agriculture news in marathi, Takaari' scheme water starts from canals | Agrowon

'ताकारी' योजनेचे पाणी कालव्यातून लागले वाहू
टीम अॅग्रोवन
बुधवार, 10 जानेवारी 2018

सांगली : कडेगावसह खानापूर आणि तासगाव तालुक्‍याला सुजलाम-सुफलाम करणारी ताकारी उपसा जलसिंचन योजना गेल्या तीन दिवसांपासून सुरू झाली आहे. त्यामुळे शेतकऱ्यांच्यात आनंदाचे वातावरण निर्माण झाले आहे.

ताकारी सिंचन योजनेचे पाणी राजकीय श्रेयवादात तीन महिने अडकले होते. लाभक्षेत्रातील सर्वच पिकांची अक्षरशः होरपळ झाली. प्रमुख पीक असलेले ऊसक्षेत्र वाळून चिपाडे झाली. विविध संघटनांनी आंदोलने केली. तरीही पाटबंधारे विभागाने पाणी सोडले नाही. या योजनेची एकूण १० कोटी ३७ लाख वीजबिल थकबाकीपैकी निम्मे भरल्याशिवाय वीज न जोडण्याची भूमिका महावितरणची होती.

सांगली : कडेगावसह खानापूर आणि तासगाव तालुक्‍याला सुजलाम-सुफलाम करणारी ताकारी उपसा जलसिंचन योजना गेल्या तीन दिवसांपासून सुरू झाली आहे. त्यामुळे शेतकऱ्यांच्यात आनंदाचे वातावरण निर्माण झाले आहे.

ताकारी सिंचन योजनेचे पाणी राजकीय श्रेयवादात तीन महिने अडकले होते. लाभक्षेत्रातील सर्वच पिकांची अक्षरशः होरपळ झाली. प्रमुख पीक असलेले ऊसक्षेत्र वाळून चिपाडे झाली. विविध संघटनांनी आंदोलने केली. तरीही पाटबंधारे विभागाने पाणी सोडले नाही. या योजनेची एकूण १० कोटी ३७ लाख वीजबिल थकबाकीपैकी निम्मे भरल्याशिवाय वीज न जोडण्याची भूमिका महावितरणची होती.

शासनाने टंचाईनिधीचे ४ कोटी ७१ लाख अडविले होते. शिवाय काही साखर कारखानदारांनी गतवर्षी शेतकऱ्यांची कपात केलेली पाणीपट्टीची दीड कोटीची रक्कम पाटबंधारेला दिलीच नव्हती. त्यामुळे भाजपचे जिल्हाध्यक्ष पृथ्वीराज देशमुख, आमदार अनिल बाबर, आमदार मोहनराव कदम यांची बैठक झाली.

या बैठकीत भागातील ५ साखर कारखान्यांनी ५ कोटी भरून योजना सुरू करण्याचे ठरले. त्यानुसार रक्कम जमा करून महावितरणला भरली. यानंतर महावितरणने उरलेल्या ५ कोटीबद्दल प्रश्न निर्माण केला. त्यावर पाटबंधारेही हतबल झाले. त्यासाठी मुंबईत मंत्रालयात महावितरण अधिकाऱ्यांची बैठक घेऊन त्यावर तोडगा काढला. त्यानुसार महावितरणच्या जिल्ह्यातील अधिकाऱ्यांना तीन दिवसापूर्वी दुपारी आदेश आल्यानंतर वाजता वीज जोडणी झाली.

टप्पा १ साटपेवाडी बंधाऱ्यातून दोन पंपाद्वारे पाणी उचलून टप्पा २ सागरेश्वर संतुलन जलाशयात पाणी सोडले गेले. कृष्णा नदीत कोयना धरणातून २ हजार क्‍यूसेक प्रतीसेकंद प्रमाणे पाणी सोडण्यात आले असून ते साटपेवाडी बंधाऱ्यात पोहोचले आहे. ताकारीच्या पाण्याने देवराष्ट्रे ओलांडून ७ कि.मी.वरील मोहित्यांचे वडगाव परिसरात प्रवेश केला आहे. टप्पा २ वरील आणखी दोन पंप सुरू केले. त्यामुळे पाण्याच्या प्रवाहाची गती वाढली आहे. पाण्यामुळे वाळलेले ऊस क्षेत्र जीवंत होणार नसले तरी काही प्रमाणात रब्बी पिकांना आणि पिण्याच्या पाण्यासाठी निश्‍चित लाभ होणार आहे.

