तंटामुक्‍त गाव अभियानाला चंद्रपुरात उतरती कळा

संग्रहित छायाचित्र
संग्रहित छायाचित्र

चंद्रपूर : शांततेतून समृद्धीकडे जाण्याचा संदेश देणाऱ्या महात्मा गांधी तंटामुक्‍त अभियानाला उतरती कळा लागली आहे. जिल्ह्यातील ४१८ गावांमध्ये गेल्या काही वर्षांत नवीन तंटामुक्‍त मोहिमेच्या अध्यक्षांची निवड करण्यात आलेली नाही. परिणामी जुनेच अध्यक्ष कामकाज पाहत आहेत.  

तत्कालीन गृहमंत्री आर. आर. पाटील यांनी गावातील तंटे गावातच मिटावेत व सलोखा वाढीस लागावा या हेतूने महात्मा गांधी तंटामुक्‍त गाव योजना मांडली होती. आघाडी सरकारच्या काळात अत्यंत प्रभावी ठरलेल्या या योजनेच्या माध्यमातून अनेक सकारात्मक बदल गावपातळीवर नोंदविण्यात आले. अनेक गावांनी या योजनेच्या बळावर गावातील तंटे गावातच मिटवित पोलिस ठाण्याची पायरीदेखील चढली नाही, अशा गावांना प्रोत्साहन मिळावे याकरिता त्यांना पुरस्कार देत गौरविण्यात आले. त्यातूनच स्पर्धा वाढीस लागत अनेक गावे तंटामुक्‍तीच्या श्रेणीत आली. पोलिसांवरचा ताणदेखील यामुळे कमी होण्यास मदत झाली होती. अशा प्रकारे अनेक फायदे तंटामुक्‍त गाव मोहिमेचे असताना युती सरकारच्या काळात या योजनेच्या अंमलबजावणीकडे दुर्लक्ष करण्यात आले. दरवर्षी ३० सप्टेंबरनंतर मोहिमेच्या काळात तंटे निकाली काढले जातात.

सद्यःस्थितीत योजनाच दुर्लक्षित असल्याने या मोहिमेचा अध्यक्ष व्हायलादेखील कोणीच तयार नाही. मानधन नाही, स्टेशनरी नाही, त्यामुळेदेखील हे घडत असल्याची चर्चा आहे. परिणामी ४१८ ग्रामपंचायतींमध्ये अध्यक्ष आणि समिती सदस्य जुनेच आहेत. वर्ष बदलल्यावर शासन निर्णयाप्रमाणे नवीन अध्यक्ष ग्रामसभेतून निवडणे आवश्‍यक असते. या मोहिमेकडे झालेल्या दुर्लक्षामुळे गावपातळीवरील तंटे आता थेट पोलिस ठाण्यात पोचत असल्याने पोलिसांवरचा ताणदेखील वाढत आहे. 

४१८ ग्रामपंचायतींत जुनेच अध्यक्ष जिल्ह्यात ८२८ ग्रामपंचायती आहेत. त्यापैकी ४१८ गावांमध्ये जुनेच अध्यक्ष आहेत. नव्या अध्यक्षांची निवड गेल्या काही वर्षांत झालेली नाही. त्यातही भरीस भर म्हणजे ४१० ग्रामपंचायतींमध्ये तंटामुक्‍त मोहिमेचा अध्यक्षच नाही.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com