agriculture news in marathi, surrogated cow will bitrh in baramati, pune, maharashtra | Agrowon

अमेरिकन गोवंशाचा जन्म होणार बारामतीत
टीम अॅग्रोवन
गुरुवार, 4 ऑक्टोबर 2018

भारतात उच्च अनुवंशिकतेच्या दुधाळ गायींची जरुरी आहे. मात्र सध्या उच्च भ्रूण आयात होत नाहीत, अशा स्थितीत आयव्हीएफ तंत्राने किंवा एम्ब्रियो ट्रान्सफर तंत्राने उच्च अनुवंशिकता असलेल्या दुधाळ गाईंची पैदास करता येतील. त्यांच्यामार्फत दुधाळ गोवंशाचा प्रसार होऊ शकेल, त्यासाठी हा प्रयोग अत्यंत महत्त्वाचा आहे.
- राजेंद्र पवार, प्रमुख, अॅग्रीकल्चरल डेव्हलपमेंट ट्रस्ट, बारामती.

बारामती,जि.पुणे  ः  अॅग्रीकल्चरल डेव्हलपमेंट ट्रस्टने सहा वर्षांपूर्वी अमेरिकेतून आयात केलेल्या उच्च अनुवंशिकतेच्या होल्स्टिन गायीच्या भ्रूणाचे प्रत्यारोपण (एम्ब्रियो ट्रान्सफर) यशस्वी झाले अाहे. शारदानगर येथील या प्रयोगात सध्या सात सरोगेट संकरीत गायी `गर्भवती` आहेत. ही सर्वोत्तम खूशखबर ऐकून माजी केंद्रीय कृषिमंत्री शरद पवार यांनी ट्रस्ट, कृषी महाविद्यालय आणि पशुसंवर्धन महाविद्यालयातील पदाधिकारी, कर्मचाऱ्यांची कौतुकाने पाठ थोपटली.

गेली सहा वर्षे या प्रयोगाची प्रतीक्षा केली जात होती. ट्रस्टचे प्रमुख राजेंद्र पवार यांच्या पुढाकारातून सहा वर्षांपूर्वी उच्च अनुवंशिकतेच्या दुधाळ गाईंसाठी होल्स्टिन गायीचे भ्रूण अमेरिकेतून आयात केले होते. ते भ्रूण द्रवनत्रामध्ये साठविण्यात आले होते. ३० जुलै २०१८ ला ट्रस्टच्या शारदानगर येथील शेतीफार्मवरील आठ संकरीत गायींमध्ये हे भ्रूणप्रत्यारोपण पुणे येथील जे. के. बोव्हाजेनिक्समधील शास्त्रज्ञ डॉ. शाम झंवर आणि डॉ. विनोद पाटील यांनी केले. २९ सप्टेंबर २०१८ ला या आठ गायींची सोनोग्राफी करण्यात आली. या सोनोग्राफीतून आठ पैकी सात गायी गर्भवती असल्याचे निदान करण्यात आले. या भ्रूणाची वाढ योग्य पद्धतीने होत आहे. येत्या मे महिन्यात या संकरित गाई विणार आहेत. प्रयोगावर डॉ. धनंजय भोईटे, डॉ. रतन जाधव, डॉ. पिसाळ, डॉ. सचिन सोरटे, प्रा. संदीप पवार, हरिभाऊ जराड, अशोक काटे, पशुसंवर्धन महाविद्यालयाचे विद्यार्थी आदींचे पथक लक्ष ठेवून आहे.

सात गर्भवती गायींची खूषखबर शरद पवार यांच्या कानावर जाताच त्यांनी हा प्रयोग किती महत्त्वाचा आहे हे ट्रस्टच्या सर्व पदाधिकाऱ्यांना समजावून सांगितले. दूध उत्पादन वाढीसाठी असे प्रयोग अत्यंत महत्त्वाचे आहेत असे त्यांनी स्पष्ट केले. या प्रयोगाच्या यशस्वितेबद्दल सर्वांचे कौतुक केले.

