agriculture news in marathi, sugarcane growers waiting for payment, satara, maharashtra | Agrowon

सातारा जिल्‍ह्यातील ऊस उत्पादकांना दुसऱ्या बिलाची प्रतीक्षा
टीम अॅग्रोवन
शनिवार, 20 एप्रिल 2019

सातारा  ः जिल्ह्यातील सह्याद्री कारखान्याचा अपवाद वगळता इतर सर्व साखर कारखान्यांचा गाळप हंगाम आटोपला आहे. मात्र, आजपर्यंत जिल्ह्यातील एकाही कारखान्याने एफआरपी पूर्ण अदा केली नसल्याने शेतकऱ्यांमध्ये नाराजी आहे. शिल्लक एफआरपी कधी मिळणार याकडे शेतकऱ्यांचे लक्ष लागून राहिले आहे.

सातारा  ः जिल्ह्यातील सह्याद्री कारखान्याचा अपवाद वगळता इतर सर्व साखर कारखान्यांचा गाळप हंगाम आटोपला आहे. मात्र, आजपर्यंत जिल्ह्यातील एकाही कारखान्याने एफआरपी पूर्ण अदा केली नसल्याने शेतकऱ्यांमध्ये नाराजी आहे. शिल्लक एफआरपी कधी मिळणार याकडे शेतकऱ्यांचे लक्ष लागून राहिले आहे.

जिल्ह्यातील सह्याद्री कारखान्यांचा गाळप हंगाम अजूनही सुरू आहे. १५ एप्रिलअखेर जिल्ह्यातील १५ साखर कारखान्यांनी ८४ लाख ७९ हजार ७३९ टन उसाचे गाळप करून एक कोटी एक लाख २७ हजार ८८० क्विंटल साखरेची निर्मिती केली आहे. जिल्ह्याचा सरासरी साखर उतारा ११.९४ टक्के आहे. या गाळप हंगामात गतवर्षीप्रमाणेच साखर निर्मितीची कोटींची उड्डाणे मारली आहे. यामुळे सर्व कारखान्यांकडे मोठ्या प्रमाणात साखर उपलब्ध आहे. ही साखर बहुतांशी कारखान्यांनी कारखाना परिसरातील मोकळ्या जागेत ताडपत्रीने झाकून ठेवली आहे.

ऐन गाळप हंगामात साखरेच्या दरात घसरण झाल्यामुळे जाहीर केलेली एकरकमी एफआरपी कारखान्यांना देता आली नाही. या वेळी साखर कारखान्यांनी दराचे ८०-२० हे सूत्र स्वीकारत पहिली उचल म्हणून एफआरपीच्या ८० टक्के रक्कम दिली होती. दरम्यान शेतकऱ्यांना दर देता यावा यासाठी शासनाने साखरेचे किमान विक्री मूल्य ३१०० रुपये क्विंटल निश्चित केल्याने उर्वरित एफआरपीबाबत शेतकऱ्यांच्या आशा निर्माण झाल्या होत्या.

हंगाम संपण्याअगोदर शिल्लक एफआरपीचा दुसरा हप्ता मिळेल असे शेतकऱ्यांना वाटत होते. मात्र, हंगाम संपला तरी साखर कारखान्यांनी शिल्लक एफआरपीबाबत मौन बाळगले असल्याने शेतकऱ्यांमध्ये चिंता निर्माण झाली. ८०-२० च्या सूत्रामुळे प्रत्येक कारखान्याकडे प्रतिटन ५०० ते ६०० रुपये शिल्लक आहेत. एफआरपीचे तुकडे झाल्याने शेतकऱ्यांना अनेक अर्थिक अडचणींना सामोरे जावे लागत आहेत. पीक कर्ज नवे जुने करण्यासाठी पैसे कमी पडत असल्याने हातउसने घेण्याची वेळ शेतकऱ्यांवर आली आहे.  

प्रचाराच्या धामधुमीत ऊस बिल दुर्लक्षित
लोकसभा निवडणुकीचा प्रचार शिगेला आला असून आरोपाच्या फैरी झाडल्या जात आहेत. मात्र, जिल्ह्यात सर्वाधिक असलेल्या उसाच्या पिकांकडे दुर्लक्ष केले जात आहे. जिल्ह्यातील सर्व कारखान्यांनी एकरकमी एफआरपी दिलेली नाही. या मुद्याला प्रचारात स्थान दिलेले दिसत नसल्याने ऊस उत्पादक शेतकऱ्यांकडून आश्चर्य व्यक्त केले जात आहे. 

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...