Agriculture News in Marathi, Sugarcane Farmers agitation, Solapur district | Agrowon

सोलापुरातील ऊसदराचे आंदोलन चिघळले
टीम अॅग्रोवन
सोमवार, 20 नोव्हेंबर 2017

सोलापूर ः कोल्हापूर, सांगली, सातारा जिल्ह्यातील ऊसदराचा प्रश्‍न सुटला; पण सहकारमंत्री सुभाष देशमुख यांच्या सोलापूर जिल्ह्यातील ऊसदराचा तिढा मात्र सुटता सुटत नसल्याने शेतकरी संघटना चांगल्याच आक्रमक झाल्या आहेत. गेल्या दोन-तीन दिवसांपासून आंदोलनाची ही धग वरचेवर वाढतच आहे. रविवारी (ता. १९) पंढरपूर तालुक्‍यातील अनेक शेतकरी रस्त्यावर उतरले.

सोलापूर ः कोल्हापूर, सांगली, सातारा जिल्ह्यातील ऊसदराचा प्रश्‍न सुटला; पण सहकारमंत्री सुभाष देशमुख यांच्या सोलापूर जिल्ह्यातील ऊसदराचा तिढा मात्र सुटता सुटत नसल्याने शेतकरी संघटना चांगल्याच आक्रमक झाल्या आहेत. गेल्या दोन-तीन दिवसांपासून आंदोलनाची ही धग वरचेवर वाढतच आहे. रविवारी (ता. १९) पंढरपूर तालुक्‍यातील अनेक शेतकरी रस्त्यावर उतरले.

काही भागात रास्ता रोको, जाळपोळ यामुळे वातावरण चांगलेच तणावपूर्ण झाले. दरम्यान, स्वाभिमानीचे नेते रविकांत तुपकर हे स्वतः गेल्या दोन तीन दिवसांपासून जिल्ह्यात आंदोलनासाठी ठाण मांडून आहेत. पोलिसांनी त्यांना कायदा व सुव्यवस्था राखावी, यासाठी नोटीस बजावली आहे. त्यामुळे आंदोलन आणखीनच चिघळले आहे.

रविवारी सकाळी पंढरपुरात बहुतांश भागात ऊसदराचे आंदोलन भडकले. पोलिसांची मात्र या सगळ्यात धावपळ उडाली आहे. पोलिस पुढे गेले, की मागे टायर पेटवून वाहतूक बंद पाडण्याचे प्रकार झाले. सोनके, वाखरी, भोसे, करोळे, सिद्धेवाडी या गावातील अनेक शेतकरी रस्त्यावर उतरून या आंदोलनात सहभागी झाले.

स्वाभिमानी शेतकरी संघटनेने रविकांत तुपकर यांच्या नेतृत्वाखाली सकाळी अकराच्या सुमारास पंढरपूर-टेंभुर्णी मार्गावर भोसेपाटी येथे रास्ता रोको आंदोलन केले. मोठ्या संख्येने या वेळी शेतकरी सहभागी झाले. या वेळी तुपकर यांनी सरकर आणि कारखानदाराच्या दडपशाहीविरुद्ध जोरदार प्रहार केला.

एकीकडे आंदोलनाची ही परिस्थिती असताना गेल्या आठ दिवसांपासून पंढरपुरातील वाखरीत उपोषणाला बसलेल्या स्वाभिमानी संघटनेचे जिल्हाध्यक्ष समाधान फाटे, चंद्रकांत बागल, नवनाथ कांबळे या कार्यकर्त्यांची तब्येत बिघडली आहे. त्यामुळे कार्यकर्ते आणखीनच चिडले आहेत. माढा, मंगळवेढा, बार्शी या भागातही शेतकरी सक्रिय होत असल्याचे चित्र आहे. कोणत्याही क्षणी कुठेही कोणताही अनुचित प्रकार घडू शकतो, ऊस दराचे हे आंदोलन आता वेगळ्या वळणावर आले आहे.

रविकांत तुपकरांना नोटीस
पंढरपूरसह परिसरात ऊसदरावरून सुरू असलेल्या या आंदोलनावरून पोलिस प्रशासनही सतर्क झाले आहे. स्वाभिमानीचे नेते रविकांत तुपकर हे पंढरपूर तालुक्‍यात फिरून शेतकऱ्यांच्या सभा घेऊन, रास्ता रोको करून आंदोलन सुरू ठेवत असल्याने पंढरपूरचे पोलिस निरीक्षक कृष्णदेव खराडे यांनी रविवारी त्यांना कायदा व सुव्यवस्था राखावी, अशी फौजदारी दंड प्रक्रिया संहिता १४९ ची नोटीस बजावली आहे.

सहकारमंत्र्यांच्या कारखान्याचे गाळप बंद पाडले
बळिराजा शेतकरी संघटनेने सहकारमंत्र्यांच्या भंडारकवठे (ता. दक्षिण सोलापूर) येथील लोकमंगल कारखान्यासमोर गेल्या दोन दिवसांपासून बेमुदत ठिय्या आंदोलन सुरू केले आहे.

शनिवारपासून या कारखान्याकडे येणाऱ्या सगळ्या ट्रॅक्‍टर, गाड्या बाहेरच रोखल्या जात असल्याने कारखान्याचे गाळप बंद पडले आहे. दुसरीकडे जनहित शेतकरी संघटनेचे प्रभाकर देशमुख यांनीही मंत्र्यांच्या बीबीदारफळ (ता. उत्तर सोलापूर) येथील साखर कारखान्यावर आंदोलन सुरू केले आहे.

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...