सातारा जिल्ह्यात ऊस गाळप वेगात

सातारा जिल्ह्यात ऊस गाळप वेगात
सातारा जिल्ह्यात ऊस गाळप वेगात

सातारा ः जिल्ह्यातील ऊस गाळप हंगाम वेगात सुरू असून बहुतांशी कारखान्यांकडून ऊस हार्वेस्टरचा वापर केला जात आहे. यामुळे मोठ्या प्रमाणात गाळपासाठी ऊस उपलब्ध होऊ लागला आहे. जिल्ह्यातील १४ साखर कारखान्यांकडून ६३ लाख ९४ हजार ३४० टन उसाचे गाळप केले आहे. या गाळपाद्वारे ७४ लाख ४९ हजार ६३५ क्विंटल साखर उत्पादन झाले आहे. गाळप व साखर उत्पादनात सह्याद्री तर साखर उताऱ्यात जयवंत शुगरची आघाडी कायम आहे. 

जिल्ह्यातील नऊ सहकारी व पाच खासगी साखर कारखान्याचे गाळप सुरळीत सुरू आहे. दुष्काळामुळे मोठ्या प्रमाणात ऊस तोड मजूर तसेच वाढता हार्वेस्टरचा वापर यामुळे मोठ्या प्रमणात गाळपासाठी ऊस उपलब्ध होत आहे. १४ साखर कारखान्यांकडून ६३ लाख ९४ हजार ३४० टन उसाचे गाळप केले आहे. या गाळपाद्वारे ७४ लाख ४९ हजार ६३५ क्विंटल साखर उत्पादन झाले आहे. जिल्ह्यातील सर्वच कारखान्यांच्या साखर उताऱ्यात सुधारणा झाली असून सरासरी ११.६५ सरासरी साखर उतारा मिळत आहे. गाळप व साखरनिर्मितीत सह्याद्री कारखान्याने आघाडी घेतली आहे. सह्याद्री कारखान्याने आठ लाख ८२ हजार १०० टन उसाचे गाळप केले असून, त्याद्वारे दहा लाख ८४ हजार २०० क्विंटल साखर उत्पादन घेतले आहे. साखर उताऱ्यातही जयवंत शुगर या खासगी कारखान्याची आघाडी असून या कारखान्यांचा सरासरी १२.७१ टक्के साखर उतारा मिळाला असून सर्वात कमी स्वराज्य इंडिया कारखान्यांचा ९.५४ टक्के साखर उतारा मिळाला आहे. 

शिल्लक एफआरपीच्या प्रतीक्षेत सांगली व कोल्हापूरच्या काही कारखान्यांनी संपूर्ण एफआरपीने दिली आहे. यामुळे जिल्ह्यातील साखर कारखान्यांकडून संपूर्ण एफआरपीची शेतकऱ्यांना आशा लागली आहे. केंद्र सरकारने साखरेचे २९०० वरून ३१०० रुपये दर वाढवला असल्याने संपूर्ण एफआरपी देणे शक्य असल्याचे बोलले जात आहे. यामुळे संपूर्ण एफआरपीबाबतची कोंडी कोण फोडणार याकडे शेतकऱ्यांचे लक्ष लागून राहिले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com