agriculture news in marathi, taluka administration ignores tankar demand, satara, maharashtra | Agrowon

सातारा जिल्ह्यात टॅंकर मागणी प्रस्तावांकडे केले जातेय दुर्लक्ष
टीम अॅग्रोवन
गुरुवार, 17 मे 2018
सातारा  : जिल्ह्यात पाणीटंचाईच्या झळा वाढू लागल्या आहेत. जिल्ह्यातील आठ तालुक्‍यांत २९ टॅंकरद्वारे पाणीपुरवठा सुरू आहे. दररोज ७० खेपांद्वारे ३७ हजार ६९५ लोकसंख्येला पाणीपुरवठा केला जात आहे. जलसंधारणाच्या कामांमुळे यावर्षी टॅंकरची संख्या कमी असल्याचे महसूल विभागाकडून सांगितले जात आहे. प्रत्यक्षात टॅंकर मागणीचे प्रस्ताव येऊनही त्याकडे तहसील पातळीवर दुर्लक्ष केले जात असल्याचे चित्र आहे. 
 
सातारा  : जिल्ह्यात पाणीटंचाईच्या झळा वाढू लागल्या आहेत. जिल्ह्यातील आठ तालुक्‍यांत २९ टॅंकरद्वारे पाणीपुरवठा सुरू आहे. दररोज ७० खेपांद्वारे ३७ हजार ६९५ लोकसंख्येला पाणीपुरवठा केला जात आहे. जलसंधारणाच्या कामांमुळे यावर्षी टॅंकरची संख्या कमी असल्याचे महसूल विभागाकडून सांगितले जात आहे. प्रत्यक्षात टॅंकर मागणीचे प्रस्ताव येऊनही त्याकडे तहसील पातळीवर दुर्लक्ष केले जात असल्याचे चित्र आहे. 
 
गेल्या दोन ते चार वर्षांत झालेल्या जलयुक्त शिवारअंतर्गत कामांमुळे जिल्ह्यातील टॅंकरग्रस्त गावेही जलस्वयंपूर्ण झाली आहेत. त्यामुळे एरव्ही दोनशे ते अडीचशे टॅंकरने पाणीपुरवठा करावा लागत होता. पण यावर्षी मे महिन्यात आतापर्यंत केवळ २९ टॅंकर सुरू झाले आहेत.
 
जलयुक्त शिवार तसेच स्वंयसेवी संस्थांची कामे मोठ्या प्रमाणात सुरू आहेत. त्यामुळे पुढील वर्षी जिल्हा टॅंकरमुक्‍तीच्या दिशेने वाटचाल करण्याची शक्‍यता आहे. सध्या खटाव, माण, कोरेगाव व खंडाळा तालुका वगळता उर्वरित महाबळेश्‍वर, पाटण, वाई, जावळी तालुक्‍यात झालेल्या पावसाचे पाणी अडविले नसल्याने डोंगर उतारावर असलेल्या गावांना पाणीटंचाईचा सामना करावा लागत असल्याचे चित्र आहे. त्यामुळे येथे टॅंकरने पाणीपुरवठा करावा लागत आहे.
 
त्यामध्ये महाबळेश्‍वर तालुक्‍यातील दोन, वाई तालुक्‍यातील तीन, पाटण तालुक्‍यातील दोन तर जावळी तालुक्‍यातील आठ गावांचा समावेश आहे. जिल्ह्यात पाणीटंचाईची सर्वाधिक झळ माण तालुक्‍याला बसत आहे. या तालुक्‍यात १२ गावे व ६४ वाड्यावस्त्यांवर आठ टॅंकरद्वारे पाणीपुरवठा केला जात आहे.
 
पाणी संरक्षित करण्यासाठी १५ विहीरींचे अधिग्रहण करण्यात आले आहे. यामध्ये माण तालुक्‍यातील चार, खटाव तालुक्‍यातील एक, वाई तालुक्‍यातील एक, जावली तालुक्‍यातील पाच, महाबळेश्‍वरमधील चार विहिरींचा समावेश आहे. जलसंधारणांच्या कामांमुळे यावर्षी टॅंकरची संख्या कमी असली तरी उष्णतेत वाढ झाल्याने पाणीटंचाईत वाढ होऊ लागली आहे.
 
