agriculture news in marathi, sugarcane crushing season end in nanded region, maharashtra | Agrowon

नांदेड विभागातील साखर कारखान्यांची धुराडी थंडावली
टीम अॅग्रोवन
बुधवार, 23 मे 2018

नांदेड : नांदेड विभागातील परभणी, हिंगोली, नांदेड, लातूर, उस्मानाबाद या पाच जिल्ह्यांतील ३२ साखर कारखान्यांचा गाळप हंगाम आटोपला आहे. यंदाच्या गाळप हंगामात या कारखान्यांनी १ कोटी १७ लाख ३६ हजार ६६९ टन ऊस गाळप केला. सरासरी १०.६६ टक्के उताऱ्याने एकूण १ कोटी २५ लाख ७ हजार ६२६ क्विंटल साखरेचे उत्पादन झाले आहे.

नांदेड : नांदेड विभागातील परभणी, हिंगोली, नांदेड, लातूर, उस्मानाबाद या पाच जिल्ह्यांतील ३२ साखर कारखान्यांचा गाळप हंगाम आटोपला आहे. यंदाच्या गाळप हंगामात या कारखान्यांनी १ कोटी १७ लाख ३६ हजार ६६९ टन ऊस गाळप केला. सरासरी १०.६६ टक्के उताऱ्याने एकूण १ कोटी २५ लाख ७ हजार ६२६ क्विंटल साखरेचे उत्पादन झाले आहे.

प्रादेशिक साखर सहसंचालक कार्यालयांतर्गत नांदेड विभागातील पाच जिल्ह्यांतील साखर कारखान्यांच्या गाळप हंगामास १ नोव्हेंबरपासून सुरवात झाली. यंदाचा गाळप हंगाम १४ दिवस ते ६ महिने १० दिवसांचा राहिला. नांदेड जिल्ह्यातील भाऊराव चव्हाण सहकारी साखर कारखान्याचे गाळप १५ मे रोजी बंद झाले.

या वर्षी परभणी जिल्ह्यातील सर्व ५ खासगी साखर कारखान्यांनी एकूण १७ लाख ७४ हजार ५८०.५५ टन ऊस गाळप केला आहे. सरासरी १०.३१ टक्के उतायाने १८ लाख ३० हजार १४१ क्विंटल साखर उत्पादन घेतले आहे. पूर्णा तालुक्यातील बळिराजा शुगर्सचा सरासरी साखर उतारा सर्वाधिक ११.०८ टक्के आला आहे. त्रिधारा-नृसिंह साखर कारखान्याचा गाळप हंगाम १४ दिवसांचा राहिला.

हिंगोली जिल्ह्यातील सर्व ५ सहकारी साखर कारखान्यांनी एकूण ११ लाख २४ हजार ७५६ टन ऊस गाळप केला. या कारखान्यांचा सरासरी १०.८४ टक्के साखर उतारा असून, त्यांनी १२ लाख १८ हजार ७७५ क्विंटल साखर उत्पादन केले आहे. भाऊराव चव्हाण युनिट २ डोंगरकडा या कारखान्याचा सरासरी साखर उतारा सर्वाधिक ११.५३ टक्के आला आहे.

नांदेड जिल्ह्यातील ३ सहकारी आणि २ खासगी अशा एकूण ५ साखर कारखान्यांनी यंदा एकूण १३ लाख ९१ हजार ९२९ टन ऊस गाळप केला आहे. सरासरी १०.९३ टक्के साखर उताऱ्याने १५ लाख २१ हजार ४५१ क्विंटल साखर उत्पादन घेतले आहे. भाऊराव चव्हाण सहकारी साखर कारखान्याचा गाळप हंगाम सर्वाधिक काळ चालला. या कारखान्याचा साखर उतारा सर्वाधिक ११.३० टक्के आला आहे.

लातूर जिल्ह्यातील ४ सहकारी आणि ४ खासगी अशा एकूण ८ साखर कारखान्यांनी यंदा एकूण ३५ लाख ६९ हजार ८८८ टन ऊस गाळप केले आहे. या कारखान्यांचा सरासरी ११.२४ टक्के साखर उतारा आला असून, एकूण ४० लाख १३ हजार ९८० क्विंटल साखर उत्पादन घेतले आहे. जागृती शुगर्सचा साखर उतारा सर्वाधिक ११.७९ टक्के आला आहे.

उस्मानाबाद जिल्ह्यातील ३ सहकारी आणि ७ खासगी असे एकूण १० साखर कारखान्यांनी ३८ लाख ७५ हजार ५१४ टन उसाचे गाळप केले आहे. सरासरी १०.१२ टक्के उताऱ्याने एकूण ३९ लाख २३ हजार २७९ क्विंटल साखर उत्पादन घेतले आहे. नॅचरल शुगर्सचा साखर उतारा सर्वाधिक ११.१५ टक्के आला आहे.

 नांदेड विभाग २०१७-१८ गाळप हंगाम

(गाळप टन, साखर उत्पादन क्विंटलमध्ये)

जिल्हा कारखाने ऊस गाळप साखर उत्पादन साखर उतारा टक्के
परभणी  १७,७४,५८० १८,३०,१४१  १०.३१
हिंगोली ११,२४,७५६ १२,१८,७७५ १०.८४
नांदेड १३,९१,९२९ १५,२१,४५१ १०.९३
लातूर  ३५,६९,८८८ ४०,१३,९८० ११.४३
उस्मानाबाद १०  ३८,७५,५१४ ३९,२३,२७९  १०.१२

 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...