पुणे जिल्ह्यात ३२ लाख ५९ हजार टन उसाचे गाळप

 

जिल्ह्यात बारा सहकारी तर सहा खासगी 

साखर कारखाने आहेत. यापैकी बहुतांशी साखर कारखाने हे एक नोव्हेंबरपासून सुरू झाले आहेत. थेऊर येथील यशवंत कारखाना बंद आहे. सध्या ऊस क्षेत्रात तोडणी कामगारांची चांगलीच लगबग सुरू असून साखर कारखानेही वेगाने सुरू आहेत. काही ठिकाणी उसाची उपलब्धता कमी असली तरी तो मिळविण्यासाठी ऊस पट्ट्यातून उसाची पळवापळवी सुरू आहे. त्यामुळे हंगाम लवकर संपणार अशी परिस्थिती काही कारखान्यांची आहे. 

 

जिल्ह्यातील सहकारी अकरा साखर कारखान्यांची रोजची गाळप क्षमता ४६ हजार टन एवढी आहे. या कारखान्यांनी वीस लाख ९० हजार ५२ मेट्रिक टन उसाचे गाळप केले आहे. त्यातून २० लाख ९२ हजार ९५ क्विंटल साखर उत्पादन झाले आहे. साखर उतारा १०.०१ टक्के आहे.

 

खासगी सहा साखर कारखान्यांची २२ हजार ५०० टन एवढी गाळप क्षमता आहे. या कारखान्यांनी अकरा लाख ६९ हजार ११७ मेट्रिक टन उसाचे गाळप केले आहे. त्यातून १२ लाख ४ हजार ३७५ क्विंटल साखरेचे उत्पादन झाले असून त्याचा १०.३० टक्के एवढा आहे.