agriculture news in marathi, Sugarcane dues in UP rising alarmingly | Agrowon

उत्तर प्रदेशात ११,८५५ कोटी रुपये ऊसबिल थकीत
वृत्तसेवा
सोमवार, 14 मे 2018

लखनऊ : उत्तर प्रदेशातील साखर कारखान्यांकडून ऊस उत्पादक शेतकऱ्यांची ११ हजार ८५५ कोटी ६३ लाख रुपयांची देणी अद्यापही बाकी आहे. साखरेला कमी दर असल्याने ऊस बिलापोटीची रक्कमही दिवसेंदिवस वाढत अाहे. 

२०१७-१८ या साखर हंगामात उत्तर प्रदेशात विक्रमी गाळप आणि साखर उत्पादन झाले आहे. बाजारात हंगाम सुरू झाल्यापासून साखर दरात घसरण सुरू आहे, याचा परिणाम कारखान्यांच्या साखर विक्रीवर होत असल्याने ऊस उत्पादक शेतकऱ्यांचे पेेमेंट थकले आहे. 

लखनऊ : उत्तर प्रदेशातील साखर कारखान्यांकडून ऊस उत्पादक शेतकऱ्यांची ११ हजार ८५५ कोटी ६३ लाख रुपयांची देणी अद्यापही बाकी आहे. साखरेला कमी दर असल्याने ऊस बिलापोटीची रक्कमही दिवसेंदिवस वाढत अाहे. 

२०१७-१८ या साखर हंगामात उत्तर प्रदेशात विक्रमी गाळप आणि साखर उत्पादन झाले आहे. बाजारात हंगाम सुरू झाल्यापासून साखर दरात घसरण सुरू आहे, याचा परिणाम कारखान्यांच्या साखर विक्रीवर होत असल्याने ऊस उत्पादक शेतकऱ्यांचे पेेमेंट थकले आहे. 

राज्यातील ११९ साखर कारखान्यांनी आत्तापर्यंत यंदा गाळप केले असून, ५६ साखर कारखान्यांची हंगाम समाप्ती झाली आहे. उत्तर प्रदेश साखर कारखाना संघ (उपस्मा) अधिकारी सूत्रांनी दिलेल्या माहितीनुसार राज्यातील ऊस उत्पादक शेतकऱ्यांचे ६३.४८ टक्के ऊसबिल पेमेंट शेतकऱ्यांना दिले अाहे. राज्यात ११ मे पर्यंत ३४ हजार ११८ कोटी ८३ लाख रुपये शेतकऱ्यांचे बिलापोटी झाले होते. त्यापैकी २० हजार ६०९ कोटी १३ लाख रुपये शेतकऱ्यांना बिलापोटी अदा करण्यात आले, तर एकूण ११ हजार ८५५ कोटी रुपये देणे अद्याही बाकी आहे. यापैकी ९४ खासगी साखर कारखान्यांनी १० हजार ७२७ कोटी ३७ लाख रुपये, तर २४ सहकारी साखर कारखान्यांकडे ११०७ कोटी ९ लाख आणि एक महामंडळ कारखान्यास २१.१७ कोटी रुपये शेतकऱ्यांना द्यावे लागणार आहेत. आश्चर्यकारक म्हणजे गेल्या २०१६-१७ या गाळप हंगामातील ५९.५९ कोटींची थकीत रक्कम अजूनही शेतकऱ्यांना मिळणे बाकी आहे. 

यंदाच्या हंगामात राज्यातील साखर कारखान्यांनी २० हजार ६०९.१३ कोटी रुपये शेतकऱ्यांना ऊसबिलापोटी अदा केले आहेत. यात खासगी कारखान्यांकडून १८ हजार ८६४ कोटी ९६ लाख, सहकारी कारखान्यांकडून १६६३ कोटी ३१ लाख आणि सार्वजनिक कारखान्यांकडून ८० कोटी ८८ लाख रुपये यांचा समावेश आहे. 

दरम्यान, देशात महाराष्ट्रानंतर यंदा उत्तर प्रदेशात सर्वाधिक साखर उत्पादन झाले आहे. उत्तर प्रदेशात ११६३.०८ लाख क्विंटल साखर उत्पादन झाले असून, १०.८८ साखर उतारा राहिला आहे. एकूण १० हजार ६८८ लाख ८३ हजार उसाचे गाळप आत्तापर्यंत झाले आहे. अजूनही अर्ध्याअधिक साखर कारखान्यांचे गाळप असूनही सुरू असून, साखर उत्पादन वाढणार आहे. गेल्या हंगामात राज्यात ९०४१.४३ लाख क्विंटल उसाचे गाळप होऊन ९९०.६२ लाख क्विंटल साखरेचे या काळात उत्पादन झाले होते. 

