agriculture news in marathi, Sugarcane FRP plus 200 appreciated by farmers unions in kolhapur | Agrowon

कोल्हापूर जिल्ह्यातील ऊसदराची कोंडी फुटली
टीम अॅग्रोवन
सोमवार, 6 नोव्हेंबर 2017

कोल्हापूर जिल्ह्यातील कारखान्यांची एफआरपी २४०० ते २८०० रुपये इतकी होते. यात २०० रुपयांची वाढ झाल्यास कारखान्यांच्या रिकव्हरीनुसार ऊस उत्पादकाला २६०० ते ३००० रुपये इतका पहिला हप्ता मिळणार आहे. यामुळे ३००० रुपयांच्या वर पहिला हप्ता देणारे कारखाने अपवादात्मकच असतील, असे जिल्ह्यातील चित्र आहे.
 

कोल्हापूर : यंदाच्या गळीत हंगामात जिल्ह्यातील कारखानदारांनी एफआरपी पेक्षा २०० रुपये जादा दर देण्याची तयारी येथे झालेल्या बैठकीत दाखविली. त्याला स्वाभिमानी शेतकरी संघटनेसह रयत क्रांती संघटनेने मान्यता देत आंदोलन मागे घेतले. यामुळे तोडी सुरू होण्याचा मार्ग मोकळा झाला आहे. रविवारी (ता. ५) महसूलमंत्री चंद्रकांत पाटील यांच्या पुढाकाराने झालेल्या बैठकीत हा तोडगा काढण्यात आला. पहिल्या हप्त्याबरोबर एफआरपी अधिक १०० रुपये देण्यात येणार आहेत. यानंतर दोन महिन्यांनी उर्वरित १०० रुपये देण्यात येणार आहेत.

यंदा शेतकरी संघटनांनी उसास प्रतिटन ३४०० रुपये इतक्‍या दराची मागणी केली होती. परंतु त्यांनतर कारखानदारांनी दर जाहीर न करता गळीत हंगाम सुरू केल्याने ऊसतोडणी शेतकरी संघटनांनी बंद पाडली होती. यापार्श्‍वभूमीवर महसूलमंत्री चंद्रकांत पाटील यांनी पुढाकार घेऊन कारखानदार व शेतकरी संघटनांची बैठक येथील शासकीय विश्रामगृहात बोलविली. या वेळी कृषी राज्यमंत्री सदाभाऊ खोतही उपस्थित होते. श्री. पाटील यांनी कारखानदारांकडून दराचा अंदाज घेतला. गेल्या वर्षी एफआरपी अधिक १७५ रुपये असा फॉर्म्युला ठरला होता. यात वाढ करावी व नंतर ७०:३०च्या फॉर्म्युल्यानुसार जादाचा दर कारखानदारांनी शेतकऱ्यांना द्यावा असे बैठकीत ठरविण्यात आले. याला कारखानदारांनी मान्यता दिली.

स्वाभिमानी शेतकरी संघटनेचे खासदार राजू शेट्टी, कृषी राज्यमंत्री सदाभाऊ खोत यांनी निर्णयास सहमती दाखवत आंदोलन मागे घेतल्याचे जाहीर केले. तथापि रघुनाथदादा पाटील यांनी आपल्या संघटनेला हा निर्णय मान्य नसल्याने आपण आंदोलन सुरूच ठेवणार असल्याचे सांगितले. या वेळी हसन मुश्रीफ, चंद्रदीप नरके, गणपतराव पाटील, राजेंद्र पाटील यड्रावकर, चंद्रदीप नरके, के. पी. पाटील, माधवराव घाटगे आदींसह कारखानदार उपस्थित होते.

प्रतिक्रिया...
ऊस हंगाम बंद पडू नये, हंगाम सुरळीत चालावा. ऊस उत्पादकांचे नुकसान होऊ नये यासाठी सरकारच्या वतीने पुढाकार घेऊन आम्ही तोडगा काढण्यासाठी प्रयत्न केला. गेल्या वर्षीपेक्षा अधिक काही तरी रक्कम द्यावी असा तोडगा निघाला, तो सर्वमान्य झाल्याने हा प्रश्‍न आता मिटला. ७०:३० फॉर्म्युल्याप्रमाणे पुन्हा उत्पादकांना दर मिळणारच आहे.
- चंद्रकांत पाटील, महसूलमंत्री

आम्ही एफआरपी अधिक ३०० रुपये मागितले होते. बैठकीत २०० रुपये मान्य झाले. यामुळे आम्ही याला सहमती दाखवत आहोत. 
- सदाभाऊ खोत, कृषी राज्यमंत्री