गोठीत केलेले भ्रूण दीर्घ काळानंतर सरोगेट गायीमध्ये वापरायचे झाल्यास त्याच्या यशस्वितेचे प्रमाण हे ४० टक्क्यांपर्यंत मिळते, मात्र बारामतीतील हे प्रमाण निश्चितच सुखावणारे आहे. बारामतीतील तज्ज्ञांच्या पथकाने गर्भ प्रत्यारोपणासाठी योग्य अशा सरोगेट गायींची घेतलेली देखभाल महत्त्वाची ठरली आहे, असे जे. के. बोव्हाजेनिक्सचे शास्त्रज्ञ  डॉ. शाम झंवर यांनी सांगितले.

या प्रयोगाने खूप आशा उंचावल्या आहेत. आपल्याकडील खिलार, गीर, देवणी, साहिवाल अशा देशी आणि त्यातील उच्च प्रतीच्या दुधाळ गायींची अनुवंशिकता वाढविण्याच्या दृष्टीने या प्रयोगाने चांगली संधी निर्माण करून दिली आहे, असे अॅग्रीकल्चरल डेव्हलपमेंट ट्रस्टचे कार्यकारी अधिकारी
 प्रा. नीलेश नलावडे, सेंटर ऑफ एक्सलन्स डेअरीचे प्रमुख डॉ. धनंजय भोईटे यांनी सांगितले.

इतर ताज्या घडामोडी
ढगाळ वातावरण, भुरीच्या धोक्याकडे लक्ष...बंगालच्या उपसागरातून येणाऱ्या वादळाचा परिणाम...
पीकविम्याच्या हप्त्याची वेळ अत्यंत...हवामानातील विविध घटकांमुळे पिकांचे अनेक वेळा...
खानदेशात रब्बीचे ७९ टक्के क्षेत्र नापेरजळगाव :खानदेशात रब्बी पिकांमध्ये मका, गव्हाची...
फरदड कपाशीचे उत्पादन टाळावे ः कुलगुरू...नांदेड ः आगामी खरीप हंगामामध्ये कपाशीवर गुलाबी...
पायाभूत सुविधांअभावी रेशीम उत्पादक...बीड : रेशीम कोष उत्पादन वाढीसाठी महारेशीम अभियान...
‘एफआरपी’ थकविलेल्या कारखान्यांना दणकाकोल्हापूर : हंगाम सुरू होऊन दीड महिन्याचा कालावधी...
अकोल्यात ‘अात्मा’ शेतकरी सल्लागार...अकोला ः शेतकऱ्यांपर्यंत आधुनिक तंत्रज्ञान पोचवण्‍...
भंडारा जिल्ह्यातील भूजल पातळी खोलभंडारा : जिल्ह्यात सामान्य पर्जन्यमानाच्या...
साताऱ्यात गवार प्रतिदहा किलो ३०० ते ४५०...सातारा ः येथील कृषी उत्पन्न बाजार समितीत बुधवारी...
पाच मिनिटांत १२० कोटींच्या नियोजनास...जळगाव : समान निधी वाटपाच्या मुद्यावरून गेल्या...
नवेगावबांधमध्ये पावसाने शेकडो क्विंटल...नवेगावबांध, जि. गोंदिया : येथील शासकीय...
अधिस्वीकृती समितीच्या बैठकीकडे माफसूचे...नागपूर   ः राज्यातील काही कृषी...
सामूहिक शेततळ्यांसाठी पुणे जिल्ह्यातील...पुणे  : वाढत्या पाणीटंचाईमुळे शेतकरी...
...ही परिवर्तनाची सुरवात आहे : शरद पवारमुंबई   : देशाच्या संविधानावर, स्वायत्त...
नगर जिल्ह्यात नरेगा कामांवर ६७७६ मजूर...नगर  ः दुष्काळी स्थिती लक्षात घेऊन...
सातारा जिल्ह्यात १३३५ शेततळी पूर्ण सातारा   ः जिल्ह्याच्या पूर्व भागात...
भाजपत दोघांचीच मनमानी : यशवंत सिन्हापुणे : सध्या लोकशाही धोक्यात आणणा-या भाजपची घमेंड...
सरकार स्थापनेनंतर लगेचच शेतकऱ्यांना...नवी दिल्ली : छत्तीसगड, राजस्थानमध्ये कॉंग्रेसचे...
शाश्वत भविष्यासाठी अन्न पद्धतीमध्ये...सन २०५० पर्यंत जगाची लोकसंख्या सुमारे १० अब्ज...
परभणीत प्रतिटन २२०० रुपये ऊसदरासाठी ‘...परभणी ः गंगाखेड शुगर्स साखर कारखान्याने गेल्या...