agriculture news in marathi, sugarcane plantation planning, jalgaon, maharashtra | Agrowon

जळगाव जिल्ह्यात ऊस लागवड वाढण्याची शक्‍यता
टीम अॅग्रोवन
मंगळवार, 30 जानेवारी 2018
ऊस पिकाकडे अनेक शेतकरी वळत आहेत. कारण कापसाचे बियाणे पुढे कसे मिळेल, बीटी तंत्रज्ञानाचे काय होईल, असे प्रश्‍न शेतकऱ्यांच्या मनात आहेत. त्यामुळे ज्यांच्याकडे मुबलक पाणीसाठा आहे, त्यांनी ऊस लागवड केली आहे. 
- उदय पाटील, शेतकरी, चहार्डी, जि. जळगाव.
जळगाव  ः जिल्ह्यात यंदा ऊस लागवडीत काहीशी वाढ होईल असे चित्र असून, सध्या लागवड सुरूच आहे. खासगी साखर कारखान्यांनी ऊस लागवडीसंबंधी बेणे व इतर कार्यवाही सुरू केली आहे. यातच कापसाचे पीक पुढेही बोंड अळीने बाधित होईल, या भीतीने मुबलक पाणीसाठा असलेल्या शेतकऱ्यांनी ऊस लागवडीला प्राधान्य दिले आहे. 
 
जिल्ह्यात चोपडा, यावल, रावेर, चाळीसगाव, पाचोरा, मुक्ताईनगर या भागात ऊस लागवड सुरू आहे. जळगाव तालुक्‍यातही नशिराबाद व लगतच्या भागात ऊस लागवड यंदा बऱ्यापैकी झाली आहे. शेतकऱ्यांनी उसासाठी ठिबकचा वापर केला असून, यामुळे कमी पाण्यात चांगले उत्पादन घेण्याचा प्रयत्न शेतकरी करताना यंदा दिसत आहेत. 
 
यावल, चोपडा भागातील उसाखालील बहुतांशी क्षेत्र काळ्या कसदार जमिनीचे आहे. काळ्या जमिनीत पाणी किंवा ओलावा धरून ठेवण्याची, तो टिकविण्याची क्षमता अधिक आहे. या भागात फारसे पाणी उसाला लागत नसल्याचे शेतकऱ्यांचे म्हणणे आहे. 
 
उसाची लागवड नोव्हेंबरच्या सुरवातीपासून सुरू आहे. अजूनही लागवड सुरू असून, लागवड फेब्रुवारीच्या अखेरपर्यंत सुरू राहील, असे चित्र आहे. जिल्ह्यातील उसाचे सर्वसाधारण क्षेत्र ११ हजार हेक्‍टर आहे. यंदा ११ हजार हेक्‍टरपेक्षा अधिक लागवड होईल, अशी माहिती आहे. मागील हंगामात सुमारे साडेनऊ हजार हेक्‍टरवर उस लागवड झाली होती.
 
जिल्ह्यात एक खासगी साखर कारखाना सुरू आहे. धुळे जिल्ह्यालगत नाशिक जिल्ह्यातील सटाणा तालुक्‍यात आणखी एक खासगी साखर कारखाना सुरू झाला आहे. नंदुरबारमधील समशेरपूर येथेही एक खासगी साखर कारखाना यंदा सुरू झाला आहे. तसेच गुजरातमधील खासगी कारखानेही जिल्ह्यातील उसावर डोळा ठेऊन आहेत. त्यामुळे उसाला पुढील हंगामात मागणी राहील, हे लक्षात घेता ऊस लागवड वाढत असल्याचे सांगण्यात आले. 

इतर बातम्या
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
म्हसवडच्या छावणीतील झोपड्यांत...म्हसवड, जि. सातारा : भीषण दुष्काळामुळे चारा व...
`बोकटेतील बंधाऱ्यात पाणी सोडा`नाशिक : येवला, मनमाड व ३८ गावे पाणीपुरवठा...
सांगलीतील प्रकल्पांत अवघा ११ टक्के...सांगली ः ऐन उन्हाळ्याच्या तोंडावर जिल्ह्यातील लघु...
निवडणूक काळातही मिळणार ‘सन्मान'नागपूर  : शेतकऱ्यांना वर्षाला सहा हजार रुपये...
काटोल पोटनिवडणुकीला अंतरिम स्थगिती नागपूर : काटोल विधानसभा पोटनिवडणुकीला मुंबई उच्च...
मातेरेवाडीत द्राक्षबाग कोसळून लाखोंचे...नाशिक : दिंडोरी तालुक्यातील मातेरेवाडी येथील...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
‘पोक्रा’आचारसंहितेच्या कचाट्यातनांदुरा, जि. बुलडाणा : नानाजी देशमुख कृषी संजीवनी...
नगर जिल्ह्यात टॅंकरचा आकडा...नगर : गतवर्षी पावसाने दडी मारल्याने जिल्ह्यात...
मराठवाड्यात २९ लाख जनता टॅंकरवर अवलंबून औरंगाबाद : मराठवाड्यातील २९ लाख ७२ हजार ५५२...
कृष्णा खोऱ्यात पाणी देण्यासाठी...कोयनानगर, जि. सातारा ः शासनाने कोयना धरणाच्या...
दिव्‍यांग मतदारांना केंद्रावर मूलभूत...पुणे ः मतदान केंद्रावर दिव्‍यांग मतदारांना (पीपल...
परभणीत कैरी प्रतिक्विंटल ३००० ते ४५००...परभणी ः येथील पाथरी रस्त्यावरील फळे भाजीपाला...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...