उत्तर प्रदेशातील एकूण ऊस देणी आणि थकबाकी
(रक्कम कोटीत)
विभाग एकूण देणी दिलेली रक्कम थकबाकी
महामंडळ ११४.७५ ८०.८८ २१.१७
सहकारी २९२६.६४ १६६३.३१ ११०७.०९
खासगी ३१०७७.४४ १८८६४.९४ १०७२७.३७
एकूण ३४११८.८३ ३२४६४.७६ ११८५५.६३
स्रोत : उपस्मा 
उत्तर प्रदेशातील एकूण गाळप (११ मेपर्यंत)
कारखाने एकूण हंगाम समाप्ती गाळप 
(लाख/टन)
साखर उत्पादन (लाख/क्विं) उतारा 
(%)
महामंडळ ३५.७० ३.६२ १०.१५
सहकारी २४ ११ ९१६.५४ ९०.१५ ९.८४
खासगी ९४ ४५ ९७३६.४५ १०६९.३१ १०.९८
एकूण ११९ ५६ १०६८८.६९ ११६३.०८ १०.८८
स्रोत : उपस्मा

 

इतर अॅग्रो विशेष
उच्च जीवनमूल्य जपणारी आदिवासी संस्कृती मेळघाटात अंधश्रद्धेचे प्रमाण खूप आहे. यावर...
आर्थिक विकासवाट . देशात नोटाबंदीच्या निर्णयाला नुकतीच दोन वर्षे...
खानदेशातील जलसाठ्यात घट जळगाव : खानदेशात पाणीबाणी वाढू लागली असून,...
जिनर्स कापूस खरेदी केंद्रांसाठी ९००...जळगाव ः भारतीय कापूस महामंडळाच्या (सीसीआय) कापूस...
राज्यात दुधाचे दर पुन्हा घसरलेपुणे: राज्यात होत असलेल्या जादा दुधाच्या...
दावणीला आणि छावणीला परिस्थितीनुसार चारा...बीड : राज्यात सरासरीच्या ७० टक्के पाऊस पडला असून...
सत्ताधाऱ्यांना नमवण्याची ताकद...मुंबई : गेल्या चार वर्षांत देश चुकीच्या...
दुष्काळातही माळरानावर हिरवाई फुलवण्याचे...लातूर जिल्ह्यातील वाघोली येथील सोनवणे कुटुंब...
सेंद्रिय पद्धतीने ऊस लागवड ते...लातूर येथील विलास सहकारी साखर कारखान्याने...
श्री विठ्ठल-रुक्मिणीचे २४ तास दर्शनसोलापूर ः पंढरपुरात श्री विठ्ठल -रुक्मिणीच्या...
हरभरा पेरणी ३३ टक्क्यांनी माघारलीनवी दिल्ली ः देशातील दुष्काळी स्थितीचा परिणाम...
राणी लक्ष्मीबाईंचे गाव बनले पाणीदारसातारा: झाशीची राणी लक्ष्मीबाईंचे मूळ गाव म्हणजे...
विदर्भापाठोपाठ मराठवाडा, मध्य...पुणे : राज्यात किमान तापमानाचा पारा घसरल्याने...
खानदेशात जनावरांची निम्म्या दरात विक्रीचाळीसगाव, जि. जळगाव ः लांबलेल्या व अवेळी पडलेल्या...
रब्बी पेरणी २० टक्क्यांनी घटलीनवी दिल्ली ः देशातील बहुतांशी भागात यंदाच्या...
सातारा, सोलापूर, परभणीत ऊसदरासाठी आंदोलनपुणे ः गेल्या गळीत हंगामातील थकबाकी द्यावी तसेच...
निर्यातीच्या केळीला १८०० रुपये दरजळगाव ः राज्यात निर्यातीच्या केळीला यंदा उच्चांकी...
नागपूर, गोंदिया गारठलेपुणे : उत्तरेकडील वाऱ्यांच्या प्रभावामुळे राज्यात...
ऊसदराबाबत हवे दीर्घकालीन धोरणऊसदराचा प्रश्न मिटत नाही तोपर्यंत आम्ही कोणताही...
दक्षिण महाराष्टात ऊसतोडी सुरूकोल्हापूर : ऊसदराचा तिढा शनिवारी (ता. ११) दुपारी...