agriculture news in marathi, sugarcane farmer suffer loss while faulty weighing | Agrowon

काटामारी रोखण्याच्या अंमलबजावणीकडे दुर्लक्ष
टीम अॅग्रोवन
रविवार, 3 डिसेंबर 2017

पुणे : राज्यातील साखर कारखान्यांमध्ये होणारी काटामारी रोखण्यासाठी साखर आयुक्तांनी दिलेल्या आदेशाची अनेक जिल्ह्यात अंमलबजावणी होत नसल्याची माहिती सूत्रांनी दिली. राज्यातील साखर कारखान्यांकडून यंदा ६५० लाख टन ऊस गाळप केला जाणार आहे. मात्र, कारखान्यांमध्ये वजन करण्याची पद्धत संशयास्पद असल्यामुळे शेतकऱ्यांना मोठा आर्थिक फटका बसणार आहे, असे ऊस उत्पादकांच्या प्रतिनिधींचे म्हणणे आहे.

पुणे : राज्यातील साखर कारखान्यांमध्ये होणारी काटामारी रोखण्यासाठी साखर आयुक्तांनी दिलेल्या आदेशाची अनेक जिल्ह्यात अंमलबजावणी होत नसल्याची माहिती सूत्रांनी दिली. राज्यातील साखर कारखान्यांकडून यंदा ६५० लाख टन ऊस गाळप केला जाणार आहे. मात्र, कारखान्यांमध्ये वजन करण्याची पद्धत संशयास्पद असल्यामुळे शेतकऱ्यांना मोठा आर्थिक फटका बसणार आहे, असे ऊस उत्पादकांच्या प्रतिनिधींचे म्हणणे आहे.

कारखान्यांच्या काटेमारीविरोधात सहकार मंत्रालयापासून ते साखर आयुक्तालयापर्यंत तक्रारी आलेल्या आहेत. काही महिन्यांपूर्वी साखर संकुलसमोर बळिराजा शेतकरी संघटनेचे नेते बी. जी. पाटील यांनी उपोषण करून या समस्येकडे लक्ष वेधले होते. स्वाभिमानी शेतकरी संघटनेचे नेते खासदार राजू शेट्टी आणि शेतकरी संघटनेचे नेते रघुनाथदादा पाटील यांनीही काटेमारी विरोधात आवाज उठवला होता.

मुख्यमंत्री देवेंद्र फडणवीस यांच्यासमोर हा मुद्दा उपस्थित झाल्यानंतर साखर आयुक्त संभाजी कडूपाटील यांनी काटेमारीची गंभीर दखल घेतली. त्यानंतर राज्यातील सर्व जिल्हाधिकाऱ्यांना काटेमारीच्या विरोधात भरारी पथके स्थापन करण्याचे आदेश साखर आयुक्तांनी दिले. मात्र, त्याचा परिणाम अजूनही काही जिल्ह्यांमध्ये दिसत नसल्याचे सूत्रांचे म्हणणे आहे.

'काटेमारीच्या विरोधात फक्त नगरच्या जिल्ह्याधिकाऱ्यांनी तातडीने भरारी पथक स्थापन केले. यामुळे शेतकऱ्यांनादेखील दिलासा मिळाला आहे. नाशिक आणि सातारा जिल्ह्यात पथके स्थापन करण्याची प्रक्रिया सुरू झाली आहे. मात्र, इतर ऊस उत्पादक जिल्ह्यांत पथके स्थापन झाली किंवा त्यात काय अडचणी आहेत, याविषयी इतर कोणत्याही जिल्ह्यांतून महसूल विभागाने अहवाल पाठविलेला नाही, असे सहकार विभागाचे म्हणणे आहे.

या पथकात वैधमापन शास्त्र विभाग, पोलिस, महसूल आणि प्रादेशिक साखर सहसंचालकांचा समावेश आहे. मात्र, कोणी काय करायचे याची जबाबदारी निश्चित नसल्यामुळे राजकीय भुंगा पाठीमागे लागू नये म्हणून कोणताही विभाग पुढाकार घेण्यास तयार नाही, असेही सूत्रांचे म्हणणे आहे.

