ताकारी उपसा सिंचन योजनेतून तिसरे अावर्तन सुरू

ताकारी उपसा सिंचन योजनेतून तिसरे अावर्तन सुरू
ताकारी उपसा सिंचन योजनेतून तिसरे अावर्तन सुरू

सांगली ः ताकारी उपसा सिंचन योजनेचे उन्हाळी हंगामासाठीचे आवर्तन सुरू केले आहे. यामुळे कडेगाव, खानापूर आणि तासगाव तालुक्‍यातील हजारो एकर शेतीला लाभदायी ठरणाऱ्या ताकारी उपसा जलसिंचन योजनेचे तिसरे पाणी आवर्तन सुरू करण्यात आले आहे. दुसरे आवर्तन बंद झाल्यानंतर अवघ्या ११ दिवसांत पाणी सुरू केल्याने शेतकरी वर्गात समाधानाचे वातावरण आहे. जूनपासून पावसाळा सुरू होतो. त्यामुळे यंदाच्या हंगामातील ताकारीचे हे शेवटचे पाणी ठरण्याची शक्‍यता आहे.  

कायम दुष्काळी असणाऱ्या कडेगाव, खानापूर आणि तासगाव तालुक्‍यातील बहुतांश गावांना ताकारी योजना संजीवनी ठरली आहे. कार्यक्षेत्रातील साखर कारखान्यांच्या पुढाकाराने सदर योजना मागील १५ वर्षांपासून अखंडपणे सुरू आहे. लाभक्षेत्रात बागाईतक्षेत्र फुलवणारी ताकारी यंदा अडखळतच तीन महिने उशिरा सुरू झाली. माळरानाच्या पिकांची होरपळ होऊन शेतकऱ्यांचे लाखो रुपयांचे नुकसान झाले.

याबाबत शेतकऱ्यांनी किंतू मनात न ठेवता पुनश्‍चः उभारी घेत मळे फुलले आहेत. पाटबंधारेनेही साद देत गरजेनुसार दोन आवर्तनाचे पाणी दिले. या योजनेवरील टप्पा १ साटपेवाडी बंधाऱ्यातील ६ पंप सुरू करण्यात आले. त्यानंतर ७ वाजता टप्पा २ सागरेश्वर संतुलन जलाशयातील ६ पंप सुरू करून पाणी मुख्य कालव्यात सोडले. या पाण्याचा लाभ प्रामुख्याने बारमाही बागाईत पिकांसह आगामी खरीप हंगामाच्या पेरण्यासाठी होणार आहे.

बहुतांश गावांच्या पाणीपुरवठा स्तोत्रापर्यंत ताकारीचे पाणी पोहचते. त्यामुळे पाणीप्रश्न निकालात निघणार आहे. तसेच काही प्रमाणात पाणी येरळा नदीत जाते. परिणामी नदीकाठच्या शेतीला व पाणीपुरवठा योजनांना लाभ होणार आहे. दुसरे आवर्तन संपल्यावर काही दिवसांतच हे पाणी आल्याने भूगर्भातील पाण्याच्या पातळीत वाढ होईल, अशी आशा शेतकरी व्यक्त करत आहेत.

लाभक्षेत्रातील सर्व क्षेत्राला पाणी दिले जाणार आहे. यासाठी कितीही दिवस अखंडपणे योजना सुरू ठेवण्याची तयारी पाटबंधारेची आहे. शेतकऱ्यांनी निश्‍चिंत राहावे.  - प्रकाश पाटील, कार्यकारी अभियंता ताकारी योजना.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com