agriculture news in marathi, Take the Agricultural Diploma in Agriculture | Agrowon

नोकरीसाठीच नव्हे, तर शेतीसाठी कृषी पदविका घ्या : कुलगुरू डॉ. भाले
टीम अॅग्रोवन
बुधवार, 13 डिसेंबर 2017

बुलडाणा : सध्या प्रत्येकाला नोकरी हवी आहे. किंबहुना शिक्षणाचे मुख्य ध्येयच नोकरी पुरते सीमित होताना दिसत आहे. त्याचे परिणाम आपणा सर्वांसमोर आहेत. बदलत्या जागतिक स्पर्धेत टिकण्यासाठी कौशल्यप्राप्ती अत्यावश्यक असून केवळ नोकरीसाठी नव्हे तर शेती, स्वयंरोजगारासाठी कृषी पदविका घ्या, असे आवाहन डॉ. पंजाबराव देशमुख कृषी विद्यापीठाचे कुलगुरू डॉ. विलास भाले यांनी केले.

बुलडाणा : सध्या प्रत्येकाला नोकरी हवी आहे. किंबहुना शिक्षणाचे मुख्य ध्येयच नोकरी पुरते सीमित होताना दिसत आहे. त्याचे परिणाम आपणा सर्वांसमोर आहेत. बदलत्या जागतिक स्पर्धेत टिकण्यासाठी कौशल्यप्राप्ती अत्यावश्यक असून केवळ नोकरीसाठी नव्हे तर शेती, स्वयंरोजगारासाठी कृषी पदविका घ्या, असे आवाहन डॉ. पंजाबराव देशमुख कृषी विद्यापीठाचे कुलगुरू डॉ. विलास भाले यांनी केले.

बुलडाणा येथील कृषी तंत्र विद्यालयाच्या विद्यार्थ्यांशी हितगूज कार्यक्रमात ते बोलत होते. कुलगुरूपदाचा पदभार स्वीकारल्यानंतर बुलडाणा येथे प्रथमच एका शासकीय कार्यासाठी आले असताना डॉ. भाले यांनी शहरातील कृषितंत्र विद्यालयाच्या प्रांगणात स्वागत तथा पदविका अभ्यासक्रमाच्या विद्यार्थ्यांशी हितगूज केले.  प्राचार्य डॉ. सतीशचंद्र जाधव यांनी हे आयोजन केले होते.

या वेळी डॉ. भाले म्हणाले, की शेतीला आता सक्षम जोडीदाराची नितांत आवश्यकता अाहे. पारंपरिक शेतीला नव तंत्रज्ञानाची जोड देत उपलब्ध संसाधनांचा प्रभावी वापर झाला पाहिजे. कृषी शिक्षणाचा नोकरीसाठी नव्हे तर स्वयंरोजगार निर्मितीसाठी उपयोग करून स्वतः तर यशस्वी व्हाच, सोबत इतरांसाठी रोजगार निर्मिती करीत स्वयंपूर्ण व्हा.

शहरांची दैनंदिन गरज ओळखत दूध, दुग्ध पदार्थ, अंडी, भाजीपाला, फूले, फळे, आदी नगदी पैसा कमावून देणारे कृषी पूरक व्यवसाय तांत्रिक व कौशल्यपूर्ण ज्ञान वापरून करा म्हणजे तुम्हाला पैसा तर मिळेलच शिवाय शहरवासीयांना शुद्ध, ताजा, सकस आहार सहज उपलब्ध होईल, असेही ते म्हणाले.

या भेटीप्रसंगी विद्यापीठाचे विस्तार शिक्षण संचालक डॉ. दिलीप मानकर, कृषी विज्ञान केंद्र, बुलडाणाचे कार्यक्रम समन्वयक डॉ. चंद्रकांत जायभाये, विद्यापीठाचे माहिती तथा जनसंपर्क अधिकारी डॉ. किशोर बिडवे यांच्यासह कृषी अधिष्ठाता कार्यालयाचे प्रा. प्रशांत पडघन यांची प्रमुख उपस्थिती होती.

