agriculture news in marathi, Suvarna mujumdar, sakal, pune | Agrowon

...अखेर सुवर्णाची मृत्यूशी चाललेली झुंज थांबली
सकाळ वृत्तसेवा
रविवार, 11 फेब्रुवारी 2018

पुणे : चिनी नायलॉन मांजा गळ्याभोवती अडकून झालेल्या अपघातात गंभीर जखमी झालेल्या ‘सकाळ’च्या कर्मचारी सुवर्णा मनोहर मुजुमदार (वय ४५, रा. प्रज्ञा अपार्टमेंट, कांडगे पार्क, सिंहगड रस्ता) यांचा चार दिवसांपासून सुरू असलेला जगण्यासाठीचा संघर्ष अखेर रविवारी थांबला. डॉक्‍टरांनी शर्थीचे प्रयत्न करूनही त्यांना सुवर्णाचे प्राण वाचविण्यात अपयश आले. 

पुणे : चिनी नायलॉन मांजा गळ्याभोवती अडकून झालेल्या अपघातात गंभीर जखमी झालेल्या ‘सकाळ’च्या कर्मचारी सुवर्णा मनोहर मुजुमदार (वय ४५, रा. प्रज्ञा अपार्टमेंट, कांडगे पार्क, सिंहगड रस्ता) यांचा चार दिवसांपासून सुरू असलेला जगण्यासाठीचा संघर्ष अखेर रविवारी थांबला. डॉक्‍टरांनी शर्थीचे प्रयत्न करूनही त्यांना सुवर्णाचे प्राण वाचविण्यात अपयश आले. 

दरम्यान, सुवर्णा यांच्या मृत्यूप्रकरणी शिवाजीनगर पोलिस ठाण्यामध्ये रविवारी सदोष मनुष्यवधाचा गुन्हा दाखल करण्यात आला. सुवर्णा मुजुमदार या मागील बुधवारी ‘सकाळ’च्या बुधवार पेठ येथील कार्यालयातून शिवाजीनगर कार्यालयाकडे जात असताना शिवाजी पुलावर त्यांच्या गळ्याभोवती चिनी मांजा अडकून त्या गंभीर जखमी झाल्या होत्या. त्यांना उपचारासाठी तत्काळ खासगी रुग्णालयात दाखल करण्यात आले होते. त्यांच्या गळ्यावर शस्त्रक्रियाही झाली. त्यानंतरही त्यांच्या प्रकृतीत सुधारणा झाली नव्हती. अखेर रविवारी (ता. ११) सकाळी साडेसात वाजण्याच्या सुमारास डॉक्‍टरांनी त्यांना मृत घोषित केले. मुजुमदार यांच्या पश्‍चात वडील मनोहर मुजुमदार व दोन बहिणी असा परिवार आहे. शिवाजीनगर पोलिस ठाण्यामध्ये अज्ञात व्यक्तीविरुद्ध सदोष मनुष्यवधाचा गुन्हा दाखल करण्यात आला.

सुवर्णा यांच्या मृत्यूची बातमी कळताच त्यांच्या कुटुंबीयांसह आप्तेष्ट, नातेवाईक, मित्र-मैत्रिणी व सहकाऱ्यांना मोठा धक्का बसला. सर्वांनीच तत्काळ रुग्णालयात आणि त्यानंतर घरी धाव घेतली. त्यांच्या कुटुंबीयांचे दुःख पाहून उपस्थितांनी अश्रूंना मोकळी वाट करून दिली. तर वैकुंठ स्मशानभूमी येथे त्यांचे पार्थिव अंत्यसंस्कारासाठी आणल्यानंतर सहकारीही दुःखात बुडाले. दुपारी बारा वाजण्याच्या सुमारास त्यांच्यावर अंत्यसंस्कार करण्यात आले. या वेळी ‘सकाळ’च्या संपादकीय, जाहिरात, वितरण आदी विभागांचे प्रमुख, वरिष्ठांसह कर्मचारी मोठ्या संख्येने उपस्थित होते. 

सुवर्णा यांनी अहिल्यादेवी प्रशालेतून प्राथमिक, तर नूमविमध्ये कनिष्ठ महाविद्यालयीन शिक्षण घेतले. पुढे एमईएस गरवारे महाविद्यालयातून पदवीचे शिक्षण घेतले. प्रारंभी गावकरी, त्यानंतर मोना ॲडव्हर्टाझिंगच्या जाहिरात विभागामध्ये कार्यरत होत्या. तर ‘सकाळ’मधील जाहिरात विभागात त्या दहा वर्षांपासून कार्यरत होत्या.

सरकारने याप्रकरणी गंभीर भूमिका घेऊन मांजा विक्री थांबविण्यासाठी उच्च पातळीवरून प्रयत्न करावेत. आमच्या बहिणीचा गेलेला जीव परत येणार नाही, परंतु तिच्यासारखी वेळ इतरांवर येऊ नये, यासाठी मांजा हद्दपार करावा.' 
- दर्शना परदेशी व अपर्णा बापट (सुवर्णा मुजुमदार यांच्या भगिनी)

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...