agriculture news in marathi, Suggest another alternative to 'Vasaka': MLA is Aaher | Agrowon

‘वसाका`बाबत दुसरा पर्याय सुचवा : आमदार आहेर
टीम अॅग्रोवन
शनिवार, 8 सप्टेंबर 2018

कळवण, जि. नाशिक : ‘‘वसंतदादा पाटील सहकारी साखर कारखाना भाडेतत्वावर चालविण्यास देण्याऐवजी दुसरा कोणताही सक्षम पर्याय असल्यास सर्वांच्या सहकार्याने त्यासाठी प्रयत्न करण्यास तयार आहोत``, अशी ग्वाही ‘वसाका`चे मुख्य प्राधिकृत अधिकारी आमदार डॉ. राहुल आहेर यांनी दिली.

‘वसाका`च्या भाडेतत्वावर चालविण्यास देण्यासंदर्भात सध्या कसमादेमध्ये (कळवण-सटाणा-मालेगाव-देवळा) पंचक्रोशीत तर्क वितर्कांना उधान आले होते. त्यामुळे डॉ. आहेर यांनी पत्रकार परिषद घेऊन चर्चांना पूर्णविराम देऊन पर्याय सुचविण्याचे आवाहन केले.

कळवण, जि. नाशिक : ‘‘वसंतदादा पाटील सहकारी साखर कारखाना भाडेतत्वावर चालविण्यास देण्याऐवजी दुसरा कोणताही सक्षम पर्याय असल्यास सर्वांच्या सहकार्याने त्यासाठी प्रयत्न करण्यास तयार आहोत``, अशी ग्वाही ‘वसाका`चे मुख्य प्राधिकृत अधिकारी आमदार डॉ. राहुल आहेर यांनी दिली.

‘वसाका`च्या भाडेतत्वावर चालविण्यास देण्यासंदर्भात सध्या कसमादेमध्ये (कळवण-सटाणा-मालेगाव-देवळा) पंचक्रोशीत तर्क वितर्कांना उधान आले होते. त्यामुळे डॉ. आहेर यांनी पत्रकार परिषद घेऊन चर्चांना पूर्णविराम देऊन पर्याय सुचविण्याचे आवाहन केले.

वसाकावर राज्य सहकारी बँकेसह इतर बँकांची देणी, ऊस उत्पादक, कामगार आणि इतर सर्व अशी एकूण ४०२ कोटी देणी असल्याने कोणतीही वित्तीय संस्था कारखान्याला अर्थसाह्य करू शकत नाही. अशा परिस्थितीत राज्य सहकारी बँकेने ‘वसाका` भाडेतत्वाने देण्याचा निर्णय घेतला आहे.

ऊस उत्पादक व कामगारांना त्यांचे पैसे मिळावेत, असा आपला आग्रह होता. त्यापार्श्वभूमीवर राज्य सहकारी बँकेने भाडेतत्वावर कारखाना देत असताना सन २०१७-१८ च्या ऊस उत्पादकांच्या देणीसह कामगार, ऊस वाहतूकदार, ऊस तोडणी कामगार यांना गळीत हंगाम चालू होण्याअगोदर पैसे प्राप्त होणार आहेत. तसेच करारातील अटीनुसार दरवर्षी १ कोटी रुपयांबरोबर राज्य बँकेला देण्यात येणाऱ्या प्रति मेट्रिक टन गाळपापोटी देण्यात येणाऱ्या रकमेच्या ५० टक्के रक्कम कामगारांच्या मागील देणीत देण्याचा निर्णय घेतला असल्याची माहिती डॉ. आहेर यांनी दिली.

विरोधकांनी विरोध करण्यापेक्षा आम्हाला मार्गदर्शन करावे त्यांचे निश्चितच स्वागत केले जाईल. कारखान्यावरील कर्जाची परतफेड झाल्यानंतर संबंधित व्यक्तीचा करार त्यानंतर अवघ्या तीन वर्षांमध्येचे संपुष्ठात येणार आहे. त्यामुळे कारखाना २५ वर्षांसाठी कराराने देण्यात आल्याच्या चर्चेला कोणताही अर्थ नाही, असेही डॉ. आहेर म्हणाले.

या वेळी जिल्हा बँकेचे अध्यक्ष केदार आहेर, संचालक धनंजय पवार, माजी संचालक संतोष मोरे, देवळा बाजार समितीचे सभापती बापूसाहेब देवरे, बाळासाहेब बिरारी, अण्णा पाटील शेवाळे,  महेंद्र हिरे, डॉ. पोपट पगार, राजेंद्र भामरे आदी उपस्थित होते.

इतर बातम्या
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
दिवसागणिक रब्बी हंगामाची आशा धूसरऔरंगाबाद : जो दिवस निघतो तो सारखाच. परतीच्या...
खैरगावात दोन गुंठ्यांत कापसाचे २५ किलो...नांदेड ः खैरगाव (ता. अर्धापूर) येथील एका...
केन ॲग्रो कारखान्याला मालमत्ता जप्तीची...सांगली ः रायगाव (जि. सांगली) येथील केन ॲग्रो साखर...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
नाशिकमधील ९३ गावांचा पाहणी अहवाल सादरनाशिक : नाशिक जिल्ह्यातील आठ तालुक्यांमध्ये कमी...
दसऱ्याच्या मुहूर्तासाठीच्या कांद्याला...उमराणे, जि. नाशिक : विजयादशमी अर्थात दसऱ्याच्या...
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...