ताकारी सिंचन योजना सुरू करण्यात आली आहे. सोडण्यात आलेले पाणी गरज असलेल्या लाभक्षेत्रातील सर्व शेतकऱ्यांचे पूर्ण समाधान होईपर्यंत बंद केले जाणार नाही.
- प्रकाश पाटील,
कार्यकारी अभियंता ताकारी सिंचन योजना.

इतर ताज्या घडामोडी
अकोले तालुक्‍यात पावसाचा जोर कायमनगर  : अकोले तालुक्‍याच्या पश्‍चिम भागात...
स्वाभिमानीचा सर्जिकल स्ट्राईक,...कोल्हापूर : कोल्हापूर जिल्ह्याच्या कानाकोपऱ्यातून...
सातारा जिल्ह्यात दूध दरप्रश्नी तिसऱ्या...सातारा   ः स्वाभिमानी शेतकरी संघटनेने...
संतश्रेष्ठ तुकोबाराय पालखीचे सोलापूर...सोलापूर : पिटू भक्तिचा डांगोरा । कळिकाळासी दरारा...
कोयना, कण्हेर धरणांतून विसर्गसातारा : जिल्ह्यात पावसाचा जोर कायम आहे. बुधवारी...
कर्नाटकातून येणारे दूध आंदोलकांनी अडवलेसोलापूर :  दुधाच्या वाढीव दरासाठी स्वाभिमानी...
किणी टोल नाका येथे पोलिसांची जबरदस्ती;...कोल्हापूर- : स्वाभिमानीने शेतकरी संघटनेने पुणे...
कनिष्ठ सहायकाची एक वेतनवाढ बंदनाशिक  : जिल्हा परिषदेची सभा असो की मुख्य...
भेंडीची वेळेवर लागवड आवश्यकभाजीपाला पिकांमध्ये भेंडी पिकाची लागवड वाढत आहे....
दूध दरप्रश्‍नी राज्य सरकार दोषी : राज...पुणे  ः दूधदराचा प्रश्न गंभीर होत आहे....
पुणे जिल्ह्यातील धरणांमध्ये १०६ टीएमसी...पुणे  : जिल्ह्यातील पश्‍चिम भागात असलेल्या...
बुलडाणा, वाशीममध्ये दूध दरप्रश्‍नी...अकोला  ः दुधाला प्रतिलिटर पाच रुपये दर...
पोषक घटकांनीयुक्त शेळीचे दूधभारतामध्ये प्रामुख्याने गायीच्या व म्हशीच्या...
मराठवाड्यात तिसऱ्या दिवशीही दूध...औरंगाबाद : दूध दरावरून पुकारल्या गेलेल्या...
कोल्हापुरात हिंसक वळणकोल्हापूर : दूध आंदोलनाच्या तिसऱ्या दिवशी...
चंद्रकांतदादांच्या आश्वासनानंतर उपोषण...परभणी  ः पीकविमा परताव्यापासून वंचित...
शेतकऱ्यांना बोंड अळीची नुकसानभरपाई...नाशिक  : गेल्या वर्षी बोंड अळीमुळे कापूस...
खानदेशात ८० टक्के पेरणी उरकलीजळगाव : खानदेशात जवळपास ८० टक्के क्षेत्रावर पेरणी...
हाँगकाँग येथे जांभळ्या रताळ्यापासून...हाँगकाँग येथील एका खासगी साखळी हॉटेल उद्योगाने...
फ्लाय अॅशपासून कॉंक्रिटची निर्मिती शक्यसध्या टाकाऊ समजल्या जाणाऱ्या फ्लाय ॲशपासून अधिक...