यामुळे अनेक गावांकडून टॅंकरद्वारे पाणीपुरवठ्याचे प्रस्ताव येत आहेत. मात्र जलसंधारणाच्या कामांचा परिणाम दिसावा यासाठी तहसील पातळीवर या प्रस्तावांकडे दुर्लक्ष केले जात असल्याचे बोलले जात आहे. तालुकानिहाय टॅंकरची संख्या ः माण ८, खटाव ३, कोरेगाव ४, खंडाळा १, वाई ३, पाटण २, जावली ७, महाबळेश्‍वर १.

इतर ताज्या घडामोडी
पुणे जिल्ह्यात महिनाभरात नऊ जणांचा...उरुळी कांचन, जि. पुणे : संपूर्ण राज्यात चिंतेचा...
मी 35-40 रूपयांनी पेट्रोल-डिझेलची...नवी दिल्ली : सध्या पेट्रोल-डिझेल दरवाढीमुळे मोदी...
लाल मातीचा सन्मान वाढविणारे आंदळकरकोल्हापुरातील २२ जून १९७० चा म्हणजे ४८...
डी.आर. कुलकर्णी यांचे निधनपुणे : 'सकाळ'च्या पुणे आवृत्तीतील मुख्य उपसंपादक...
पंतप्रधान नरेंद्र मोदी यांचा आज जन्मदिन...भारताचे पंतप्रधान नरेंद्र मोदी आज 68 वा वाढदिवस...
देशात सर्वाधिक महाग पेट्रोल मराठवाड्यात...लातूर : गेली सलग अठरा दिवस देशात पेट्रोल आणि...
नाशिकला स्वाईन फ्ल्यूचा कहर, 24...नाशिक : नाशिक शहर आणि जिल्ह्यात स्वाईन फ्ल्युने...
आज मराठवाडा मुक्तीदिन ! संग्रामाला झाली...15 ऑगस्ट 1947 रोजी आपला भारत देश स्वातंत्र्य झाला...
पेट्रोल दराची शंभरीकडे वाटचाल मुंबई : महागाईच्या आगीत होरपळणाऱ्या...
वऱ्हाडात पिकांना वाढती उष्णता सोसवेनाअकोला  ः गेल्या अाठ दिवसांपासून कमाल...
शेतीमाल प्रक्रियेला चालना देण्यासाठी...भेंडा, जि. नगर  : बीव्हीजी ग्रुपने स्वच्छता...
साताऱ्यात ११७७ शेततळ्यांची कामे पूर्णसातारा  ः मागेल त्याला शेततळे योजनेतून...
इंधन दरवाढ शेतकऱ्यांच्या मुळावरऔरंगाबाद : इंधन दरवाढीचा थेट आघात आता शेतीवरही...
शेतमाल वाहतुकीच्या दरात वाढजळगाव : इंधनाचे दर दिवसागणिक वाढत आहेत. डिझेलचे...
परभणीत इंधन दरवाढीचा शेतकऱ्यांना भुर्दंडपरभणी ः इंधनदरात विशेषतः डिझेलच्या दरात लिटरमागे...
पुणे जिल्ह्यातील शेतकऱ्यांना इंधन...पुणे : दरवर्षी पिकांच्या उत्पादन खर्चात वाढ होत...
वऱ्हाडातील शेतकऱ्यांवर इंधन दरवाढीचा...अकोला : वर्षभरात डिझेलचे दर सुमारे १५ रुपयांनी...
सोलापुरात पाळी, पेरणीसाठी ट्रॅक्‍टरचे...सोलापूर ः पेट्रोल आणि डिझेलच्या दरात रोज होणाऱ्या...
गणेशोत्सव, गौरी पूजनासाठी फुलांना मागणी...पुणे  ः गणेशाेत्सवादरम्यान पूजा आणि...
शेतकऱ्यांचे देशव्यापी संघटन उभारून...भंडारा   : आजवर सरकारने शेतकऱ्यांची फसवणूक...