सातारा जिल्ह्यात ३९ लाख टन उसाचे गाळप

ऊस गाळप हंगाम
ऊस गाळप हंगाम

सातारा : जिल्ह्यातील १४ साखर कारखान्यांचे ऊस गाळप सुरळीत सुरू आहे. या कारखान्यांनी आतापर्यंत ३९ लाख ४७ हजार ५७५ मेट्रिक टन उसाचे गाळप केले असून, त्याद्वारे ४३ लाख ८९ हजार २०२ क्विंटल साखर उत्पादन झाले आहे. जिल्ह्यात सरासरी ११.१२ टक्के साखर उतारा मिळत आहे. 

जिल्ह्यातील ऊस हंगाम मध्यावर आला असून आठ सहकारी व सहा खासगी कारखान्यांचे गाळप सुरू आहे. या कारखान्यांनी ३९ लाख ४७ हजार ५७५ मेट्रिक टन उसाचे गाळप केले असून, त्याद्वारे ४३ लाख ८९ हजार २०२ क्विंटल साखर उत्पादन झाले आहे. सह्याद्री कारखान्याने सर्वाधिक पाच लाख ५३ हजार ८०० मेट्रिक टन उसाचे गाळप केले असून, सहा लाख ६४ हजार ७३५ क्विंटल साखर उत्पादन घेतले आहे.

जिल्ह्यातील सर्वच कारखान्यांकडून ऊस दर जाहीर करण्यात आला असल्याने दराबाबतचे चित्र स्पष्ट झाले आहे. काही कारखान्यांनी जास्त दर देणाऱ्या कारखान्यांच्या तुलनेत दर कमी दिला असल्याने जाहीर न करताच शेतकऱ्यांच्या खात्यावर पैसे जमा केले आहेत.

जिल्ह्यात एकूण गाळपापैकी सहकारी कारखान्यांनी २१ लाख ८२ हजार ७५३ टन ऊस गाळपाद्वारे २४ लाख ९० हजार ७७५ क्‍विंटल साखर निर्मिती केली आहे. तर सहा खासगी कारखान्यांनी १७ लाख ६४ हजार ८२२ टन ऊस गाळपाद्वारे १८ लाख ९८ हजार ४२७ क्विंटल साखर निर्मिती केली आहे. जिल्ह्यात सर्वाधिक साखर उतारा ‘सह्याद्री’चा १२ तर सर्वात कमी साखर उतारा ‘स्वराज’चा ९.८४ टक्के आहे.

पहिला हप्ता जाहीर करताना साखरेचे दर चांगले असल्याने साखर कारखान्यांनी २७०० ते तीन हजार रुपये दरम्यान दर दिला होता. सध्या साखरेच्या दरात घसरण झाल्यामुळे साखर कारखान्यांमध्ये चिंता निर्माण झाली. यामुळे दर जाहीर केलेल्यापेक्षा पहिला हप्ता कमी दिला जाणार असल्याच्या चर्चाला उधाण आले आहे. यामुळे ऊस उत्पादक शेतकऱ्यांत मात्र अस्वस्थता निर्माण झाली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com