agriculture news in marathi, sugarcane crushing season status, satara, maharashtra | Agrowon

साताऱ्यात एक कोटी सात लाख क्विंटल साखर उत्पादन
टीम अॅग्रोवन
शनिवार, 26 मे 2018

सातारा : जिल्ह्यातील सर्वच साखर कारखान्यांच्या यंदाच्या गाळप हंगामाची नुकतीच सांगता झाली. जिल्ह्यातील १४ कारखान्यांनी ८९ लाख ५७ हजार ९८९ टन उसाचे गाळप केले. त्यातून एक कोटी सात लाख ५२ हजार ३३० क्विंटल साखर उत्पादन झाले असून, सरासरी १२.०० टक्के उतारा मिळाला आहे. गाळप व साखर निर्मितीत ‘सह्याद्री’ने तर साखर उताऱ्यात व जयवंत शुगरने आघाडी कायम ठेवली.

सातारा : जिल्ह्यातील सर्वच साखर कारखान्यांच्या यंदाच्या गाळप हंगामाची नुकतीच सांगता झाली. जिल्ह्यातील १४ कारखान्यांनी ८९ लाख ५७ हजार ९८९ टन उसाचे गाळप केले. त्यातून एक कोटी सात लाख ५२ हजार ३३० क्विंटल साखर उत्पादन झाले असून, सरासरी १२.०० टक्के उतारा मिळाला आहे. गाळप व साखर निर्मितीत ‘सह्याद्री’ने तर साखर उताऱ्यात व जयवंत शुगरने आघाडी कायम ठेवली.

जिल्ह्यातील आठ सहकारी व सहा खासगी कारखान्यांनी यंदाच्या हंगामात ऊस गाळप केले. जिल्ह्यात उसाच्या क्षेत्रात वाढ झाल्याने हा हंगाम मे महिन्याच्या तिसऱ्या सप्ताहपर्यंत सुरू राहिला. या हंगामात सर्वाधिक सह्याद्री कारखान्याने १४ लाख ४४ हजार ११७  टन उसाचे गाळप केले असून, १८ लाख दोन हजार ७०० क्विंटल साखर उत्पादन केले. साखर उताऱ्यात जयवंत शुगर कारखान्याची आघाडी असून, या कारखान्याचा सरासरी उतारा १२.९७ टक्के आला.

जिल्ह्यात खासगी कारखान्यांच्या संख्येत वाढ झाल्याने या कारखान्यांकडून ऊस गाळपाचे प्रमाण वाढले आहे. सहा खासगी कारखान्यांनी ३७ लाख आठ हजार ६८८ टन उसाचे गाळप करीत ४३ लाख २६ हजार ८०५ क्विंटल साखर उत्पादन केले आहे; तसेच आठ सहकारी कारखान्यांकडून ५२ लाख ४९ हजार ३०१ टन ऊस गाळप करून ६४ लाख २५ हजार ५२५ क्विंटल साखर उत्पादन केले आहे.

जिल्ह्यातील आठ सहकारी व सहा खासगी कारखान्यांचे गाळप नोव्हेंबर महिन्यात सुरू झाले होते. ऊसदरातील शाश्‍वतता वाढू लागल्याने जिल्ह्यात उसाच्या क्षेत्रात मोठ्या प्रमाणात वाढ झाली होती. उद्दिष्टे निश्‍चित ठेवत सर्वच कारखान्यांनी हंगामास सुरुवात केली होती. साधारणपणे चार ते पाच महिने हंगाम सुरू राहील असा अंदाज व्यक्त केला जात होता.

मात्र, ऊस क्षेत्रातील वाढीमुळे सर्वच कारखान्यांचा अंदाज चुकला असून, प्रत्येक कारखान्याचा हंगाम १५ ते ४५ दिवस जास्त चालला आहे. यामुळे सर्वच कारखान्यांचे गाळप जास्त झाल्याने कधी नव्हे ते एक कोटी क्विंटलपेक्षा जास्त साखरनिर्मिती झाली आहे.

