agriculture news in marathi, survey of pink bollworn affected crop in jalgaon, maharashtra | Agrowon

जळगाव जिल्ह्यात बोंडअळीग्रस्त कपाशीचे पंचनामे सुरूच
टीम अॅग्रोवन
गुरुवार, 21 डिसेंबर 2017
आमच्याकडे ९० टक्के पूर्वहंगामी कपाशी होती. ती गुलाबी बोंडअळीग्रस्त असल्याने ती काढून फेकली. आता कपाशीच नसल्याने पंचनामे होणार कसे? पंचनामे सरसकट केल्याचे म्हटले जात असले तरी धरसोड पद्धतीने ते काम सुरू आहे. 
        - अनिल सपकाळे, शेतकरी, करंज, जि. जळगाव.
जळगाव : गुलाबी बोंडअळीग्रस्त कपाशीचे पंचनामे अजूनही सुरूच आहेत. यातच ज्या क्षेत्रात कपाशीचे पीक काढून नष्ट केले तेथे काही अवशेष सापडले तर नुकसान ग्राह्य धरून पंचनाम्यात तशी नोंद केली जात आहे. आठवडाभरात पंचनामे पूर्ण होतील, अशी माहिती मिळाली आहे.
 
जिल्ह्यात चार लाख ७५ हजार हेक्‍टरवर कपाशीची लागवड झाली होती. यातील सुमारे चार लाख हेक्‍टवरील कपाशीवर गुलाबी बोंडअळीचा प्रादुर्भाव झाला. 
जिल्ह्यात मध्यंतरी कृषी विभागाकडून बोंडअळीच्या नुकसानीसंबंधी अर्ज कपाशी बियाण्याच्या रॅपर व बिलासह स्वीकारले जात होते. पंचनाम्यांबाबत एच अर्ज बियाणे कायदानुसार स्वीकारले जात होते. याबाबत जिल्ह्यातील लोकप्रतिनिधींनी नियोजन समितीच्या बैठकीत तक्रारी केल्या.
 
यानंतर पालकमंत्री चंद्रकांत पाटील यांनी बोंडअळी नुकसानग्रस्तांना मदत दिली जाईल, असे स्पष्ट केले. या बैठकीनंतर जिल्हा प्रशासनाने कपाशीच्या नुकसानीसंबंधी ११ डिसेंबरपासून कार्यवाही सुरू केली. क्षेत्र मोठे व यंत्रणा तोकडी यामुळे पंचनाम्यांना उशीर होत आहे.
 
कृषी सहायक, तलाठी यांची १५ टक्के पदे रिक्त आहेत. त्यामुळे एकच सहायक व तलाठी यांच्यावर तीन ते चार गावांमध्ये पंचनामे करण्याची वेळ आली आहे. कृषी विभागाने गुलाबी बोंडअळी नियंत्रणासाठी कपाशी काढून क्षेत्र रिकामे करावे, पऱ्हाटी नष्ट करावी, असे आदेश दिले होते. त्यानुसार शेतकऱ्यांनी कपाशीचे पीक नष्ट केले. आता शेतात कपाशीच नसल्याने पंचनामे करण्यास काही ठिकाणी शासकीय कर्मचारी नकार देत आहेत. ते शेतात यायला नकार देतात, अशा तक्रारी आहेत. 

जिल्ह्यात १० डिसेंबरपूर्वी काही ठिकाणी एच अर्जानुसार नुकसानग्रस्त कपाशीचे पंचनामे झाले. पण नंतर सरसकट पंचनामे सुरू झाले. आजघडीला तीन लाख हेक्‍टर क्षेत्राचे पंचनामे झाले आहेत. आणखी लाखभर हेक्‍टरचे पंचनामे राहिले आहेत. त्याबाबत कार्यवाही सुरू असल्याची माहिती जिल्हा अधीक्षक कृषी अधिकारी कार्यालयातून मिळाली. 

 

इतर ताज्या घडामोडी
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...
बुलडाणा येथे २ आॅक्टोबरला सोयाबीन-कापूस...बुलडाणा   : पश्चिम महाराष्ट्रातील ऊस उत्पादक...
उसाच्या दुसऱ्या हप्त्यासाठी ‘आंदोलन...कोल्हापूर : उसाचा दुसरा हप्ता मिळावा व १५ टक्के...
कोल्हापूर येथे १० ऑक्‍टोबरला ऊस परिषद...कोल्हापूर  : सरकारने एफआरपीचे तुकडे करून...
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...