agriculture news in marathi, Take one Season for exportable sweer orange | Agrowon

निर्यातक्षम मोसंबीसाठी एकच बहर घ्यावा : डाॅ. एम.बी. पाटील
टीम अॅग्रोवन
शनिवार, 20 जानेवारी 2018

जालना :  निर्यातक्षम मोसंबी उत्पादनासाठी एकाच बहराचे उत्पादन घेणे आवश्यक आहे. आंबे बहरापासूनच निर्यातक्षम मोसंबी उत्पादन मिळते. निर्यातीसाठी मोसंबी उत्पादक संघाच्या माध्यमातून शेतकऱ्यांनी एकत्र येणे आवश्यक आहे, असे प्रतिपादन औरंगाबाद येथील फळ संशोधन केंद्रांचे प्रमुख डाॅ. एम. बी. पाटील यांनी केले.

सकाळ अॅग्रोवन आणि कृषी विभाग, आत्मा, चितळे जिनस एबीस इंडिया यांच्या वतीने येथील आझाद मैदानावर आयोजित कृषी प्रदर्शनामध्ये शुक्रवारी (ता. १९) मोसंबी बहर व्यवस्थापन या विषयावरील चर्चासत्रामध्ये डाॅ. पाटील बोलत होते.

जालना :  निर्यातक्षम मोसंबी उत्पादनासाठी एकाच बहराचे उत्पादन घेणे आवश्यक आहे. आंबे बहरापासूनच निर्यातक्षम मोसंबी उत्पादन मिळते. निर्यातीसाठी मोसंबी उत्पादक संघाच्या माध्यमातून शेतकऱ्यांनी एकत्र येणे आवश्यक आहे, असे प्रतिपादन औरंगाबाद येथील फळ संशोधन केंद्रांचे प्रमुख डाॅ. एम. बी. पाटील यांनी केले.

सकाळ अॅग्रोवन आणि कृषी विभाग, आत्मा, चितळे जिनस एबीस इंडिया यांच्या वतीने येथील आझाद मैदानावर आयोजित कृषी प्रदर्शनामध्ये शुक्रवारी (ता. १९) मोसंबी बहर व्यवस्थापन या विषयावरील चर्चासत्रामध्ये डाॅ. पाटील बोलत होते.

डाॅ. पाटील पुढे म्हणाले, मोसंबीची लागवड करत असताना डोळा जमिनीपासून नऊ इंच अंतरावर तसेच तो पश्चिम दिशेकडे राहील याची काळजी घ्यावी. मोसंबीमध्ये खरिपात सोयाबीन, मूग, उडीद ही, तर रब्बीत हरभरा पीक घ्यावे. परंतु कापूस, मका, गहू, ज्वारी ही पिके घेऊ नयेत. झाडापासून दोन फूट अंतर ठेवून आंतरपिके घ्यावीत. मोसंबी हे पीक पाण्याला अतिसंवेदनशील आहे.

मोसंबीसह पेरू, डाळिंब, द्राक्षे आदी पिकांचे उत्पादन घेतले जात असल्यामुळे आता जालना जिल्ह्याची ओळख फ्रूट बास्केट म्हणून झाली आहे. परंतु मोसंबीची हेक्टरी उत्पादकता कमी आहे. कमी उत्पादकतेची कारणे शोधली पाहिजेत. जिल्ह्यातील मोसंबीची निर्यात झाली पाहिजे. निर्यातक्षम मोसंबी उत्पादनाचे तंत्र अवगत करून घेतले पाहिजे. पाणी कमी असेल तर मृग बहराचे उत्पादन घ्यावे, असा सल्ला डॉ. पाटील यांनी दिला.

