agriculture news in marathi, summer onion harvesting, khandesh, maharashtra | Agrowon

खानदेशात उन्हाळ कांदा काढणी वेगात
टीम अॅग्रोवन
मंगळवार, 10 एप्रिल 2018

कांदा उत्पादक अडचणीत आले असून, मागील १० ते १२ दिवसांमध्ये दर कमी झाले आहेत. निर्यात शुल्क दूर करूनही दर वाढले नाहीत. आयातीवरही निर्बंध लागू करावेत. 

- आत्माराम पाटील, शेतकरी, कापडणे, जि. धुळे.

धुळे : जिल्ह्यात उन्हाळ कांद्याची काढणी (खांडणी) वेगात सुरू आहे. परंतु सध्या समाधानकारक दर नसल्याने कांदा उत्पादकांना त्याचा फटका बसत आहे. धुळे व शिरपूर बाजार समितीमध्ये कांदा आवक वाढली असून, प्रतिदिन सुमारे एक हजार क्विंटलवर आवक या दोन्ही बाजार समित्यांमध्ये होत आहे. 

धुळे बाजार समितीमध्ये कांद्याला सध्या किमान ३०० व कमाल १००० रुपये क्विंटल आणि शिरपुरातही कमाल दर १००० रुपये क्विंटलपयर्यंत आहे. मागील १० ते १२ दिवसांत दर क्विंटलमागे १०० रुपयांनी कमी झाले आहेत.

धुळे जिल्ह्यातील जैताणे, लामकानी, गोताणे, कापडणे, न्याहळोद, इंधवे, बलसाणे, कढरे या गावांमध्ये लागवड चांगली झाली होती. शिरपुरातील अर्थे, कुवे, भाटपुरा, तरडी, तऱहाडी आदी भागांमध्ये कांद्याची चांगली लागवड झाली होती. ही लागवड यंदा वाढली. कारण कापसाचे पीक शेतकऱ्यांनी काढून पर्यायी पीक म्हणून कांद्याला पसंती दिली. परंतु कांद्याचे दर वाढलेच नाहीत. साक्री तालुक्‍यातील पिंपळनेर व परिसरातही कांद्याची चांगली लागवड झाली होती. पिंपळनेर बाजारात रोजची किमान १००० क्विंटल आवक होत आहे. 

जळगाव जिल्ह्यातील बाजारांमध्येही दर टिकून नाहीत. जिल्ह्यातील यावल तालुक्‍यातील डांभुर्णी, किनगाव, साकळी, चोपडा तालुक्‍यातील अडावद, धानोरा, लोणी, खर्डी, आडगाव, लासूर, घोडगाव भागांत कांद्याची बऱ्यापैकी लागवड झाली होती. सध्या या भागातही खांडणी वेगात सुरू आहे. आगाप लागवडीच्या कांद्याची खांडणी मार्चमध्येच सुरू झाली. 

चोपडा तालुक्‍यातील कांद्यासाठी प्रसिद्ध असलेल्या अडावद येथील उपबाजारामध्ये आवक चांगली असून, प्रतिदिन सुमारे ८०० क्विंटल आवक सुरू आहे. आवक चांगली असल्याने लिलाव सकाळीच सुरू होतात. व्यापारी शेतकऱ्यांना लिलावानंतर लागलीच रोकड देण्याची असमर्थता दाखवित आहेत. सेम डे चेक काही व्यापारी देतात. परंतु काही व्यापारी आठवडाभराचे (पोस्ट डेटेड) धनादेश देत आहेत. त्यात चुकारे किंवा पैसे मिळण्यासंबंधी शेतकऱ्यांना प्रतीक्षा करावी लागत आहे, यामुळे शेतकऱ्यांच्या अडचणी आणखी वाढल्या आहेत.

 

इतर ताज्या घडामोडी
अडगाव बुद्रुक येथे केली एचटीबीटी बियाणे...अकोला : अडगाव बुद्रुक (ता. तेल्हारा) येथे सोमवारी...
ग्रामीण भागातील जलसंधारणासाठी नियोजनग्रामीण भागात जलसंधारण जर यशस्वीपणे दीर्घकाळ...
बदलत्या वातावरणाने घटेल भाताचे उत्पादन...भारतामध्ये वातावरण बदलामुळे निर्माण होणाऱ्या...
नगर जिल्ह्यात  ‘उन्नत शेती’बाबत...नगर ः शेतकऱ्यांना अवजारांचा लाभ मिळण्यासाठी...
मराठवाड्यातील १९८ मंडळांत पाऊसऔरंगाबाद  : सलग दुसऱ्या दिवशीही पावसाचा जोर...
धुळे, जळगाव, नंदुरबार जिल्ह्यांत...जळगाव : खानदेशात धुळे जिल्ह्यासह जळगाव,...
नाशिक जिल्ह्यात पाणीटंचाईमुळे फळबागा...नाशिक : जिल्ह्यात द्राक्ष, डाळिंब लागवड मोठ्या...
सांगली जिल्ह्यात पाऊस बरसलासांगली : जिल्ह्यात रविवारी (ता. २३) ठिकठिकाणी...
मुख्यमंत्रिपदाचे काय ठरलेय ते उद्धव...मुंबई : युतीचे काय ठरलेय ते उद्धव ठाकरे यांनी...
सोलापुरात पाऊस; पण जोर कमीसोलापूर : जिल्ह्यात रविवारी (ता. २३) रात्री...
मुख्यमंत्रिपदाचे काय ठरलेय ते उद्धव...मुंबई  ः युतीचे काय ठरलेय ते उद्धव ठाकरे...
संत श्री ज्ञानेश्वर महाराज पालखीचे आज...आळंदी, जि. पुणे  ः  सुखालागी जरी करिसी...
विधान परिषदेच्या उपसभापतिपदी डॉ. नीलम...मुंबई : विधान परिषदेच्या उपसभापतिपदी डॉ....
पुणे जिल्ह्यातील कोरडवाहू पट्ट्यात...पुणे   : दुष्काळाने होरपळत असलेल्या...
‘जलयुक्त’मधील गैरव्यवहाराची ‘एसीबी’...मुंबई  ः राज्यात जलयुक्त शिवार अभियानातील...
जळगावात भाजीपाला आवकेत घटजळगाव  ः कृषी उत्पन्न बाजार समितीत मागील...
पुणे जिल्ह्यात २२० हेक्टरवर भातपीक...पुणे  ः यंदाच्या खरिपात भात उत्पादनवाढीसाठी...
टाटा-कोयनेचे पाणी वळवू नकाः भावे...पुणे  : टाटा व कोयना धरणातील ११५ टीएमसी पाणी...
फ्लॉवर, पापडी, घेवड्याच्या दरात १०...पुणे : गुलटेकडी येथील कृषी उत्पन्न बाजार...
मराठवाड्यात दूध संकलनात ९८ हजार लिटरने...औरंगाबाद : मराठवाड्यातील दुग्धोत्पादनाला घरघर...