Agriculture News in Marathi, Sugarcane crushing season, FRP issue, Maharashtra | Agrowon

ऊसदराचा चेंडू अाता कारखानदारांच्या कोर्टात
राजकुमार चौगुले
सोमवार, 30 ऑक्टोबर 2017
कोल्हापूर : स्वाभिमानी शेतकरी संघटनेने ३४०० रुपये दराची मागणी करून निर्णयाचा चेंडू आता कारखानदारांच्या कोर्टात टाकला आहे. ही मागणी जाहीर करताना ‘स्वाभिमानी’चे संस्थापक खासदार राजू शेट्टी यांनी लवचिक भूमिकेचेही संकेत दिले आहेत. यामुळे स्वाभिमानी कोणत्या रकमेवर तडजोड करते याकडे ऊस उत्पादकांचे लक्ष लागले आहे. 
 
कोल्हापूर : स्वाभिमानी शेतकरी संघटनेने ३४०० रुपये दराची मागणी करून निर्णयाचा चेंडू आता कारखानदारांच्या कोर्टात टाकला आहे. ही मागणी जाहीर करताना ‘स्वाभिमानी’चे संस्थापक खासदार राजू शेट्टी यांनी लवचिक भूमिकेचेही संकेत दिले आहेत. यामुळे स्वाभिमानी कोणत्या रकमेवर तडजोड करते याकडे ऊस उत्पादकांचे लक्ष लागले आहे. 
 
दक्षिण महाराष्ट्रात १२ ते १३ साखर उतारा असणाऱ्या कारखान्यांचा तोडणी खर्च वजा जाता एफआरपी २९०० रुपयापर्यंत जाते. संघटनेच्या रेट्याने यात थोडी वाढ झाल्यास चांगले कारखानदार ३००० रुपयांपर्यंत पहिला हप्ता देऊ शकतील, असा अंदाज साखर उद्योगातील सूत्रांचा आहे. मात्र मोठे कारखाने वगळता इतर कारखान्यांची मात्र दराच्या स्पर्धेत फरफटच होण्याची शक्‍यता आहे.
 
कोंडी फोडण्यासाठी बैठक झाल्यास बैठकीला बसल्यानंतर संघटना काय भूमिका घेते यावरच किमान पश्‍चिम महाराष्ट्रातील कारखान्यांचे तरी भवितव्य अवलंबून असणार आहे. इतर शेतकरी संघटनांनी ३५०० रुपयांची मागणी करून ‘स्वाभिमानी’पुढे दर मागणीचे आव्हान उभे केले होते. स्वाभिमानी शेतकरी संघटनेने इतर संघटनांच्या दरापेक्षा शंभर रुपयांनी कमी दराची मागणी केली. यावर इतर शेतकरी संघटनांनी टीका केली असली तरी आम्ही व्यवहार्यच मागणी करीत असल्याचे स्वाभिमानीचे म्हणणे आहे. 
 
खासदार राजू शेट्टी यांनी सुमारे एक तासाच्या भाषणात साखर उद्योगाबरोबरच शेतीशी निगडित इतर बाबींचाही उल्लेख केला. यंदा पहिल्यांदाच केवळ साखर उद्योगावर न बोलता त्यांनी देशपातळीवर काम करणाऱ्या संघटनांचा अहवाला देत शेतकऱ्यांच्या सर्वांगीण विकासासाठी काम करत असल्याचे त्यांनी सांगितले. त्यांच्या टीकेचा रोख हा प्रामुख्याने वैयक्तिक न राहता केंद्राच्या भूमिकेवर राहिला.
 
प्रत्येक वर्षीच्या ऊस परिषदेत प्रामुख्याने श्री. शेट्टी साखर उद्योगातील निर्णयाचा सविस्तर आकडेवारीसह हिशेब मांडून या पद्धतीने किती दर मिळावायला हवा याची माहिती देतात. यंदा मात्र त्यांनी तपशीलवार आकडेवारी अपवाद वगळता फारशी दिसली नाही. पण साखरेचे दर चांगले असल्याने यंदा दर निश्‍चित चांगले मिळतील, यामुळे तुम्ही मागे हटू नका, असा सल्ला त्यांनी शेतकऱ्यांना दिला.
 
