उत्तर कोरेगावमधील तळहिरा धरण कोरडे

तळहिरा धरण कोरडे
तळहिरा धरण कोरडे

वाठार स्टेशन, जि. सातारा  ः उत्तर कोरेगाव तालुक्‍यातील सर्व विहिरींसह देऊर येथील तळहिरा धरण कोरडे पडले आहे. 

उत्तर कोरेगाव येथे पावसाच्या पाण्यावर शेती करण्यात येते. या भागात घेवडा, वाटाणा, ऊस, आले, स्टॉबेरी आदी पिकांचे उत्पादन घेतले जाते. या भागातील वातावरण सर्व पिकांना पोषक असले तरी पावसाअभावी येथील शेतकऱ्यांना कमी पाण्यावर येणारी पिके घेणे भाग पडत आहेत. दिवसेंदिवस पर्जन्यमान घटत चालले असल्यामुळे येथील शेतकऱ्यांची चिंता वाढतच चालली आहे. वसना योजनेच्या माध्यमातून येथील पश्‍चिमेकडील काही गावांना सध्या मुबलक पाणी मिळत असले तरी पुर्वेकडील वाठार स्टेशन, जाधववाडी, फडतरवाडी, विखळे, दाणेवाडी, तळिये, बिचुकले, नलवडेवाडी, तडवळे संमत वाघोली येथील लोकांना पाणी टंचाईला सामोरे जावे लागत आहे. शासनाने टॅंकरद्वारे सुरू केलेले पाणी अपुरे पडू लागले आहे. ग्रामस्थांना पाण्यासाठी भटकंती करण्याची वेळ आली आहे. 

एखाद्या दिवशी विकत सुद्धा पाणी मिळत नसल्यामुळे पशुधन वाचवायचे कसे, हा प्रश्न येथील शेतकऱ्यांना पडला आहे. जनावरांसाठी आठ ते दहा किलोमीटरवरून पाण्याचे टॅंकर मागवावे लागत आहेत. देऊर येथील तळहिरा धरण पहिल्यांदाच कोरडे पडले असल्याने धरण परिसरातील पिकेही सूकू लागली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com