agriculture news in Marathi, swabhimani block expressway, Maharashtra | Agrowon

‘स्वाभिमानी’ने रोखला महामार्ग
टीम अॅग्रोवन
शुक्रवार, 20 जुलै 2018

कोल्हापूर : गायीच्या दुधाला पाच रुपये अनुदान द्यावे, या मागण्यांसाठी गुुरुवारी (ता. १९) स्वाभिमानी शेतकरी संघटनेच्या कार्यकर्त्यांनी पुणे-बंगळूर महामार्ग किणी पथकर नाक्‍यानजीक सुमारे अर्धा तास रोखून धरला. सकाळी पोलिसांनी किणीकडे येणाऱ्या अनेक गावांच्या रस्त्यावर नाकेबंदी करून गावागावांतून येणाऱ्या कार्यकर्त्यांना अडवून ठेवल्याने मोठी तणावाची परिस्थिती निर्माण झाली होती. 

कोल्हापूर : गायीच्या दुधाला पाच रुपये अनुदान द्यावे, या मागण्यांसाठी गुुरुवारी (ता. १९) स्वाभिमानी शेतकरी संघटनेच्या कार्यकर्त्यांनी पुणे-बंगळूर महामार्ग किणी पथकर नाक्‍यानजीक सुमारे अर्धा तास रोखून धरला. सकाळी पोलिसांनी किणीकडे येणाऱ्या अनेक गावांच्या रस्त्यावर नाकेबंदी करून गावागावांतून येणाऱ्या कार्यकर्त्यांना अडवून ठेवल्याने मोठी तणावाची परिस्थिती निर्माण झाली होती. 

पोलिसांना चकवा देत हजारो कार्यकर्ते किणी गावातील पाटलांचा वाडा या ठिकाणी जमा झाले. यात महिलाही अग्रेसर होत्या. जनावरांसह एक किलोमीटर असणाऱ्या किणी पथकर नाक्‍यावर सरकारविरोधी घोषणा देत कार्यकर्त्यांचा जथ्था किणी पथकर नाक्‍यावर पोचला. मोठ्या प्रमाणात घोषणाबाजी सुरू झाल्याने तणाव निर्माण झाला. संघटनेच्या प्रमुख नेत्यांनी कार्यकर्त्यांना शांततेचे आवाहन करीत कोणत्याही परिस्थितीत हिंसक आंदोलन करू नये, असे आवाहन केल्यानंतर कार्यकर्ते शांत झाले.

सावकार मादनाईक, जालिंदर पाटील, भगवान काटे आदी नेत्यांनी सरकारच्या दूध दर आंदोलन चिरडून टाकण्याच्या भूमिकेवर चौफेर हल्ला चढविला. कोणत्याही परिस्थितीत आंदोलन मागे घेणार नाही. जोपर्यंत संघटनेचे खासदार राजू शेट्टी यांच्याशी चर्चा होऊन समाधानकारक तोडगा निघणार नाही तोपर्यंत मागे न हटण्याचा निर्धार या वेळी करण्यात आला.

अर्धा तास संपूर्ण महामार्ग रोखण्यात आला. भाषणे झाल्यानंतर पोलिसांनी आंदोलकांना रास्ता रोको मागे घेण्याची विनंती केली. पोलिसांनीही कोणत्याही कार्यकर्त्यांना अटक करणार नाही, सकाळी ज्यांना अटक केली आहे त्यांनाही सोडण्याचे आश्‍वासन दिल्यानंतर संघटनेच्या प्रमुख कार्यकर्त्यांनी रास्ता रोको मागे घेत असल्याचे सांगत रस्ता मोकळा करून दिला.

तणावाचे चार तास
चक्का जाम आंदोलनाच्या पार्श्‍वभूमीवर किणी पथकर नाका परिसरात मोठा तणाव होता. पाचशेहून अधिक पोलिसांचा फौजफाटा प्रमुख अधिकाऱ्यांसह तैनात होता. गावोगावीच कार्यकर्त्यांना अडवून ठेवण्याची भूमिका घेत असल्याने आंदोलकामध्ये तीव्र संताप व्यक्त होत होता. सकाळी काही प्रमाणात येणाऱ्या कार्यकर्त्यांना ते आले की अटक करण्याचे सत्र सुरू केले. यामुळे किणी येथील टोलनाक्‍यावर आंदोलक व पोलिसांत तणाव निर्माण झाला. प्रचंड जमाव असल्याने पोलिसांनी नमते घेत संघटनेच्या प्रमुख कार्यकर्त्यांना विश्‍वासात घेऊन आंदोलन काही काळ करण्याची परवानगी दिली. यामुळे तणाव निवळला. जिल्ह्यातील अनेक ठिकाणीही काही वेळ रास्ता रोको करण्यात आला.

