Agriculture news in Marathi, sweet lemon producers in trouble due to fruit drops, Maharashtra | Agrowon

मोसंबी उत्पादक फळगळीने मेटाकुटीला
टीम अॅग्रोवन
बुधवार, 29 ऑगस्ट 2018

किमान महिनाभरानं मोसंबीची काढणी केली असती, पण कच्चीच फळं गळत असल्यानं काढणीचा, विक्रीचा निर्णय घेतला. किमान १० ते १५ टन मोसंबी गळाली असावी. काढणी केलेल्या ३५ टनालाही केवळ १४ हजार रुपये प्रतिटनाचा फटका बसलाच. 
- रामेश्वर दौंड, पारुंडी, ता. पैठण, जि. औरंगाबाद. 

औरंगाबाद : मराठवाड्यातील सर्वांत महत्त्वाचे फळपीक म्हणून मोसंबीची ओळख; परंतु या मोसंबीच्या कच्च्या फळांची प्रचंड प्रमाणात होत असलेली फळगळ उत्पादकांना तोट्यात ढकलत आहे. शिवाय दरातही झालेली घसरण शेतकऱ्यांना अडचणीत आणणारी ठरली असून, उपाय करूनही फळगळ का होत आहे हा प्रश्न आहे. त्यामुळे प्रत्यक्ष पाहणी करून तज्ज्ञ याविषयी मार्गदर्शन करतील का, असा प्रश्न मोसंबी उत्पादक उपस्थित करीत आहेत. 

यंदाच्या आंबे बहरातील मोसंबीवर फळगळीचे संकट घोंगावते आहे. सुरवातीला ५ ते १० टक्‍क्‍यांपर्यंत असलेली ही फळगळ आता काही बागांमध्ये ४० ते ५० टक्‍क्‍यांपर्यंत गेली आहे. मराठवाड्यातील मोसंबीच्या ४६ हजार ५२२ हेक्‍टरवर विस्तारलेल्या क्षेत्रात औरंगाबाद व जालना जिल्ह्यांतच सर्वाधिक क्षेत्र आहे.

यंदा मोसंबीचा आंबे बहर घेणाऱ्या शेतकऱ्यांच्या मोसंबीत फळगळ मोठ्या प्रमाणात वाढली आहे. पैठण तालुक्‍यातील रहागाव, पाचलगाव, वाहेगाव, कातपूर, नारायणगाव, मुधळवाडी आदी गावांतील मोसंबी बागांमध्ये गळीचे प्रमाण प्रचंड असल्याची माहिती शेतकऱ्यांनी दिली. डोळ्यांदेखत बागेचे होणारे नुकसान शेतकऱ्यांच्या डोळ्यांत पाणी आणणारे ठरले आहे. 

शेतकऱ्यांच्या निदर्शनास आलेली स्थिती...
काही शेतकऱ्यांच्या पाहणीनुसार लिंबासारख फळ झालं की देठ कुजायला सुरवात होते. पाठीमाग देठ फुगतं, फुगून फळ गळ होते. त्याला काळ्या रंगाचा चट्टा पडतो. तोडायला आलेली फळे गळत आहेत. तर काही शेतकऱ्यांच्या बागांत हिरवं असलेलं मोसंबीचं देठ वाळून जात आहे.  

तज्ज्ञांनी पाहणी करण्याची गरज
प्रत्येक वर्षी होणाऱ्या फळगळीने यंदा मर्यादा ओलांडल्याचे शेतकरी सांगताहेत. त्यामुळे ही गळ का होते आहे, याची पाहणी करून किमान पुढील बहरात हा प्रश्न निर्माण होऊ नये, यासाठी तज्ज्ञांची पाहणी करून योग्य त्या उपाययोजना शेतकऱ्यांना सुचविणे गरजेचे आहे. 

प्रतिक्रिया
मागच्या वर्षी पाच दहा टक्‍क्‍यांपर्यंत असलेली फळगळ यंदा चार एकरांतील मोसंबीत जवळपास ५० टक्‍क्‍यांपर्यंत पोचली आहे. बागेला पाण्याची कमतरता नाही. सुचविलेले, माहिती असलेले सर्व उपाय करूनही फळगळ थांबण्याचे नाव नाही. दरही पाडून मागीतल्या जात असल्याने नुकसानीत भर पडते आहे. तज्ज्ञांनी पाहणी करूनच उपाय सुचवायला हवं, 
- प्रल्हादराव गलधर, रहाटगाव, ता. पैठण, जि. औरंगाबाद. 

गळ का होते तेच कळेना. तज्ज्ञांनी उपाय सुचवायला हवे. माझ्या बागेत ४० ते ५० टक्‍के फळगळ झालीय. 
- महादेव तारगे, मोसंबी उत्पादक, घनसावंगी 

हार्वेस्टिंगला येण्याआधीच फळांची गळ होते आहे. दहा एकर मोसंबीपैकी चार एकरांतील फळगळ ५० टक्‍क्‍यांच्या पुढे आहे. 
- बद्रिनाथ पाचोडे, दिनायतपूर, ता. पैठण, जि. औरंगाबाद. 

इतर अॅग्रो विशेष
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...
कीडनाशकांबाबतच्या याचिकेची सर्वोच्च...नवी दिल्ली ः मानवी आरोग्याला धोकादायक व भारतात...
स्वेच्छानिवृत्तीनंतरही प्रयोगशील...सांगली जिल्ह्यातील दुष्काळी आटपाडी शहरातील...