पुणे बाजार समितीत रताळे, कवठांची विक्रमी आवक

पुणे बाजार समितीत रताळे, कवठांची विक्रमी आवक
पुणे बाजार समितीत रताळे, कवठांची विक्रमी आवक

पुणे :  मंगळवारी (ता. १३) साजऱ्या हाेणाऱ्या मशिवरात्रीनिमित्त विशेष मागणी असलेल्या कवठ आणि रताळ्यांची पुणे बाजार समितीमध्ये माेठ्या प्रमाणावर आवक झाली हाेती. रविवारी (ता. ११) रताळ्याताची विक्रमी सुमारे ७० ट्रक आवक झाली हाेती. या वेळी रताळ्याला प्रतिकिलाेला १० ते २० रुपये दर मिळाला हाेता. तर कवठांचीदेखील गेल्या तीन दिवसांपासून माेठी आवक झाली हाेती.  नगर, पुरंदर आणि साेलापूर भागांतून कवठांची सुमारे तीन हजार गाेणी आवक झाली हाेती. कवठांना शेकड्याला १०० ते ६०० रुपये दर हाेता. रताळ्यांच्या आवकेमध्ये कर्नाटक, बीड, कराड या भागांतून सुमारे ६० ते ७० ट्रक आवक झाली. या आवकेमध्ये कर्नाटकातून सुमारे ३० ट्रक, तर बीड व कराड येथून ३० ट्रक आवक झाली. कर्नाटकातील रताळी हलक्या प्रतीची आणि चवीला तुरट असल्याने या राताळ्यांना १० किलोसाठी ८० ते ११० रुपये दर मिळाला. तर बीड परिसरातील रताळी चवीला गाेड असल्याने या राताळ्यास १४० ते १६० रुपये दर मिळाला. कराड येथून आलेली रताळी चांगल्या दर्जाची असल्याने या राताळ्यांना १८० ते २०० रुपये भाव मिळाला. रताळ्यांच्या आवके बाबत बाेलताना शेतकरी चंद्रकांत महादेश सस्ते (रा. मलकाची वाडी, ता. शिरूर कासार, जि. बीड) म्हणाले, ‘‘आमची २ एकर रताळी असून, यंदा परिसरातील मिळून २५० गाेणी रताळी विक्रीसाठी आणली हाेती. या वेळी प्रतिकिलाेला ५ ते ६ रुपये दर मिळाला. गेल्या वर्षीच्या तुलनेत यंदा दर कमी मिळाला. गेल्या वर्षी १५० गाेणी विक्रीसाठी आणली हाेती. त्या वेळी १२ रुपये प्रतिकिलाेला दर मिळाला हाेता. यंदा मालाला उठाव नसल्याने आणखी ७०-८० पाेत्यांची विक्री शिल्लक आहे. आज संध्याकाळपर्यंत विक्री झाली तर ठीक, नाहीतर फेकून द्यावी लागतील.’’  कवठांची विक्री करणारे शेतकरी सचिन अवसरलमल (रा. पाथर्डी, जि. नगर) म्हणाले, ‘‘आमची स्वतःची चार झाडे असून, ५ झाडे ९०० रुपयांनी विकत घेतली हाेती. या सर्व झाडांचे मिळून ३० गाेणी कवठे विक्रीसाठी आणली हाेती. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com