कोल्हापूर जिल्ह्यातील कारखान्यांची एफआरपी चांगली असल्याने या निर्णयाचा उत्पादकांना फायदा होणार आहे. गेल्या वर्षीपेक्षा यंदा एफआरपीत वाढ झाली आहे. यात २०० रुपये जादा देण्याची तयारी कारखानदरांनी दाखविली. गेल्या वर्षीपेक्षा उचलीतही वाढ असल्याने आम्ही याला मान्यता देत आंदोलन मागे घेत आहोत.
- राजू शेट्टी, खासदार

शासन, कारखानदार व संघटनांनी चर्चेचे नाटक केले आहे. यामुळे बैठकीतील निर्णय आम्हाला मान्य नाही. आम्ही आंदोलन सुरूच ठेवू.
- रघुनाथदादा पाटील, 
अध्यक्ष शेतकरी संघटना

सांगलीतही कोल्हापूर पॅटर्न?
कोल्हापूरचा फॉर्म्युला ठरल्यानंतर रविवारी सायंकाळी सांगली जिल्ह्यातील कारखानदारांनी शीघ्र गतीने हालचाली करीत कोल्हापूरचाच पॅटर्न कायम ठेवण्याबाबत चर्चा सुरू केली. सायंकाळी उशिरा राजू शेट्टी सांगलीकडे रवाना झाले. सांगली जिल्हा बँकेत बैठक होऊन हाच फॉर्म्युला कायम ठेवण्याबाबत एकमत झाल्याचे एका कारखानादाराने सांगितले. सायंकाळी उशिरा श्री. शेट्टी यांच्याबरोबर बैठक होऊन हंगाम सुरळीत सुरू करण्याबाबतच्या हालचाली सुरू होत्या

 

इतर अॅग्रो विशेष
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...
भारताकडून अमेरिकेच्या हरभरा, तुरीच्या...नवी दिल्ली ः अमेरिकेने भारतातून आयात होणाऱ्या...
राज्यात अनेक ठिकाणी जोरदार पावसाची हजेरीपुणे ः राज्यातील अनेक भागांत शुक्रवारी (ता. २२)...
माॅन्सून पुढे सरकण्यास अनुकूल स्थितीपुणे : माॅन्सूनला राज्यातून पुढे सरकण्यास अनुकूल...
राज्यात आजपासून प्लॅस्टिकबंदी...मुंबई : राज्य सरकारच्या प्लॅस्टिकबंदीच्या...
धान्याला कीड लागताच सेन्सर देणार माहितीकऱ्हाड, जि. सातारा : साठवणूक केलेल्या ठिकाणी अथवा...
साखर निर्यातीचा कोटा ८० लाख टन करण्याची...कोल्हापूर : साखर निर्यातीची कोटा ८० लाख टन करावा...
सुकाणू समितीच्या कार्यकारिणीची जवळगाव...अंबाजोगाई, जि. बीड : शेतकरी संघटना व सुकाणू...
शेती म्हणजे तोटा हे सूत्र कधी बदलणार? शेती कायम तोट्यात कंटूर मार्करचे संशोधक व शेती...
‘ई-नाम’ची व्याप्ती सर्वांच्या...स्पर्धाक्षम, पारदर्शक व्यवहारातून शेतीमालास अधिक...
कांदा बाजारात दरवाढीचे संकेतनाशिक : राजस्थान व मध्य प्रदेशमध्ये...
उपराष्ट्रपती आज बारामतीतबारामती ः उपराष्ट्रपती वेंकय्या नायडू शुक्रवारी (...
शेतकऱ्यांच्या उत्पन्नवाढीसाठी बहुस्तरीय...पुणे ः शेती क्षेत्राच्या विकासासाठी सिंचन,...
कापूस बाजारात भारताला संधीन्यूयाॅर्क ः चालू कापूस हंगामात पिकाला फटका...
मॉन्सून सक्रिय होण्यास प्रारंभ पुणे  ः अरबी समुद्र आणि हिंदी महासागर...
थकली नजर अन्‌ पाय...औरंगाबाद : घोषणा झाली, पण काय व्हतंय कुणास ठाऊक,...
हास्य योगाद्वारे सरकारचा निषेधनागपूर : सरकारच्या शेतकरी विरोधी धोरणांचा अभिनव...
माळरानावर साकारले फायदेशीर शेतीचे स्वप्नमनात जिद्द आणि कष्ट करण्याची तयारी असेल, तर...