agriculture news in marathi, sugarcane plantation status, pune, maharashtra | Agrowon

पुणे जिल्ह्यात सव्वा लाख हेक्टरवर ऊस होणार उपलब्ध
टीम अॅग्रोवन
मंगळवार, 3 एप्रिल 2018
पुणे ः जिल्ह्यात गेल्या वर्षीपासून ऊस लागवड क्षेत्रात वाढ होत आहे. यंदाही मोठ्या प्रमाणात ऊस लागवड झाली आहे. आगामी गळीत हंगामासाठी (२०१८-१९) पुणे जिल्ह्यातील साखर कारखान्यांना जवळपास सव्वा लाख हेक्टर क्षेत्रावरील ऊस उपलब्ध होण्याची शक्यता आहे. त्यामुळे जिल्ह्यातील साखर कारखान्यांना आतापासून आगामी गाळप हंगामाची तयारी सुरू करावी लागणार आहे.  
 
पुणे ः जिल्ह्यात गेल्या वर्षीपासून ऊस लागवड क्षेत्रात वाढ होत आहे. यंदाही मोठ्या प्रमाणात ऊस लागवड झाली आहे. आगामी गळीत हंगामासाठी (२०१८-१९) पुणे जिल्ह्यातील साखर कारखान्यांना जवळपास सव्वा लाख हेक्टर क्षेत्रावरील ऊस उपलब्ध होण्याची शक्यता आहे. त्यामुळे जिल्ह्यातील साखर कारखान्यांना आतापासून आगामी गाळप हंगामाची तयारी सुरू करावी लागणार आहे.  
 
जिल्ह्यात एकूण १८ साखर कारखाने आहेत. यात सहकारी ११ साखर कारखाने आहेत. सहा साखर कारखाने खासगी आहेत. एक साखर कारखाना बंद आहे. या सर्व साखर कारखान्यांचा गाळप हंगाम दरवर्षी आॅक्टोबर, नोव्हेंबर महिन्यात सुरू होतो. त्यासाठी शेतकरी मोठ्या प्रमाणात ऊस लागवड करतात.
 
जिल्ह्यात साधारणपणे उसाचे सरासरी क्षेत्र दीड लाख हेक्टर असते. दरवर्षी शेतकरी जुलै ते आॅगस्ट महिन्यात आडसाली ऊसाची लागवड करतात. त्यानंतर साधारणपणे अठरा महिन्यांनंतर ऊस गाळप केले जाते. यंदा जिल्ह्यात जवळपास ४६ हजार ५४० हेक्टरवर ऊस लागवड झाली आहे. पूर्व हंगामी उसाची लागवड आॅक्टोबर, नोव्हेबर महिन्यात केली जाते.
 
यंदा जिल्हयात पूर्वहंगामी ऊसाची २५ हजार ४९० हेक्टरवर लागवड झाली आहे. या उसाची साधारणपणे १४ महिन्यांनंतर तोडणी केली जाते. सुरू उसाची डिसेंबर ते जानेवारी, फेब्रुवारी महिन्यात लागवड केली जाते. यंदा सुरू उसाची १४ हजार १८० हेक्टरवर लागवड झाली असून बारा महिन्यांनंतर त्याची तोडणी केली जाते.
 
गेल्या वर्षी लागवड केलेल्या आणि यंदा गाळप झालेल्या उसाचा खोडवा शेतकऱ्यांनी ठेवला आहे. जिल्ह्यात खोडव्याचे क्षेत्र जवळपास २३ हजार ६७० हेक्टर  आहे. जिल्ह्यात अजूनही साखर कारखान्यांचा गाळप हंगाम सुरू आहे. त्यामुळे ऊस क्षेत्रात आणखी वाढ होण्याची शक्यता आहे. आत्तापर्यत जिल्हयात एकूण एक लाख ९ हजार ८८० हेक्टरवर उस उभा आहे. आगामी गाळप हंगामात जवळपास सव्वा लाख हेक्टर क्षेत्रावरील ऊस गाळप हंगामासाठी उपलब्ध होणार आहे, अशी माहिती विभागीय साखर सहसंचालक कार्यालयाच्या सूत्रांनी दिली.

इतर ताज्या घडामोडी
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...
सरकार `एफआरपी`साठी बांधिल, जादा दरासाठी...सोलापूर   ः ऊसदराच्या आंदोलनाने राज्यभर...
सोयापदार्थाच्या साह्याने कुपोषणाशी...कुपोषणाच्या समस्येशी सामना करण्यासाठी...
गिरणा धरणाचे पाणी जळगाव हद्दीत पोचलेजळगाव : रब्बी हंगामासाठी हतनूर धरणातून तीन, तर...
मालेगाव, सिन्नरसह आठ तालुक्यांत चारा...नाशिक : नाशिक जिल्ह्यात पावसाचे प्रमाण अत्यंत कमी...
परभणीत चारा, वैरणीच्या दरात सुधारणा परभणी : जिल्ह्यात उद्भवलेल्या दुष्काळी...
‘भीमा'तर्फे प्रतिटन शंभर रुपयांचे वाटपसोलापूर : टाकळी सिकंदर (ता. मोहोळ) येथील भीमा...
साताऱ्यात प्रतिदहा किलो वाटाण्यास १२००...सातारा : येथील कृषी उत्पन्न बाजार समितीत मंगळवारी...
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...