agriculture news in marathi, sugarcane crushing season status, sangli | Agrowon

सांगलीत साडेतेवीस लाख टन उसाचे गाळप
टीम अॅग्रोवन
सोमवार, 25 डिसेंबर 2017
सांगली ः यंदाचा ऊस गाळप हंगाम सुरू होऊन दीड महिन्याचा कालावधी लोटला आहे. जिल्ह्यातील १४ साखर कारखान्यांचे हंगाम सुरू झाले आहेत. दीड महिन्यात २३ लाख ५८ हजार ४७५ टन उसाचे गाळप होऊन २५ लाख ८७ हजार २३३ क्विंटल साखर उत्पादन झाले आहे. जिल्ह्याचा सरासरी उतारा १०.९७ टक्के आहे.
 
दुष्काळी भागातील आटपाडी आणि कवेठमहांकाळ तालुक्‍यात उसाची कमतरता असल्याने माणगंगा व कवठेमहांकाळ येथील महांकाली या कारखान्याने उशिरा गाळप सुरू केले असून यंदाच्या हंगामात हे कारखाने किती दिवस गाळप करतील, याबाबत प्रश्‍न उपस्थित राहू लागला आहे. 
 
सांगली ः यंदाचा ऊस गाळप हंगाम सुरू होऊन दीड महिन्याचा कालावधी लोटला आहे. जिल्ह्यातील १४ साखर कारखान्यांचे हंगाम सुरू झाले आहेत. दीड महिन्यात २३ लाख ५८ हजार ४७५ टन उसाचे गाळप होऊन २५ लाख ८७ हजार २३३ क्विंटल साखर उत्पादन झाले आहे. जिल्ह्याचा सरासरी उतारा १०.९७ टक्के आहे.
 
दुष्काळी भागातील आटपाडी आणि कवेठमहांकाळ तालुक्‍यात उसाची कमतरता असल्याने माणगंगा व कवठेमहांकाळ येथील महांकाली या कारखान्याने उशिरा गाळप सुरू केले असून यंदाच्या हंगामात हे कारखाने किती दिवस गाळप करतील, याबाबत प्रश्‍न उपस्थित राहू लागला आहे. 
 
राज्य शासनाने यंदा साखर गाळप हंगाम १ नोव्हेंबरपासून सुरू करण्यास परवानगी दिली. यामुळे यंदा साखर कारखान्यांनी लवकर गाळपाला सुरवात केली. तरीही ऊसतोडणी मजुरांच्या टोळ्या कमी आल्यामुळे तोडणी संथ गतीने सुरू आहे. शेतकऱ्यांकडून एकरी तोडणीसाठी आतापासूनच पैशाची मागणी होत आहे.
 
जिल्ह्यात सहकारी व खासगी साखर कारखान्यांची संख्या १८ आहे. त्यातील १५ साखर कारखाने सुरू झाले आहेत. आटपाडीच्या माणगंगा साखर कारखान्याचे गाळप उशिरा म्हणजे १ डिसेंबरला सुरू झाले. तासगाव, जत, यशवंत आणि नागेवाडी येथील चार साखर कारखाने बंद आहेत.
हंगामाचा आढावा घेतला तर २३ लाख ५८ हजार ४७५ टन उसाचे गाळप होऊन २५ लाख ८७ हजार २३३ क्विंटल साखरेचे उत्पादन झाले आहे.
 
साखर उताऱ्यात सांगली-कोल्हापूर जिल्ह्याची आघाडी यंदाही कायम राहिली आहे. साखर उताऱ्यामध्ये राजारामबापू साखराळे (११.५९ टक्के) व सर्वोदय (११.४८ टक्के) आघाडीवर आहेत. आजअखेरचा सरासरी उतारा १०.९७ टक्के आहे. राजारामबापू वाटेगाव युनिटचा साखर उतारा ११.४५, हुतात्मा कारखान्याचा ११.२५, सोनहिरा कारखान्याचा ११.२५, क्रांती कारखान्याचा ११.१२ टक्के आहे. महांकाली कारखान्याचा साखर उतारा ९.२९ तर आटपाडीच्या माणगंगा कारखान्याचा साखर उतारा सर्वात कमी ५.५० टक्के इतका आहे.
 
आजपर्यंतचा हंगाम समाधानकारक असला तरी ऊस तोडणी मजुरांच्या कमतरतेमुळे कारखान्यांना तारेवरची कसरत करायची वेळ येणार आहे. दुष्काळी पट्ट्यात कारखान्यांना गाळपासाठी उसाची कमतरता भासू लागली आहे. यामुळे या कारखान्यांनी गाळप हंगाम उशिरा सुरू केला आहे.
 
दुष्काळी भागातील आटपाडी येथील माणंगगा आणि कवठेमहांकाळ येथील महांकाली कारखान्याने जरी उशिरा गाळप सुरू केले असले तरी या कारखान्यांना अजून गाळपासाठी लय सापडलेली नाही.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...