शेतकरी, मजूर आणि वाहतुकदारांनाही फटका
काटेमारीच्या विरोधात शासनाकडे पाठपुरावा करणारे ऊस उत्पादकांचे प्रतिनिधी बी. जी. पाटील म्हणाले, ‘एका टनामागे 200 ते 250 किलोचा काटा मारला जातो. महाराष्ट्रातील साखर कारखान्यांमध्ये शेतकऱ्याने ऊस पाठविल्यानंतर काही ठिकाणी ट्रॉली आठ टनांची भरते. मात्र, कर्नाटकात हीच ट्रॉली साडेदहा टनांची भरते. कमी ऊस दाखविल्यामुळे शेतकऱ्याचे पेमेंट आपोआप कापले जाते. मजुरांनादेखील कमी मजुरी आणि वाहतुकदारांनाही भुर्दंड होतो. मात्र, कारखान्यांच्या भीतीपोटी कोणाही तक्रार करीत नाही.'

इतर ताज्या घडामोडी
संत्रा पीक सल्लासध्या विविध ठिकाणी संत्राबागेमध्ये फळगळची व काळी...
कृषी सल्ला : भात, नागली, आंबा, काजू,...भात पावसाचे प्रमाण कमी असल्याने...
श्रावणमासानिमित्त जळगावातून केळीपुरवठा...जळगाव ः जिल्ह्यात दर्जेदार केळीला क्विंटलमागे १५०...
कळमणा बाजारात बटाट्याची वाढली आवकनागपूर ः बटाटा आणि डाळिंब या शेतमालाची सर्वाधिक...
मोसंबी, डाळिंबाच्या दरात चढउतारऔरंगाबाद : येथील कृषी उत्पन्न बाजार समितीमध्ये गत...
नगरमध्ये हरभरा प्रतिक्विटंल ३७५० रुपयेनगर ः नगर बाजार समितीत मागील सप्ताहात ४३४ क्विंटल...
कोल्हापुरात घेवडा प्रतिदहा किलो ३००...कोल्हापूर : येथील कृषी उत्पन्न बाजार समितीत या...
आता खाण्यातही क्रिकेट !क्रिकेट हा आपला खेळ म्हणून माहित असला तरी त्या...
चीन येथील सफरचंद उत्पादकांचा निर्यातीवर...चीनमधील काही भागांमध्ये सफरचंदांचे उत्पादन होते....
राधानगरी धरणाचे दोन दरवाजे उघडलेकोल्हापूर : जिल्ह्याच्या पश्‍चिम भागासह पूर्व...
संत्र्याकरिता शेतकरी उत्पादक कंपन्या,...अमरावती : सिट्रस इंडिया लिमिटेड नांदेड आणि...
ठिबकसाठी २ टक्के व्याजाने कर्जपुरवठा सांगली ः पाण्याची बचत व ऊस उत्पादनवाढीसाठी कमी...
‘भंडारदरा’ तांत्रिकदृष्ट्या भरल्याचे...नगर : नगर जिल्ह्यामध्ये उत्तरेतील तालुक्‍यासाठी...
बोंड अळी नियंत्रणासाठी डोमकळ्या नष्ट करापरभणीः गुलाबी बोंड अळीच्या प्रभावी नियंत्रणासाठी...
धुळ्याच्या बुराई नदीवरील ३२ बंधाऱ्यांचे...धुळे : साक्री व शिंदखेडा तालुक्‍यांतून वाहणारी...
सहकार विकास महामंडळाला शेअर्स विक्रीतून...सोलापूर : "सहकारी पतसंस्थांना भविष्यात आर्थिक मदत...
भाजीपाल्याची हंगामातील विक्रमी २२५ ट्रक...पुणे ः ९ आॅगस्टचा महाराष्ट्र बंद, शनिवार (ता. ११...
कंपोस्ट खतनिर्मिती यंत्राचे तयार केले... स्वयंपाक घरातील ओला कचरा हा कचरा कुंडीत न...
पुणे जिल्ह्याच्या धरणक्षेत्रात पावसाची...पुणे : सह्याद्रीच्या पूर्व उतारावर असलेल्या...
भाऊसाहेब फुंडकर फळबाग योजनेसाठी दोन...पुणे ः चालू वर्षी खरीप हंगामात फळबाग लागवड करू...