agriculture news in marathi, swabhimani shetkari sanghatna gives cavet for milk rate, kolhapur, maharashtra | Agrowon

शासन निर्णयाप्रमाणे दर न दिल्यास ‘अमूल’चे दूध रोखण्याचा इशारा
टीम अॅग्रोवन
शुक्रवार, 24 ऑगस्ट 2018

अमूल दूध संघाने शासन आदेशाचे पालन करून गाईच्या दुधाला प्रतिलिटर २५ रुपये लिटर दर द्यावा. मागणीकडे दुर्लक्ष केल्यास १ सप्टेंबरपासून ‘अमूल’चे दूध रोखण्यात येईल. ‘स्वाभिमानी’ने दूध दरवाढीसाठी शासनाला नमविले आहे. याचा विचार ‘अमूल’ प्रशासनाने करावा.
- शैलेश चौगुले, स्वाभिमानी शेतकरी संघटना युवा आघाडी.
 

कोल्हापूर  : अमूल दूध संघाकडून गाईच्या दुधाला कमी दर मिळत असल्याने स्वाभिमानी शेतकरी संघटनेच्या कार्यकर्त्यांनी उदगाव (ता. शिरोळ) येथील अमूल दूध संघ प्रकल्पावर जाऊन व्यवस्थापनास जाब विचारला. शासन निर्णयानुसार दर न दिल्यास १ सप्टेंबरपासून ‘अमूल’चे दूध रोखण्याचा इशारा बुधवारी (ता. २२) कार्यकर्त्यांनी दिला.

गाईच्या दूध दरवाढीसाठी गेल्या महिन्यात आंदोलन करण्यात आले. यानंतर शासनाने गाईच्या दुधाला प्रतिलिटर २५ रुपये दर देण्याचा निर्णय घेतला. यानुसार बहुतांश संघांनी शासन निर्णयानुसार दर देण्याचे धोरण अवलंबिले. मात्र अमूल दूध संघाकडून गाईच्या दुधाला प्रतिलिटर २२ रुपये ३५ पैसे दर दिला जात आहे. ही बाब लक्षात आल्यानंतर ‘स्वाभिमानी’च्या कार्यकर्त्यांनी ‘अमूल’च्या उदगाव येथील प्रकल्पावर जाऊन याबाबत जाब विचारण्याचा प्रयत्न केला. मात्र जबाबदार अधिकारी नसल्याने दूरध्वनीवरून चर्चा झाली. प्रकल्पस्थळी चर्चेचा निर्णय झाला.

मात्र अधिकाऱ्यांनी दिवसभर कार्यकर्त्यांना ताटकळत ठेवले. रात्री आठ वाजता अधिकारी प्रकल्पावर आले. या वेळी कार्यकर्त्यांनी त्यांना धारेवर धरले. पंचायत समिती सदस्य मन्सूर मुलाणी, प्रा. राजाराम वरेकर, ऋतुराज सावंत-देसाई, स्वप्निल इंगळे, शंकर नाळे, बाळासो चौगुले, बंडू पाटील, पप्पू मोटके, अभिजित समगे आदी उपस्थित होते.

शासनाकडून अमूल दूध संघाला अनुदान मिळत नाही. त्यामुळे दुधास दर देणे कठीण होत आहे. संचालक मंडळाच्या बैठकीत हा प्रश्‍न मांडू. दूध संघाला अनुदान मागण्याबाबत तत्काळ प्रयत्न करण्यासाठी चर्चा करू, असे अमूल दूध संघाचे मुख्य कार्यकारी अधिकारी सावजीभाई चौधरी यांनी सांगितले.
 

इतर अॅग्रो विशेष
उगवत्या सूर्याच्या देशातील मोहक शेतीह वाई वाहतुकीच्या माध्यमातून एखाद्या राष्ट्राचे...
...तरच वाढेल डाळिंब निर्यातफॉस्फोनिक ॲसिडच्या अंशामुळे (रेसिड्यू) डाळिंबाची...
बुलडाण्यात ३३ टन रेशीम कोष उत्पादनबुलडाणा  : जिल्ह्यातील शेतकरी पारंपरिक...
भारतीय दूध सुरक्षितनवी दिल्ली ः भारतातील दुधाच्या दर्जाबाबात सतत...
राज्यात हुडहुडी वाढली... पुणे : किमान तापमानाचा पारा घसरल्याने राज्यात...
धार्मिक स्थळांनी द्यावा दुष्काळासाठी...नागपूर ः राज्यातील सर्वधर्मीय धार्मिक स्थळांनी...
चारा छावण्यांऐवजी थेट अनुदानाचा विचार ः...मुंबई ः दुष्काळी भागात चारा छावण्यांमध्ये होणारा...
देशी बियाण्यांच्या संवर्धनासाठी रंगणार...पुणे : देशी बियाण्यांचे संवर्धन आणि प्रसारासाठी...
खरेदी न झालेल्या हरभरा, तुरीसाठी...सोलापूर : हमीभाव योजनेतून शेतकऱ्यांनी हरभरा व तूर...
दुष्काळाचे चटके सोसलेले साखरा झाले ‘...लोकसहभाग मिळाला तर कोणत्याही योजना यशस्वी होऊ...
‘जनावरं जगवायची धडपड सुरू हाय’सातारा ः शाळू (रब्बी ज्वारी) केलीय. पण पीक...
परभणी जिल्ह्यात ज्वारीवर अमेरिकन लष्करी...परभणी ः परभणी जिल्ह्यात यंदा प्रथमच रब्बी...
सीड हब म्हणून भारताचा उदयनवी दिल्ली ः आशिया खंडात भारत देश ‘सीड हब’ म्हणून...
ब्राझीलचे साखर उत्पादन निम्मे घटलेनवी दिल्ली ः आंतरराष्ट्रीय बाजारात साखरेचे सतत...
गोंदिया जिल्हा अधीक्षक अधिकारी बऱ्हाटे...गोंदिया ः नगर जिल्ह्यात राबविण्यात आलेल्या...
शेतीपंप वीजवापर घोटाळा आयोगाच्या...मुंबई ः महावितरणची प्रचंड वितरण गळती व चोऱ्या...
राज्यात थंडी वाढली; नाशिक ११.५ अंशांवरपुणे : उत्तरेकडील थंड वाऱ्यांचे प्रवाह दक्षिणेकडे...
संत्रा बागेतील उत्कृष्ठ व्यवस्थापनाचा...किडी-रोग, पाण्याचे अयोग्य व्यवस्थापन आदी...
फॉस्फोनिक रेसिड्यूमुळे डाळिंब निर्यात...पुणे : निर्यातक्षम डाळिंबात युरोपसाठी फॉस्फोनिक...
चिकाटी, प्रयत्नवादातून शून्यातून...उस्मानाबाद जिल्ह्यातील देवसिंगे (तूळ) येथील रमेश...