जिल्ह्यात ऊस हंगाम सुरळीत चालावा, यासाठी हंगामाच्या सुरुवातीलाच जिल्हाधिकाऱ्यांनी कारखाना व शेतकरी संघटनेच्या प्रतिनिधींची बैठक घेतली होती. या बैठकीत एफआरपी व अधिक दोनशे हा फॉर्म्यूला मान्य करण्यात आला होता. मात्र, हंगामाच्या मध्यावर साखरेचे दर कमी होऊ लागल्याने पहिल्या हप्त्यातच कारखान्यांनी १०० ते ३०० रुपये कपात केली.

यामुळे शेतकऱ्यांना वेगवेगळा दर मिळाला आहे. साखरेच्या दरातील झालेली घसरण व ऊस शिल्लक राहील, या भीतीने शेतकऱ्यांनी किती बिल दिले जातेय, याकडे न बघता ऊस तुटण्यास प्राधान्य दिले होते.

इतर ताज्या घडामोडी
सामूहिक शेततळ्यांसाठी पुणे जिल्ह्यातील...पुणे  : वाढत्या पाणीटंचाईमुळे शेतकरी...
...ही परिवर्तनाची सुरवात आहे : शरद पवारमुंबई   : देशाच्या संविधानावर, स्वायत्त...
नगर जिल्ह्यात नरेगा कामांवर ६७७६ मजूर...नगर  ः दुष्काळी स्थिती लक्षात घेऊन...
सातारा जिल्ह्यात १३३५ शेततळी पूर्ण सातारा   ः जिल्ह्याच्या पूर्व भागात...
भाजपत दोघांचीच मनमानी : यशवंत सिन्हापुणे : सध्या लोकशाही धोक्यात आणणा-या भाजपची घमेंड...
सरकार स्थापनेनंतर लगेचच शेतकऱ्यांना...नवी दिल्ली : छत्तीसगड, राजस्थानमध्ये कॉंग्रेसचे...
शाश्वत भविष्यासाठी अन्न पद्धतीमध्ये...सन २०५० पर्यंत जगाची लोकसंख्या सुमारे १० अब्ज...
परभणीत प्रतिटन २२०० रुपये ऊसदरासाठी ‘...परभणी ः गंगाखेड शुगर्स साखर कारखान्याने गेल्या...
नांदेड, परभणी, हिंगोलीत 'शेतीमाल तारण'...नांदेड ः शेतीमाल तारण योजनेअंतर्गत नांदेड, परभणी...
कोल्हापूर जिल्ह्यात लाळ्या खुरकूतचा...कोल्हापूर : जिल्ह्यात लाळ्या खुरकूत रोगाने थैमान...
औरंगाबादेत गटशेती संघाचे पहिले विभागीय...औरंगाबाद : ‘शेतकऱ्यांनी शेतकऱ्यांसाठी...
शेतकरीप्रश्‍नी राष्ट्रवादी कॉंग्रेसचा...टाकळी राजेराय, जि. औरंगाबाद ः सध्या असलेल्या...
जळगाव जिल्ह्यातील वाळूठेक्‍यांवरील बंदी...जळगाव : नागपूर खंडपीठाने स्थगिती उठविल्याने...
गाळपेराची कार्यवाही तात्काळ पूर्ण करा नाशिक : नाशिक जिल्ह्यात जूनपर्यंत पुरेल एवढा चारा...
निकम समितीचा अहवाल बाहेर निघण्याची...पुणे  : जलयुक्त शिवार योजनेत कृषी विभागाने...
मराठा जातप्रमाणपत्र वितरणातील संभ्रम...पुणे  : मराठा समाजाला शासकीय जातप्रमाणपत्र...
शेतकरी संघटना अधिवेशन : 'निसर्ग कमी, पण...शिर्डी, जि. नगर  : पोळ्यापासून पाऊस नाही,...
जमीन अधिग्रहणाविरोधात...कोल्हापूर  : रत्नागिरी-नागपूर व विजापूर-...
घटनादुरुस्तीनंतरचे कायदे शेतकऱ्यांसाठी...शिर्डी, जि. नगर  ः शेतकऱ्यांसंबंधी केलेले...
तीन हजार कोटी खर्चूनही बेंबळा प्रकल्प...यवतमाळ   ः चार तालुक्‍यांतील शेतीसाठी वरदान...