कृषिप्रधान तेलंगणासाठी राज्य सरकार सरसावले

हैदराबाद, तेलंगणा : तेलंगणातील शेतकऱ्यांच्या सशक्तीकरणासाठी राज्य सरकारने बहुचर्चित ‘रयतू बंधू’ या विशेष योजनेस गुरुवार(ता. १०)पासून दिमाखदार प्रारंभ केला. तेलंगणाचे मुख्यमंत्री के. चंद्रशेखर राव यांनी या शेतकरी केंद्रित योजनेची घोषणा येथे केली.  करीमनगर जिल्ह्यातील हुजूराबाद मंडल येथील इंदिरानगर येथे एका रंगारंग कार्यक्रमात मुख्यमंत्री श्री. राव यांनी योजनेचे अनावरण केले. जिल्ह्यातील धर्मराजपल्ली गावात मुख्यमंत्र्यांनी अनुदानाच्या धनादेशांचे लहान व अल्पभूधारक शेतकऱ्यांना वितरण करून योजनेस प्रारंभ केला. 

पत्तादार पासबुक रयतू बंधू योजनेसह ‘पत्तादार पासबुक’ हे अत्याधुनिक ओळखपत्र राज्यातील सर्व शेतकऱ्यांकरिता सादर करण्यात आले आहे. गुरुवार(ता. १०)पासून राज्यातील ५८ लाख शेतकऱ्यांना १७ सुरक्षा वैशिष्ट्यांसह पत्तादार पासबुक अर्थात टायटल डीड मिळणार असून याअतर्गंत अनुदानांचे धनादेश वितरणासह प्रारंभ करण्यात आला. या पासबुकवर सरकारचे बोधचिन्ह, सामायिक क्यूआर कोड, सामायिक ट्रॅन्झॅक्शन आयडीसह बारकोड यांचा समावेश अाहे. 

९३ टक्के जमीन दावामुक्त एकूण जमिनीच्या ९३ टक्के जमीन (१.४३ कोटी एकर) योग्य व दावामुक्त करण्यात आली आहे. तेलंगणा सरकारने हर्क्युलीन प्रोग्रामद्वारे जमिनीच्या नोंदी व प्रत्यक्षातील स्थिती यामधील तफावत टाळून केवळ शंभर दिवसात (१५ सप्टेंबर ते ३१ डिसेंबर २०१७) महसुली नोंदींमध्ये योग्यता आणली. या कार्यक्रमांतर्गत तेलंगणा (हैदराबाद वगळता) मधील ३० जिल्ह्यांतील ५६८ विभागांतील १० हजार ८२३ गावांमध्ये १५२३ गटांद्वारे एकूण २ कोटी ३८ लाख १८ हजार ५५१ एकर एवढ्या जमिनीची मोजणी करण्यात अाली. यासंदर्भातील सुधारणाही करण्यात आल्या असून महसुली नोंदींमध्ये दुरुस्त्या करण्यात आल्याची माहिती राज्य सरकारच्या वतीने देण्यात आली.  

जमीन नोंदीतील प्रमुख मुद्दे : वारसाहक्क, बदल, वाटणी, नाव, विस्तार व सर्व्हे क्रमांक दुरुस्त्या, जमिनींचे हस्तांतरण, जमीन धारणेतील एकत्रीकरण, खात्यांचे अद्ययावतीकरण, डुप्लिकेट खाते रद्द करणे, वारसा हक्काची जमीन, भेट जमीन, अकृषिक जमीन, शासकीय जमीन, समाजाची जमीन, वनजमीन, संपादित जमीन, वक्फ/एन्डॉुमेंट/भूदान जमीन. 

तेलंगणा सरकारने शेतकऱ्यांसाठी दिलेले योगदान