Agriculture news in Marathi, sunil kendrekar, | Agrowon

...अन्यथा कोर्टाला नावे कळवतो : केंद्रेकर
मनोज कापडे
सोमवार, 28 ऑगस्ट 2017

पुणे : शेतकऱ्यांच्या नावाखाली कोट्यवधी रुपयांचे ठिबक अनुदान हडप केल्याप्रकरणी कृषी आयुक्त सुनील केंद्रेकर यांनी तीन तास बैठक घेत अधिकाऱ्यांना धारेवर धरले. घोटाळ्याच्या तपासाला मदत करा, अन्यथा मीच तुमची नावे कोर्टाला कळवतो, असा दम आयुक्तांनी भरल्याची माहिती सूत्रांनी दिली. 

कृषी आयुक्तालयाच्या फलोत्पादन विभागातील भ्रष्ट कंपूने राज्यातील अनेक अधिकाऱ्यांना हाताशी धरून शेतकऱ्यांचे अनुदान लाटले आहे. त्यात आतापर्यंत सोलापूर जिल्ह्यातील शेतकऱ्यांच्या अनुदानाचा भ्रष्टाचार उघड झाला आहे. उच्च न्यायालयाने स्वतःच या भ्रष्टाचाराच्या तपासावर नियंत्रण ठेवले आहे. 

पुणे : शेतकऱ्यांच्या नावाखाली कोट्यवधी रुपयांचे ठिबक अनुदान हडप केल्याप्रकरणी कृषी आयुक्त सुनील केंद्रेकर यांनी तीन तास बैठक घेत अधिकाऱ्यांना धारेवर धरले. घोटाळ्याच्या तपासाला मदत करा, अन्यथा मीच तुमची नावे कोर्टाला कळवतो, असा दम आयुक्तांनी भरल्याची माहिती सूत्रांनी दिली. 

कृषी आयुक्तालयाच्या फलोत्पादन विभागातील भ्रष्ट कंपूने राज्यातील अनेक अधिकाऱ्यांना हाताशी धरून शेतकऱ्यांचे अनुदान लाटले आहे. त्यात आतापर्यंत सोलापूर जिल्ह्यातील शेतकऱ्यांच्या अनुदानाचा भ्रष्टाचार उघड झाला आहे. उच्च न्यायालयाने स्वतःच या भ्रष्टाचाराच्या तपासावर नियंत्रण ठेवले आहे. 

उच्च न्यायालयाने पोलिसांना ठिबक घोटाळ्याचा अहवाल सादर करण्याचे आदेश दिलेले आहेत. मात्र, कृषी खात्यातील अडेलतट्टू मंडळी पोलिसांनादेखील माहिती देण्याचे टाळत आहेत. ''उच्च न्यायालयाने सांगूनदेखील कृषी खात्याचे अधिकारी माहिती देत नसल्यामुळे पोलिस खातेच हैराण झाले आहे. त्यामुळे आयपीएस दर्जाच्या एका अधिकाऱ्याने थेट कृषी आयुक्तांना पत्र लिहून अधिकाऱ्यांचा असहकार कळविला, असे सूत्रांचे म्हणणे आहे.  

उच्चपदस्थ अधिकाऱ्यानेच पत्र लिहिल्यामुळे कृषी आयुक्त सुनील केंद्रेकर यांनी तातडीने बैठक बोलावली. या बैठकीला कृषी विस्तार संचालक डॉ.एस.एल.जाधव, सहसंचालक विजयकुमार इंगळे, आस्थापना सहसंचालक सुधीर ननावरेदेखील उपस्थित होते. ठिबक घोटाळा शोधून काढणारे कृषिभूषण शेतकरी सुरेश वाघधरे यांनादेखील आयुक्तांनी बोलावून घेतले होते. 

''शेतकऱ्यांचे अनुदान हडप झालेले आहे. मात्र, कृषी खात्याकडून लोकायुक्त, उच्च न्यायालय आणि पोलिसांनादेखील माहिती दिली जात नाही. खोटे अहवाल दिले जातात. आधी ४१ लाखांचा भ्रष्टाचार झाल्याचे सांगितले. नंतर साडेचार कोटी, त्यानंतर १८ कोटींचा आकडा दिला आणि आता ३० कोटींचा आकडा दिला जात आहे. चुकीची व दिशाभूल करणारी माहिती दिली जात असल्यामुळे कारवाईला उशीर होत आहे, असे वाघधरे यांनी स्पष्ट केले. यामुळे संतप्त झालेल्या आयुक्तांनी अधिकाऱ्यांना फैलावर घेतले. ''तपासासाठी अत्यावश्यक असलेली सर्व माहिती द्या. तुम्ही माहिती दिली नाही तर तुमचाही त्यात सहभाग असल्याचे मी स्वतःच कोर्टाला कळवेन, असा इशारा केंद्रेकर यांनी दिल्याचे सांगितले जाते.

ड्रीप लॉबी बघतेय बदलीची वाट 
ठिबक घोटाळ्यातील मंडळींनी आतापर्यंत कोणालाही दाद दिलेली नाही. मात्र आता सध्याचे कृषी आयुक्त सुनील केंद्रेकर यांनीही प्रकरणात हात घातल्यामुळे ड्रीप लॉबी अतिशय अस्वस्थ आहे. २८ तारखेपर्यंत माहिती देण्याची मुदत आयुक्तांनी दिली होती. मात्र अपेक्षित माहिती दिली गेलेली नाही. आयुक्तांची बदली मधल्या काळात झाल्यास नंतर सर्व काही सांभाळून घेता येईल, अशी व्यूहरचना या लॉबीची आहे, असे सूत्रांचे म्हणणे आहे.

‘कृषी आयुक्त न्याय देतील’
कृषी खात्याकडून अजिबात सहकार्य मिळाले नाही. मात्र नवे आयुक्त सुनील केंदेकर या विषयाला न्याय देतील, असे आता वाटू लागले आहे. कृषी आयुक्तांनी ठाम भूमिका घेतल्यामुळे शेतकरी अनुदानातील लूट थांबेल असे वाटते, असे कृषिभूषण शेतकरी सुरेश वाघधरे यांनी सांगितले.

इतर अॅग्रो विशेष
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...
खानदेशात चाराटंचाईचे संकटजळगाव : खानदेशातील पशुधनाच्या रोजच्या गरजेपेक्षा...