याबरोबरच जर मी लवचिक भूमिका घेऊन तोडगा काढला तर तुम्ही मला पाटीत खंजीर खुपसला म्हणायचे नाही, अथवा अन्य आरोप करायचे नाहीत, असे असेल तर आत्ताच सांगा, असे म्हणत त्यांनी व्यासपीठावर शेतकऱ्यांचा पाठिंबा मिळविण्याचा प्रयत्न लक्षवेधी ठरणारा होता. 
 
दरापेक्षा खोत यांच्यावरील टीकेची चर्चा
गर्दीच्या दृष्टीने परिषद पाहायला गेली तर यंदा शेतकऱ्यांची चांगली उपस्थिती मिळविण्यात संघटना यशस्वी ठरली. जेवढी दरावर चर्चा झाली तेवढीच चर्चा सदाभाऊ खोत यांच्यावरील टीकेची झाली. गेल्या अनेक वर्षापासून जयसिंगपूरची उस परिषद ही श्री. खोत यांच्या भाषणाने गाजायची. पण यंदा त्यांच्यावरच शेलक्‍या शब्दांत टीका झाली.
 
सदाभाऊंची गेल्या काही माहिन्यांत स्वाभिमानीच्या विरोधातील भूमिका पाहता हे अपेक्षितही होते. शक्तिप्रदर्शनात संघटना यशस्वी झाली असली तरी दराबाबत योग्य भूमिका घेऊन हंगाम सुरळीत करण्यात कितपत यशस्वी होते हे आता उत्सुकतेचे ठरणार आहे.
 
कारखाना पातळीवर शांतताच
 स्वाभिमानी शेतकरी संघटनेच्या ३४०० रुपयांच्या पहिल्या हप्त्याच्या मागणीनंतर कारखाना पातळीवर अद्याप शांतताच आहे. संघटनेने ३४०० रुपये पहिला हप्ता जाहीर केल्यानंतर हंगाम सुरू करू देऊ, अशी भूमिका घेतली आहे. यामुळे आता ही कोंडी फोडण्यासाठी पुढाकार घेणार कोण, असा प्रश्‍न निर्माण झाला आहे.
 
शासनाच्या निर्णयानुसार अधिकृत हंगाम सुरू होण्यास दोन दिवसांचाच कालावधी राहिला आहे. पावसाने विश्रांती दिल्याने बहुतांशी कारखान्यांनी तोडणी हंगामाचे नियोजन करून ठेवले आहे. परंतु हंगाम सुरू न करण्याचा पवित्रा स्वभिमानीने घेतल्याने आता कोंडी फुटेपर्यंत कारखाने सुरू होतील की नाही याबाबत अनिश्‍चितता आहे. 
 
एक, दोन दिवसांच्या कालावधीत कारखानदारांची पुन्हा बैठक होऊन ठराविक रकमेबाबत चर्चा होण्याची अंदाज व्यक्त होतोय. मात्र याबैठकीत सर्वमान्य दर किती ठरवणार, यावरच यंदाच्या पहिल्या हप्त्याचे गणित ठरण्याची शक्‍यता आहे. इतर संघटनांनी ३५०० रुपये दर मागितला होता. यावर कडी करीत स्वाभिमानी जास्त रक्कम मागेल अशी अटकळ होती. 
 
परंतु स्वाभिमानीने त्यापेक्षा दर कमी मागितल्याने आता निदान कारखानदारांत तरी कोणत्या रक्कमेबाबत एकमत होते. आता कोणता कारखाना हंगामाच्या सुरवातीला पहिल्यांदा दर जाहीर करतो याकडे लक्ष लागले आहे.

इतर बातम्या
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
विदर्भात उद्यापासून पावसाची शक्यता;...पुणे : बंगालच्या उपसागरात तयार होत असलेली...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
विहीर अधिग्रहणापोटी आता वाढीव मोबदलानागपूर : पाणीटंचाईच्या पार्श्‍वभूमीवर अधिग्रहित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
मराठवाड्यात रब्बी पिकांची होरपळ सुरूऔरंगाबाद : मराठवाड्यातील पेरणी झालेल्या रब्बी...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
बुलडाणा जिल्ह्यात सोयाबीन खरेदी अत्यल्पबुलडाणा : जिल्हा मार्केटिंग फेडरेशनने सुरू...