agriculture news in marathi, sugarcane plantation status, sangli, maharashtra | Agrowon

सांगली जिल्ह्यात ऊस लागवड क्षेत्रात वाढ होण्याची शक्यता
टीम अॅग्रोवन
शुक्रवार, 26 जानेवारी 2018

गेल्या वर्षी समाधानकारक पाऊस झाला. पावसाळ्यात सिंचन योजना सुरू होत्या. यामुळे कवठेमहांकाळ, आटपाडी तालुक्‍यांत पाणी मिळाले असल्याने यंदाच्या हंगामात ऊस लागवडीमध्ये ५ हजार हेक्‍टरने वाढ होण्याची शक्‍यता आहे.
- विलास जाधव, ऊस विकास अधिकारी, क्रांती कारखाना, कुंडल.

सांगली  ः जिल्ह्यात शेवटच्या टप्प्यात पाऊस चांगला झाला. यामुळे शेतकरी ऊस लागवडीसाठी पुढे आले आहेत. गत वर्षी ऊस लागवडीचे क्षेत्र ७० हजार हेक्टर होते. आता पुढील वर्षी गाळपाला जाणाऱ्या उसाचे क्षेत्र आतापर्यंत ६९ हजार ११५ हेक्‍टरवर पोचले आहे. उसाच्या क्षेत्रात गेल्या वर्षीच्या तुलनेत यंदा पाच हजार हेक्‍टरने वाढ होण्याची शक्‍यता आहे, अशी माहिती कारखान्यांच्या सूत्रांनी दिली.

यंदाच्या गाळपाला जाणाऱ्या उसाचे सुमारे ७० हजार हेक्‍टरवर क्षेत्र होते. गेल्या वर्षी शेवटच्या टप्प्यात चांगला पाऊस झाला. जलयुक्त शिवार योजनांच्या कामांमुळे पाणीसाठा वाढला. त्यातच पावसाळ्यात पुराच्या वाहून जाणाऱ्या पाण्यातून म्हैसाळ, टेंभू व ताकारी योजना सुरू करून दुष्काळी भागातील तलाव भरून देण्यात आले.

यामुळे जिल्ह्यातील शेतकरी ऊस पिकाची लागवड करण्यासाठी पुढे आले आहेत. जिल्ह्यात पूर्वहंगामामधील उसाची लागवड केली जात आहे. यामुळे पूर्वहंगामातील उसाचे क्षेत्र वाढेल, असा अंदाज कारखान्यांच्या ऊस विकास अधिकाऱ्यांनी व्यक्त केला आहे. गेल्या वर्षीपेक्षा पुढील वर्षी गाळपाला जाणाऱ्या उसाच्या क्षेत्रात पाच हजार हेक्‍टरने वाढ होईल.

टेंभू, ताकारी म्हैसाळ योजना सुरू करून पावसाळ्यात पुराच्या वाहून जाणाऱ्या पाण्यातून दुष्काळी भागातील तलाव भरून दिल्याने या भागात पाण्याची उपलब्धता झाली होती. यामुळे आटपाडी, कवठेमहांकाळ तालुक्‍यांतील शेतकरी ऊस लागवडीसाठी पुढे आले आहेत. यामुळे दुष्काळी भागात उसाचे क्षेत्रात वाढू लागले आहे.

टेंभू व ताकारी उपसा सिंचन योजना वास्तविक नोव्हेंबरमध्ये सुरू होते. याच आवर्तनावर या लाभ क्षेत्रातील ऊस उत्पादक शेतकरी खोडवाचे नियोजन करतात. पाणी मिळत असल्याने खोडवा घेण्यासाठी शेतकरी पुढे येतात. यामुळे खोडव्याच्या क्षेत्रात वाढ होते. मात्र, या योजनांचे आवर्तन दोन महिन्यांनी उशिरा सुरू झाले. याचा परिणाम उसाच्या खोडव्याच्या क्षेत्रावर होणार असल्याचा अंदाज शेतकऱ्यांनी व्यक्त केला.
 

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...