दूध संकलनात घटच
आंदोलनाच्या चौथ्या दिवशी जिल्ह्यातील दूध संकलनात घटच होती. सरासरी केवळ पंचवीस टक्के इतकेच दूध संकलन झाले. चक्का जाम आंदोलन असल्याने टॅंकरवर पुन्हा दगडफेकीची शक्‍यता असल्याने दूध संघांनीही दुधासाठी दुग्ध संस्थांना फारसा आग्रह केला नाही. कार्यकर्ते रस्त्यावर उतरल्याने टॅंकरचे संभाव्य नुकसान गृहीत धरून संघांनी गुरुवारी सावध पवित्रा घेतला. यामुळे दुधाच्या संकलनात मोठी घट झाली. आंदोलन सुरू झाल्यापासून केवळ दुसऱ्या दिवशीच चाळीस टक्क्‍यापर्यंत संकलन झाले होते. यानंतर घटच होत असल्याचे चित्र आहे. अनेक दुग्ध संस्था चार दिवसांपासून पूर्णपणे बंद असल्याचे जिल्ह्यातील चित्र आहे. गुरुवारी अंदाजे केवळ दोन लाख लिटरपर्यंतचे संकलन झाल्याचे दूध संघांच्या प्रतिनिधींनी सांगितले.

इतर बातम्या
धुळे महापालिकेत सत्तांतर, भाजपला मोठे यशधुळे : धुळे महापालिकेत भाजपने ७४ पैकी ५० जागांवर...
खानदेशातील दूध उत्पादकांना कमी दराचा...जळगाव : खानदेशात सहकारी संघ आणि खाजगी डेअऱ्या...
खजुराच्या टाकाऊ घटकापासून वाहनांच्या...पिकांच्या अवशेषापासून वाहन व जहाज उद्योगातील अनेक...
कांद्याला हमीभाव जाहीर करण्याची मागणीधुळे : कांद्याची लागवड खानदेशात वाढत आहे....
मासेमारी व्यावसायिकांचा जलसमाधीचा...मालेगाव, जि. नाशिक : गिरणा धरणाच्या फुगवटा भागात...
कांद्याने लुटले अन्‌ कपाशीने गुंडाळलेझोडगे, जि. नाशिक : माळमाथा परिसरात कांदा व...
सोलापुरात बावीस रुपयांच्या आतच दूध दरसोलापूर : शासनाने गाईच्या दुधासाठी प्रतिलिटर २५...
कांदा दरासाठी ‘स्वाभिमानी’चे सोलापूर...सोलापूर : कांद्याच्या घसरलेल्या दराकडे सरकार...
कोल्हापुरात दूधदरात कपात नाहीकोल्हापूर : सध्या अनुदानाच्या मुद्द्यावरून...
परभणीत दूध संकलनात वाढ; दरकपातीमुळे...परभणी ः दुष्काळी परिस्थिती तसेच शासकीय दूध...
सरकारला कृषी धोरणावरच बोलायला लावू ः...शिर्डी, जि. नगर : देश आणि राज्यातील शेतकरी अडचणीत...
धुळे जिल्ह्यात रब्बी पीककर्ज वितरण...जळगाव  ः खानदेशात खरिपात जसे बॅंकांनी...
सांगलीत अनुदान रक्कम येईपर्यंत दूधदरात...सांगली ः जिल्ह्यात सहकारी आणि खासगी असे ३५ दूध...
एफआरपीप्रमाणे ऊस बिलासाठी परभणीत शेतकरी...परभणी ः जिल्ह्यातील सर्व साखर कारखान्यांनी ऊस...
‘महाएफपीसी’ करणार ५ हजार टन कांदा संकलनपुणे  ः कमी झालेल्या कांदा स्थिरता...
पुणे विभागात पाण्याअभावी ज्वारीचे पीक...पुणे   ः कमी पावसामुळे रब्बी ज्वारीला...
राज्य सेवा आयोगाकडून ३४२ पदांच्या...मुंबई : राज्य सेवा आयोगाकडून शासनाच्या विविध...
परभणीत मुगाची चार क्विंटल, तर उडदाची...परभणी ः जिल्ह्यात यंदाच्या खरीप हंगामातील मुगाची...
वऱ्हाड खासगी डेअरींकडून दूध दरकपातीची...अकोला   ः उत्पादनवाढीचे कारण देत खासगी दूध...
दर कपातीने दूध उत्पादक मेटाकुटीसपुणे ः शासनाने गाईच्या दुधासाठी प्रतिलिटर २५...