agriculture news in marathi, tamilnadu on first position in banana prodution, jalgaon, maharashtra | Agrowon

केळी उत्पादनात तमिळनाडूचा दबदबा
चंद्रकांत जाधव
बुधवार, 8 ऑगस्ट 2018

महाराष्ट्रातील क्षेत्र थोडे पाऊसमान लक्षात घेता कमी झाले आहे. राज्याचे क्षेत्र किती हे जळगाव जिल्ह्यातील स्थितीवर अवलंबून असते. उत्पादनात आपण मागे दिसत असलो तरी आपली उत्पादकता कर्नाटक, केरळ व इतर राज्यांपेक्षा चांगली असून, ती ५९ मेट्रिक टन प्रतिहेक्‍टरपर्यंत राहिली आहे. लागवड ही पाऊसमानावर अवलंबून असते.
- नाझेमोद्दीन शेख, प्रमुख शास्त्रज्ञ, केळी संशोधन केंद्र, जळगाव

जळगाव ः केळी उत्पादनात देशात तमिळनाडूचा यंदा दबदबा राहिला असून, महाराष्ट्र तिसऱ्या क्रमांकावर आहे. राज्यात २०१७-१८ मध्ये ३६०० दशलक्ष मेट्रिक टन केळीचे उत्पादन झाले आहे, तर तमिळनाडूने सर्वाधिक ५१३६.२ दशलक्ष मेट्रिक टन केळीचे उत्पादन घेऊन आपली आघाडी राखली आहे. केळी लागवडीतही कर्नाटक व तमिळनाडू आघाडीवर आहेत, तर उत्पादनात महाराष्ट्र गुजरातसह तमिळनाडूच्या तुलनेत मागे राहिल्याची माहिती मिळाली आहे.

राष्ट्रीय बागवानी बोर्डाने (एनएचबी) जारी केलेल्या माहितीनुसार मागील वर्षी (२०१६-१७) गुजरात देशात उत्पादनात क्रमांक एकवर राहिले होते. गुजरातेत ४१८५.५२ दशलक्ष मेट्रिक टन केळीचे उत्पादन आले होते. २०१७-१८ मध्ये मात्र गुजरात केळी उत्पादनात दुसऱ्या क्रमांकावर असून, तेथे महाराष्ट्राच्या तुलनेत अधिक म्हणजेच ४५२३.४९ दशलक्ष मेट्रिक टन केळीचे उत्पादन साध्य झाल्याची माहिती मिळाली.

मागील १५ वर्षांमध्ये गुजरातेत केळी लागवडीखालील क्षेत्रातही कमालीची वाढ झाली असून, ती ६४ हजार हेक्‍टरवर पोचली आहे. महाराष्ट्राच्या तुलनेत फक्त १० हजार हेक्‍टर केळी लागवड गुजरातेत कमी आहे. महाराष्ट्रात दोन वर्षे ७४ हजार हेक्‍टरवर केळीची लागवड झाली आहे. गुजरातेत सन २००१ मध्ये फक्त ३३ हजार हेक्‍टरवर केळी लागवड झाली होती. यानंतर तेथे केळी लागवडीत सतत वाढ नोंदविली गेली आहे. अलीकडे तेथील वलसाड, नवसारी व महाराष्ट्रालगतच्या भागातही केळीचे पीक जोमात घेतले जात असल्याचे सांगण्यात आले.

तमिळनाडू केळी लागवडीत देशात क्रमांक दोनवर राहिला असून, तेथे ९५ हजार हेक्‍टरवर केळी लागवड झाली, तर कर्नाटकात एक लाख एक हजार हेक्‍टरवर केळी लागवड झाली आहे.  केळी लागवडीत मध्य प्रदेशही पुढे येत असून, मागील १८ वर्षांत तेथे केळी लागवड सुमारे १० हजार हेक्‍टरने वाढून ती २८ हजार हेक्‍टरपर्यंत पोचली आहे.

देशाचे उत्पादन कमी
२०१६-१७ मध्ये देशात आठ लाख ६० हजार हेक्‍टवर केळी लागवड झाली होती. उत्पादन ३० हजार ४७७ दशलक्ष मेट्रिक टन आले होते. तर २०१७-१८ मध्ये देशात आठ लाख ५७ हजार हेक्‍टरवर केळीची लागवड झाली आणि उत्पादन मागील वर्षाच्या तुलनेत कमी म्हणजेच ३० हजार २०१ दशलक्ष मेट्रिक टन आल्याची माहिती मिळाली. केरळ, कर्नाटक या राज्यांची उत्पादकता कमी असल्याने उत्पादन कमी आले आहे. तेथे भाजीची केळी अधिक घेतली जाते. त्यांची उत्पादकता हेक्‍टरी ३० मेट्रिक टनपर्यंत असल्याचे सांगण्यात आले.

 

प्रमुख राज्यांमधील २०१७-१८ मधील केळीचे उत्पादन (दशलक्ष मेट्रिक टनमध्ये)
राज्ये उत्पादन
तमिळनाडू ५१३६.२
गुजरात ४५२३.४९
महाराष्ट्र ३६००.०००
आंध्र प्रदेश ३२४२.७९७
कर्नाटक २५२९.६
बिहार १७०२.४१२
मध्य प्रदेश १७०१.०००
पश्चिम बंगाल १०७७.०००

 

प्रमुख राज्यांमधील केळी लागवडीची माहिती दृष्टिक्षेपात (लागवड हजार हेक्‍टरमध्ये)
राज्ये  २००१  २०१७
आसाम  ४३.६  ५५.४२
बिहार २७.२   ३५.१५
केरळ   २८.१ ८१.५१
महाराष्ट्र  ५९.७ ७४.६८
तमिळनाडू ८४.६ ९४.९९
कर्नाटक ५३.१  १०१.५३
गुजरात ३३.१ ६४.६९
आंध्र प्रदेश  ५०.५  ८६.३२
मध्य प्रदेश   १८.२ २४.३१
पश्‍चिम बंगाल ३६.००  ४९.००

 

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...