agriculture news in marathi, suspicion of bogus insecticide reached in Vidarbha, maharashtra | Agrowon

बोगस कीटकनाशके विदर्भात पोचल्याचा संशय
टीम अॅग्रोवन
रविवार, 26 ऑगस्ट 2018

परवान्यात नमूद नसतांना कीटकनाशकाची मोठ्या प्रमाणावर विक्री केल्याची बाब प्रथमदर्शनी समोर आल्याने १६ परवाने निलंबित करण्यात आले आहेत. प्रयोगशाळेच्या अहवालानंतरच संबंधित कीटकनाशक बोगस की खरे हे ठरविता येईल.
- नवनाथ कोळपकर, जिल्हा अधीक्षक कृषी अधिकारी, यवतमाळ.

नागपूर  : एका कंपनीने विदर्भातील आपल्या वितरकांकडून कीटकनाशक पुन्हा मागविल्याने ते बोगस असल्याची चर्चा रंगली होती; परंतु अकोला कृषी विभागाने केलेल्या चाचणीत ते उत्पादन स्वीकृत (पास) ठरले असल्याचे सिद्ध झाले. त्यामुळे कीटकनाशक माघारी बोलावण्यामागील कारणांचा शोध घेण्याचे आव्हान कृषी विभागासमोर निर्माण झाले आहे.

खरीप हंगामाच्या सुरुवातीलाच विदर्भात लगतच्या राज्यामधून कपाशीच्या बोगस व एचटी बियाण्यांचा शिरकाव झाला. त्यामुळे अनेक शेतकऱ्यांपर्यंत हे बियाणे पोचविण्यात आले. त्यानंतर पोटॅश व डीएपीच्या नावाखाली बोगस खतेदेखील सर्रासपणे जिल्ह्यामध्ये दाखल झाले. ‘सेंद्रिय’च्या नावाखाली शेतकऱ्यांची लुबाडणूक करण्यात आली. आता बियाणे व खतांच्या विक्रीनंतर बोगस कीटकनाशकांचीदेखील सर्रासपणे  विक्री सुरू झाली आहे.

हरियानातील गुडगाव येथील एका कंपनीच्या नावाचा वापर करून नागपुरात बनावट कीटकनाशक उपलब्ध करुन देण्यात आले. त्यानंतर अकोला येथून विदर्भातील बहुतांश जिल्हयात या कीटकनाशकांची विक्री करण्यात आली. याबाबतची तक्रार झाल्यानंतरदेखील कृषी विभागाने कानावर हात ठेवल्याची चर्चा आहे. विशेष म्हणजे हे सर्व प्रकार कृषी विभागातील अनेक अधिकाऱ्यांच्या ‘कानी` देखील आहे. मात्र, अजूनही ज्या पद्धतीने कारवाई होणे अपेक्षित त्या पद्धतीने कारवाई झालेली नाही. त्यामुळे आता कृषी विभागाच्या गुणवत्तेवरच प्रश्‍नचिन्ह निर्माण झालेले असून, कारवाईत साटेलोटे तर नाही ना, अशी चर्चादेखील केली जात आहे.
 

नागपुरातील त्या व्यावसायिकाला अभय?
अकोल्यातील वितरकाने नागपुरातील ज्या व्यावसायिकाकडून हे कीटकनाशक खरेदी केले. त्या व्यवहाराच्या सर्व लेखी पुरावे व पावत्या वितरकाकडे आहेत. त्यानंतरही संबंधित व्यावसायिकाविरोधात नागपुरात कृषी विभागाच्या गुणवत्ता शाखेकडून तसेच कृषी विकास अधिकाऱ्यांकडून कारवाई होत नसल्याने आश्‍चर्य व्यक्‍त होत आहे.

प्रयोगशाळेकडे पाठविण्यात आलेले कीटकनाशकाचे नमुने ‘पास’ झाले आहेत. तरीसुद्धा नागपुरातील ज्या व्यावसायिकाने अकोल्यातील वितरकाकडे हा साठा पाठविला त्याच्याकडे विक्री परवान्यात हे कीटकनाशक समाविष्ट नाही. त्यामुळे पुढील कारवाई वरिष्ठांच्या सूचनेनुसार केली जाईल, अशी माहिती अकोला येथील गुणवत्ता निरीक्षक मिलिंद जवंजाळ यांनी दिली.

इतर ताज्या घडामोडी
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...
पुणे जिल्ह्यातील धरणांच्या पाणलोटात...पुणे : मॉन्सूनचा पाऊस लांबल्याने जिल्ह्यात...
नाशिकमध्ये आले प्रतिक्विंटल ८७०० ते...नाशिक : नाशिक कृषी उत्पन्न बाजार समितीमध्ये चालू...
आव्हानांवर मात करण्यासाठी कारखान्यांनी...पुणे : साखर उद्योगासाठी यंदाचे वर्ष ‘टर्निंग...
गेल्या खरिपातील सोयाबीनचे बियाणे झाले...परभणी  : २०१८-१९ च्या खरीप हंगामात...
पीकविम्याच्या नावाखाली भाजप सरकारकडून...मुंबई : शेतकऱ्यांकडून पीक कर्ज घेताना...
विधीमंडळ अधिवेशनाच्या पहिल्याच दिवशी...मुंबई : नवनिर्वाचित गृहनिर्माणमंत्री...
सोयाबीन पीकविमाप्रश्‍नी शेतकरी संघर्ष...पुणे  ः गेल्या वर्षी बीड जिल्ह्यात पाऊस न...
कळमणा बाजार समितीत हरभरा ४१०० रुपयांवरनागपूर ः स्थानिक कळमणा बाजार समितीत हरभरा वगळता...
सोलापुरात हिरवी मिरची, टोमॅटोच्या दरात...सोलापूर ः सोलापूर कृषी उत्पन्न बाजार समितीच्या...
शेतकरी सन्मान योजनेत रत्नागिरीतील आठ...रत्नागिरी : पंतप्रधान शेतकरी सन्मान...
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...