agriculture news in marathi, Sukanu Committe warns government on farmers issues | Agrowon

...अन्यथा १ मार्चपासून असहकार आंदोलन : सुकाणू समिती
टीम अॅग्रोवन
शनिवार, 23 डिसेंबर 2017

औरंगाबाद : शेतकऱ्यांच्या न्याय्य मागण्यांबाबत जानेवारीमध्ये पुन्हा एकदा शासन व प्रशासन स्तरावर जाब विचारला जाईल. त्यानंतरही शासनाने ठोस पावले न उचलल्यास २० जानेवारीपासून राज्यभर जागर व त्यानंतर १ मार्चपासून शेतकऱ्यांचे पुन्हा असहकार आंदोलन राज्यभर छेडण्याचा निर्णय शेतकरी संघटनांच्या सुकाणू समितीच्या बैठकीत शुक्रवारी (ता. २२) घेण्यात आला.

औरंगाबाद : शेतकऱ्यांच्या न्याय्य मागण्यांबाबत जानेवारीमध्ये पुन्हा एकदा शासन व प्रशासन स्तरावर जाब विचारला जाईल. त्यानंतरही शासनाने ठोस पावले न उचलल्यास २० जानेवारीपासून राज्यभर जागर व त्यानंतर १ मार्चपासून शेतकऱ्यांचे पुन्हा असहकार आंदोलन राज्यभर छेडण्याचा निर्णय शेतकरी संघटनांच्या सुकाणू समितीच्या बैठकीत शुक्रवारी (ता. २२) घेण्यात आला.

नाशिकमध्ये गठीत झालेल्या सुकाणू समितीचे सदस्य व शेतकरी संघटनेचे अध्यक्ष रघुनाथदादा पाटील यांनी औरंगबादेतील सुभेदारी विश्रामगृहात झालेल्या बैठकीनंतर पत्रकारांना याविषयी माहिती दिली. सरसकट कर्जमुक्‍ती व पुन्हा शेतकरी कर्जाच्या खाईत ढकलला जाऊ नये, यासाठी उत्पादन खर्च अधिक ५० टक्‍के नफा मिळवून देणारे शेतमालाचे दर असावे, या प्रश्नावर सुकाणू समितीशी जोडलेल्या संघटनांच्या प्रमुख कार्यकर्त्यांचा व प्रतिनिधींचा या बैठकीत समावेश होता. यामध्ये नामदेव गावडे, किशोर ढमाले, प्रतिभा शिंदे, कालिदास आपेट, सचिन धोंडे, बाळासाहेब पठारे, गणेश जगताप, करण जायकर, शिवाजीराव नांदखिले, एच. एम. देसरडा, संजय पाटील घाटणीकर, ॲड. बन्सी सातपुते, बाबा अरगडे, विलास कदम, जगन्नाथ कोरडे, नारायण टेकाळे, राजेंद्र टेकाळे, ॲड. भगवान भोजने, दत्ता कदम, अनंत शिंदे, बाळासाहेब वाळके, अनंत शिंदे, शेतकरी संघटना जिल्हाध्यक्ष नीलेश बारगळ, संजय सावंत आदींची प्रामुख्याने उपस्थिती होती. 

या बैठकीत सुकाणू समितीच्या विस्ताराच्या अनुषंगाने मंथन झाले. सरसकट कर्जमुक्‍ती, वीजबिल, शेतमालाचा हमीभाव, दूध तसेच ऊसदराबाबत विचारविनिमय होऊन त्यासाठीच्या लढ्याची रणनिती ठरविण्यात आली. बैठकीत झालेल्या चिंतनाअंती रघुनाथदादा पाटील म्हणाले, शासन आदेश काढते, मात्र त्याची अंमलबजावणी होत नाही. मुंबई विद्यापीठाचे निकाल ऑनलाइन जाहीर करू न शकलेल्या शासनाने शेतकऱ्यांना मात्र कर्जमाफीसाठी ऑनलाइन अर्ज भरायला लावलेच, सोबतच बोंड अळीने नुकसान झाले तरी ऑनलाइन अर्ज भरा, मूग, उडीद, सोयाबीन विकायचं तरी ऑनलाइन अर्ज भरण्यास सांगते आहे. ऑनलाइन अर्जातही अटी शर्ती टाकून शेतकऱ्यांना आधार मिळूच नाही अशी भूमिका शासनाने घेतल्याचा आरोप श्री. पाटील यांनी केला. तसेच दीड लाखाच्या कर्जमाफीवर सुकाणू समिती समाधानी नाही, यावर आमचे एकमत झाले आहे. शेतकऱ्यांच्या सरसकट सर्व कर्जमुक्‍तीची सुकाणू समितीची भूमिका असल्याचे ते म्हणाले. या बैठकीत मराठवाड्यातून आलेल्या विविध भागातील प्रतिनिधींनी आपली भूमिका मांडली.

इतर अॅग्रो विशेष
जलदगती मार्गाने निर्जलपर्वाकडे...‘‘पाण्याची उपलब्धता कमी होत जाणे हे हवामान बदलाचे...
पुढचं पाऊलप्र बोधन आणि संघर्षाच्या माध्यमातून गेली चौदा...
नोकरशहांच्या दुर्लक्षामुळे जल...राज्यात दुष्काळग्रस्त गावे वाढत असून, जलाशयांची...
ठिबक सिंचनातील आधुनिक तंत्रज्ञान : अरुण...राज्यात लागवडीखालील २२५ लाख हेक्टर क्षेत्रांपैकी...
परंपरागत जल व्यवस्थांचा संपन्न वारसा :...परंपरागत जल व्यवस्थांमधून घेण्याजोग्या आणि आजही...
कोरडवाहूचे जल व्यवस्थापन : चिपळूणकर,...पाण्याचे व्यवस्थापन हे केवळ बागायती पिकांसाठी...
फड पद्धतीमुळे झाला कायापालट : दत्ता...फड या जल व्यवस्थापन पद्धतीचे तंत्र अगदी सोपे आहे...
समन्यायी जल व्यवस्थापनाला पर्याय नाही...लोकशाहीकरण वा पुनर्संजीवक विकास ही फुकाफुकी...
डोळ्यांत अंजन घालणारी नागलीची कहाणी :...योग्य पीकपद्धती विकसित केली नाही तर जल व्यवस्थापन...
जल व्यवस्थापनाची सप्तपदी : नागेश टेकाळेनिसर्गदेवतेने दिलेला जलरूपी प्रसाद आज आपण तिने...
जल व्यवस्थापन हाच कळीचा मुद्दा... :...पर्यावरणातील बदल, दुष्काळ, मातीचे बिघडणारे आरोग्य...
जल व्यवस्थापनासाठी हवी लोकचळवळलक्षावधी हेक्टर जमीन, हजारो टीएमसी पाणी आणि...
चैत्र यात्रेनिमित्त भाविकांनी दुमदुमला...ज्योतिबा डोंगर, जि. कोल्हापूर  : ‘...
विदर्भात वादळी पावसाची शक्यतापुणे : पूर्वमोसमी पावसाच्या सरींमुळे...
‘ॲग्रोवन'चा आज १४वा वर्धापन दिन; जल...पुणे : लाखो शेतकऱ्यांच्या कुटुंबातील घटक बनलेल्या...
यंदा बीटी कापूस बियाणे मुबलक : कृषी...पुणे : राज्याच्या कापूस उत्पादक भागातील...
फलोत्पादन अनुदान अर्जासाठी शेवटचे चार...पुणे : एकात्मिक फलोत्पादन अभियानातून (एमआयडीएच)...
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...