या वेळी डॉ. भाले यांनी प्रत्येकी १० विद्यार्थ्यांचा गट स्थापून त्यांना स्पर्धात्मक तत्त्वावर त्याचे आवडीनुसार परिसरात जागा उपलब्ध करून द्यावी व शास्त्रशुद्ध पद्धतीने विविध नगदी पिके, भाजीपाला, फुले आदी लागवडीसह दूग्ध पदार्थ, गांडूळ खत, रोपवाटिका निर्मिती करीत व्यावसायिक शिक्षण उपलब्ध करून देत उत्पादनावर आधारित लाभांश द्यावा, असे निर्देश प्राचार्य डॉ. जाधव यांना दिले.

या कार्यक्रमाचे प्रास्ताविक प्राचार्य डॉ. सतीशचंद्र जाधव यांनी केले. सूत्रसंचालन डॉ. निशिगंधा मैरान यांनी तर आभार प्रा. प्रेमनाथ मोरे यांनी मानले.

इतर ताज्या घडामोडी
राज्यातील चौदा मतदारसंघांत आज मतदानमुंबई   ः लोकसभा निवडणुकीच्या तिसऱ्या...
स्थानिक घटकांपासून नावीन्यपूर्ण सौर...तीव्र थंडीच्या स्थितीमध्ये वापरण्यायोग्य सौर...
जळगावात हरभऱ्याची ऑनलाइन नोंदणी आज बंदजळगाव : जिल्ह्यात शासकीय हरभरा खरेदीसाठी अजून...
रावेर, जळगावसाठी आज मतदानजळगाव : लोकसभा निवडणुकीच्या जळगाव व रावेर...
वाळूउपशामुळे विहिरींच्या पाणीपातळीत घटनाशिक : बागलाण तालुक्यातील ताहाराबाद ...
नांदेड जिल्ह्यात अडीच हजार कोटींचे...नांदेड ः नांदेड जिल्ह्यातील विविध बॅंकांना २०१९-...
राज्याचे एक थेंबही पाणी गुजरातला देऊ...नाशिक  : ‘‘पंतप्रधान नरेंद्र मोदी...
धर्मराजाचा कडाही यंदा आटलामाजलगाव, जि. बीड : माजलगाव धरणालगतच असलेला...
लक्षवेधी माढ्यासाठी आज मतदानसोलापूर  : अत्यंत प्रतिष्ठेच्या ठरलेल्या...
जळगाव बाजारात केळी दरात सुधारणाजळगाव ः जिल्ह्यात मुक्ताईनगर व रावेरात दर्जेदार...
नगरमध्ये प्रशासन गुंतले निवडणुकीत,...नगर  : दुष्काळात जनावरे जगविण्यासाठी चारा...
पुणे विभागात तेरा हजार हेक्टरवर चारा...पुणे : पाणीटंचाईमुळे चाऱ्याची चांगलीच टंचाई...
पुणे जिल्ह्यात पाणीटंचाईमुळे फळबागा...पुणे  ः कमी झालेल्या पावसामुळे जिल्ह्यातील...
नगर लोकसभा मतदारसंघात आज मतदाननगर : नगर लोकसभा मतदारसंघासाठी आज (मंगळवारी) २०३०...
यवतमाळ जिल्ह्यात दोन लाख टन खतांची मागणीयवतमाळ  : येत्या खरीप हंगामासाठी कृषी...
यवतमाळ जिल्ह्यात होणार ६६४ विहिरींचे...यवतमाळ  ः जिल्ह्यात दिवसेंदिवस गंभीर होत...
कळमणा बाजारात तुरीच्या दरात सुधारणानागपूर ः कळमणा बाजार समितीत तुरीची आवक...
अमरावतीतील दहा हजारांवर शेतकऱ्यांचे... अमरावती  ः निसर्गाचा लहरीपणामुळे शेतकरी...
शरद जोशीप्रणीत शेतकरी संघटनेच्या...जळगाव   ः लोकसभा निवडणुकीसाठी नाशिक...
शेतकरी आणि व्यापाऱ्यांमधील ...नाशिक  : कृषी अर्थव्यवस्था बळकट करण्यासाठी...