फळबागा जगवण्यासाठी दुष्काळी भागाला आधार
फळबागा जगवण्यासाठी दुष्काळी भागाला आधार

दिल्लीतील व्यावसायिकांनी फळबागा जगवण्यासाठी दिले टॅंकर

नगर : नगर जिल्ह्यामधील पाथर्डी तालुक्‍यातील तीव्र दुष्काळी स्थिती पाहता, दुष्काळग्रस्तांसाठी मदतीचे हात पुढे येत आहेत. त्यामध्ये स्थानिकांसह दिल्ली येथील व्यावसायिकांनी निवडुंगे (ता. पाथर्डी) येथील पन्नास शेतकऱ्यांना फळबागांना टॅंकरचे दिले, तसेच आर्थिक मदत केली. दिलेल्या आर्थिक मदतीतून फळबागांना टॅंकरने मोफत पाणीपुरवठा करण्यात येत आहे. 

तालुक्‍यातील निवडुंगे येथील स्वाभिमानी शेतकरी संघटनेचे तालुकाध्यक्ष शरद मरकड दिल्ली येथे शेतकरी मोर्चात सहभागी झाले होते. यामध्ये त्यांनी कायम दुष्काळी भाग असलेल्या पाथर्डी तालुक्‍यातील शेतकऱ्यांच्या व्यथा मांडल्या. या व्यथा ऐकून दिल्लीस्थित काही व्यावसायिक दुष्काळी भागाला मदत करण्यासाठी पुढे आले. काहींनी रोख स्वरूपात मदतही दिली. स्वतः मरकड यांनी त्यासाठी हात पुढे केले. सुमारे एक लाख रुपयांची मदत जमा झाली. त्यामध्ये स्वतःचे काही पैसे घालून शेतकरी संघटनेचे मरकड यांनी अनेक फळबागांना पाणी टॅंकरद्वारे मोफत देण्याचे ठरविले. शेतकऱ्यांना फळबागांकरिता पाण्याच्या टॅंकरसाठी २५०० ते ३००० रुपये मोजावे लागत आहेत. त्यामुळे हा निर्णय घेण्यात आला. शेतकऱ्यांना जगण्याचा आधार म्हणून फळबागांकडे पाहिले जाते. 

कर्जबाजारी शेतकऱ्यांना पाणी विकत घेऊन फळबागा जगविणे कठीण झाल्याने त्यामुळे निवडुंगे परिसरात सुमारे पन्नास शेतकऱ्यांच्या फळबागांना टॅंकरने पाणी मोफत देण्यात आले. तालुका दुष्काळाने होरपळत असताना सरकार उपाययोजना करील तेव्हा करील; पण आम्ही मात्र शेतकऱ्यांच्या मदतीला धावून जात आहोत. फळबागा जगवण्यासाठी शेतकऱ्यांना मदत करण्याचा आमचा हा प्रयत्न असल्याचे स्वाभिमानी शेतकरी संघटनेचे अध्यक्ष शरद मरकड यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com