आम्ही शेतकऱ्यांसाठी अनेक ऊस योजना राबविल्या आहेत. याचा फायदा सिंधुदुर्गमधील शेतकरीही घेत आहेत. 
- सुनील पाटील, ऊस विकास अधिकारी, डॉ. डी. वाय. पाटील सहकारी साखर कारखाना, गगनबावडा

सिंधुदुर्ग : आंबा, काजू व अन्य मसाला पीक उत्पादनात पुढारलेल्या सिंधुदुर्ग जिल्ह्यात आता ऊसशेती कात टाकू लागली आहे. कोल्हापुरातील कारखान्यांच्या तांत्रिक सहकार्याच्या जोरावर डोंगराळ सिंधुदुर्ग जिल्ह्यातही उसाचे मळे फुलत आहेत. गेल्या काही वर्षांत उसाच्या क्षेत्रात वाढ होत आहे. जिल्ह्यात यंदा सुमारे पाच हजार एकरवर उसाचे क्षेत्र आहे. 

कोकणाला लागून असलेला कोल्हापूर जिल्हा हा उसाच्या दृष्टीने पुढारलेला जिल्हा; पण या जिल्ह्याच्या शेजारी असूनही भौतिक परिस्थिती नसल्याने सिंधुदुर्ग जिल्ह्यात उसाचे क्षेत्र वाढले नाही. गेल्या दहा ते पंधरा वर्षांपासून अगदी कमी प्रमाणात ऊसशेती होती.

कोकणात अनेक ठिकाणी पावसाळ्याचे काही दिवस वगळता उन्हाळ्यात पाण्याची मोठी टंचाई भासते. उसाला बारमाही पाण्याची गरज असल्याने उसाचे पीक घेणे कोकणवासीयांना विशेष करून सिंधुदुर्ग जिल्ह्यात शक्‍य नव्हते; परंतु गेल्या चार पाच वर्षांत कोल्हापुरातील काही कारखान्यांनी ऊस उपलब्धतेसाठी मेहनत घेण्यास सुरवात केली. आपले प्रतिनिधी नेमून ऊसवाढीसाठी प्रयत्न केले.
 
राधानगरी, गगनबावडा तालुक्‍यातील ऊस कारखान्यांनी आपले क्षेत्र विस्तारत सिंधुदुर्ग जिल्ह्यात ऊसशेतीला वाव दिला. सुरवातीला कोल्हापुरातून सिंधुदुर्गमध्ये स्थायिक झालेल्या, या जिल्ह्यात जमिनी घेतलेल्या शेतकऱ्यांनी ऊसशेतीस प्रारंभ केला. कोल्हापूर जिल्ह्यातील कारखान्यांच्या तांत्रिक सहकार्याने ऊसशेतीचे प्रयोग सुरू झाले.

डोंगराळ व कमी क्षेत्रातील जमिनीत हेक्‍टरी उत्पादन कमी असले तरी वर्षाला हमखास येणारी रक्कम पाहून ज्यांच्याकडे बारमाही पाण्याची सोय आहे, त्या शेतकऱ्यांनीही ऊसशेतीसाठी पसंती दाखविली. बियाणे, खते, याबरोबर तांत्रिक मार्गदर्शनही या कारखान्यांच्या तज्ज्ञांकडून होत असल्याने शेतकऱ्यांना ऊसशेती करणे सहज शक्‍य झाले आहे.

जिल्ह्यातील कणकवली, वैभववाडी, फोंडा, आंबोली, दोडामार्ग तालुक्‍यातही ऊस क्षेत्रात हळूहळू वाढ होत आहे. या तालुक्‍यातील ऊस राधानगरी, गगनबावडा तालुक्‍यातील कारखान्यांना जात आहे. सिंधुदुर्ग जिल्हा बॅंकेनेही ऊसशेतीसाठी कर्ज उपलब्ध करून दिल्याने ऊसशेती करणाऱ्यांसाठी सहज अर्थपुरवठा उपलब्ध होऊ लागला. कारखाने जिल्हा बॅंक यांचा एकत्रित परिणाम यामुळेच डोंगराळ सिंधुदुर्ग जिल्ह्यातही ऊसशेती फुलू लागली आहे.

 

इतर ताज्या घडामोडी
शेतकऱ्याने तयार केली डिझेलवरची बाईकसांगली : वाढत्या पेट्रोलच्या सुटकेसाठी...
शेतकऱ्यांना फसविणारे विक्रेते,...सोलापूर : शेतकरी केंद्रबिंदू मानून...
धुळे जिल्ह्यात पूर्वहंगामी कापूस...धुळे : जिल्ह्यात पूर्वहंगामी कापूस लागवडीची...
जळगाव जिल्ह्यात खरिपासाठी मुबलक खतेजळगाव : जिल्ह्यात आगामी खरिपासाठी शेतकऱ्यांची...
सोलापुरात गाजर, काकडीचे दर वधारले,...सोलापूर ः सोलापूर कृषी उत्पन्न बाजार समितीच्या...
कारखान्यांनी थकीत `एफआरपी' त्वरीत...सोलापूर : जिल्ह्यातील साखर कारखान्यांनी थकवलेले...
हमीभाव खरेदी बंद होताच तुरीचे दर झाले...नागपूर ः शासनाची हमीभाव खरेदी बंद होताच तुरीचे दर...
नगरला गव्हाला १६४१ ते १८५० रुपये...नगर : नगर बाजार समितीत गव्हाची आवक बऱ्यापैकी होत...
नाशिकला आंबा, खरबूज, कलिंगड तेजीतनाशिक : वाढत्या उन्हाबरोबरच नाशिक बाजार समितीत...
कासवाच्या लिंगनिर्धारणामागील जनुकीय...गेल्या ५० वर्षांपासून अंडी उबण्याच्या...
सातारा जिल्ह्यात पाणीटंचाई वाढलीसातारा  : जिल्ह्यात पाणीटंचाईच्या झळा वाढू...
अग्रणी नदी पुन्हा अतिक्रमणाच्या विळख्यातसांगली : तासगाव, कवठेमहांकाळ तालुक्‍यांतील अग्रणी...
पुण्यातील डाळिंब, पेरू, चिकू बागांना...पुणे  : जिल्ह्यातील मृग बहारातील डाळिंब,...
इंदापुरातील नीराकाठची पिके जळण्याच्या...वालचंदनगर, जि. पुणे  ः इंदापूर तालुक्‍यातील...
नगर जिल्ह्यात ‘कृषी’च्या कामांवरच ‘...नगर  ः जलयुक्त शिवार अभियानाची कामे...
विषबाधा बळीप्रकरणी पावणेदोन कोटींची मदतअकोला : कीटकनाशक फवारणी करताना विषबाधा होऊन मृत...
हिंगोलीतील १०३ गावांची ‘जलयुक्त शिवार’...हिंगोली : जलयुक्त शिवार अभियानाच्या चौथ्या...
विधान परिषदेच्या ६ जागांसाठी उत्साहात...मुंबई ः स्थानिक स्वराज्य संस्थांमधून विधान...
सैन्य दलात अधिकारी होण्याची संधीमुंबई : भारतीय सैन्यदल, नौदल व वायुदलात...
कर्नाटक: कामगारांच्या पत्राशेडमध्ये...विजयपूर : नुकतेच कर्नाटकात विधानसभेची निवडणुका...