agriculture news in marathi, sugarcane crushing issue, sangli, maharashtra | Agrowon

सांगली जिल्ह्यात ३० टक्के ऊस शिल्लक
टीम अॅग्रोवन
शनिवार, 17 मार्च 2018
सांगली  ः जिल्ह्यात साखर कारखान्यास गाळपासाठी जाणारा २५ ते ३० टक्के ऊस अद्याप शिल्लक आहे. सध्या ऊस तोडणीसाठी बहुतेक कारखान्यांच्या अनेक मजूर टोळ्या एकरी २५ हजार रुपयांची मागणी करीत आहेत. दुसऱ्या बाजूला वाढते तापमान आणि पाणीटंचाईमुळे ऊस वाळण्याचा धोका निर्माण झाला आहे. शिल्लक उसाचे करायचे काय, असा प्रश्‍न शेतकऱ्यांसमोर आहे.
 
सांगली  ः जिल्ह्यात साखर कारखान्यास गाळपासाठी जाणारा २५ ते ३० टक्के ऊस अद्याप शिल्लक आहे. सध्या ऊस तोडणीसाठी बहुतेक कारखान्यांच्या अनेक मजूर टोळ्या एकरी २५ हजार रुपयांची मागणी करीत आहेत. दुसऱ्या बाजूला वाढते तापमान आणि पाणीटंचाईमुळे ऊस वाळण्याचा धोका निर्माण झाला आहे. शिल्लक उसाचे करायचे काय, असा प्रश्‍न शेतकऱ्यांसमोर आहे.
 
यंदा चांगला पाऊस झाल्याने मोठ्या प्रमाणात ऊस लागवड होत आहेत. यंदाच्या हंगामात जिल्ह्यात सुमारे ३० टक्के मजुरांची कमतरता भासू लागली आहे. यामुळे ऊस तोडणीचा आराखडा तयार करताना कारखानदारांना अडचणीतून मार्ग काढावा लागतो आहे. याचा परिणाम ऊस तोडणीवर होऊ लागला आहे. यामुळे वेळेत ऊस कारखान्यास जात नसल्याने शेतकरी चिंताग्रस्त झाले आहेत.
 
जिल्ह्याच्या पूर्वभागात पाणी योजनांमुळे उसाचे क्षेत्र वाढत आहे. एकदा ऊस लावल्यानंतर पुन्हा मजुरांकडून कष्टाची कामे नसतात. ऊस नोंद केल्यानंतर कारखाना तोडून घेऊन जातो. अशी स्थिती आतापर्यंत होती. मात्र आता कारखान्यांना तोडणी मजुरांचा प्रश्‍न भेडसावू लागला आहे. ऊस तोडणी मजुरांची संख्या कमी होत असल्याने कारखान्यांनाही पुरेसा ऊस वेळवर मिळणे अवघड होत आहे.
 
त्यामुळे वर्ष होऊन गेले तरी बहुतांशी ऊस शेतातच उभा आहे. त्यातच तापमानात झालेली वाढ, म्हैसाळ योजना बंद असल्याने निर्माण झालेली पाणीटंचाई यामुळे शेतकऱ्यांसमोर पेच निर्माण झाला आहे. पुढील वर्षी नवीन पीक घेण्यासाठी शेत रिकामे करण्याचीही धडपड सुरू आहे. अनेक टोळ्यांचे मुकादम शेतकऱ्यांच्या अगतिकतेचा फायदा घेत ऊस तोडणीसाठी एकरी २५ ते ३० हजार रुपयांची मागणी करीत आहेत.
 
काही गावांत शेतकरीच एकत्र येत स्वतःच ऊस तोडून कारखान्यास पाठवत आहेत. पूर्वभाग तसेच दुष्काळी टापूत उसाचा एकरी उतारा ५० ते ६० टन पडतो. त्यामुळे तोडणीसाठी एवढे पैसे दिल्यानंतर सर्व खर्च वजा जाता शिल्लक काय राहणार, असा प्रश्‍न त्यांच्यासमोर आहे. तरीसुद्धा ऊस लवकर घालविण्यासाठी तेवढे पैसे देऊनही मुकादमांकडे त्यांचा तगादा सुरू आहे.
 
जिल्ह्यात केवळ सहा ऊस तोडणी यंत्रे आहेत. यामुळे इतर कारखानेदेखील ऊस तोडणी मजुरांच्या कमतरतेमुळे ऊस तोडणी यंत्राचा वापर करू लागले आहेत. आता तर भविष्यात मजूर टंचाई वाढतच जाणार आहे. ऊस तोडणी यंत्राला पर्याय राहणार नाही.
 

इतर ताज्या घडामोडी
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...
सरकार `एफआरपी`साठी बांधिल, जादा दरासाठी...सोलापूर   ः ऊसदराच्या आंदोलनाने राज्यभर...
सोयापदार्थाच्या साह्याने कुपोषणाशी...कुपोषणाच्या समस्येशी सामना करण्यासाठी...
गिरणा धरणाचे पाणी जळगाव हद्दीत पोचलेजळगाव : रब्बी हंगामासाठी हतनूर धरणातून तीन, तर...
मालेगाव, सिन्नरसह आठ तालुक्यांत चारा...नाशिक : नाशिक जिल्ह्यात पावसाचे प्रमाण अत्यंत कमी...
परभणीत चारा, वैरणीच्या दरात सुधारणा परभणी : जिल्ह्यात उद्भवलेल्या दुष्काळी...
‘भीमा'तर्फे प्रतिटन शंभर रुपयांचे वाटपसोलापूर : टाकळी सिकंदर (ता. मोहोळ) येथील भीमा...
साताऱ्यात प्रतिदहा किलो वाटाण्यास १२००...सातारा : येथील कृषी उत्पन्न बाजार समितीत मंगळवारी...
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...