पाण्याची उपलब्धता जास्त असल्यास आंबे बहरापासून उत्पादन घ्यावे. नोव्हेंबर महिन्यात पाण्याचा ताण देऊन बागेस विश्रांती द्यावी. ३ आठवडे तापमान १४ अंश सेल्सिअसपेक्षा कमी असल्यास चांगला बहर येतो. झाडे ताणावर आली की नाही हे १० डिसेंबरनंतर समजते. ठिबक सिंचन पद्धतीने मोसंबीचे चांगले उत्पादन मिळते. पुरेसे पाणी उपलब्ध असल्यास हमखास आंबे बहराचे उत्पादन घ्यावे. आंबे बहराच्या फळांना चांगला बाजारभावदेखील मिळतो. ३० ते ४० लिटर पाणी देत असताना एका झाडास १६०० ग्रॅम युरिया, २ किलो सुपर फास्फेट, ८०० ग्रॅम पोटॅशची मात्रा द्यावी. युरियाची मात्रा दोन वेळा विभागून द्यावी.

प्रत्येक झाडास २५० सूक्ष्म अन्नद्रव्यांची गरज असते. ५० किलो शेणखत, २० किलो गांडूळखत तसेच निंबोळी खताची गरज असते. ठिबकसिंचन पद्धतीने १९ः १९ः १९ या विद्राव्य खताची शिफारशीनुसार मात्रा देत असताना १० मिनिटे रिकामे ठिबक चालवून त्यानंतर व्हेंच्युरी जोडावी.

मोसंबीच्या झाडास १ ते दीड लाख फुले लागतात. त्यापैकी १ टक्का फुलांची फळधारणा होते. शिफारशीनुसार खतांच्या मात्रा पूर्ण केल्यास फळगळ कमी होते. आॅगस्ट-सप्टेंबर महिन्यात जास्त पाऊस पडल्यास फळसड होते. फळसड थांबविण्यासाठी गंधकाची फवारणी करावी. सप्टेंबर आणि आॅक्टोबरमध्ये कोळीचा प्राद्रुर्भाव वाढतो. त्यामुळे फळांवर काळे डाग पडतात. फळांचे नुकसान होत नसले तरी बाजार कमी मिळतात. बोर्डोपेस्ट हे चांगले बुरशीनाशक आहे. डासांमुळेदेखील मोसंबी फळांचे नुकसान होते. परंतु सायंकाळी ६ ते ८ या वेळेत धूर केल्यास डासांचे नियंत्रण शक्य आहे. परंतु त्यासाठी सामूहिक प्रयत्नांची गरज असल्याचे डॉ. पाटील यांनी नमूद केले.

निर्यातक्षम मोसंबी उत्पादनांसाठी एकाच बहरावर म्हणजेच आंबे बहरावर लक्ष केंद्रित करावे लागणार आहे. मोसंबी उत्पादक संघाच्या माध्यामातून एकत्र येणे आवश्यक आहे. मोसंबी फळातील सी व्हिटॅमिन आजारावर उपयुक्त आहे. त्यामुळे स्वाइन फ्लूची साथ आली की मोसंबीचे दर वाढतात; परंतु आजारी पडल्यानंतर मोसंबी खाण्यापेक्षा जारी पडू नये म्हणून मोसंबी खायला शिका, असेही डाॅ. पाटील यांनी नमूद केले.

मोसंबी रोपे स्वतः तयार करावीत
मोसंबीची न्युसेलर ही जात सर्वांत चांगली आहे. या वाणाच्या फळास चांगला बाजारभावदेखील मिळतो. रंगपूर लाईमच्या खुंटावर मोसंबीची वाढ एकसमान होते. चांगल्या रोपांवरच फळबागेचे यश अवलंबून असते. त्यामुळे शेतकऱ्यांनी स्वतः मोसंबीची रोपे तयार करावीत, असा सल्ला डॉ. एम. बी. पाटील यांनी दिला. तसेच मोसंबीतील लिमोलिन घटकामुळे प्रक्रिया पदार्थाची निर्मिती करता येत नाही. लागवडीपासून पाणी, खताचे नियोजन आणि फळगळ रोखण्याचे उपाय वेळीच केल्यास मोसंबीचे हेक्टरी १५ टनांपर्यंत उत्पादन घेता येणे शक्य असल्याचे त्यांनी सांगितले.

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...