सामूहिक शेततळ्यासाठी दहा कोटींचे अनुदानवाटप

शेततळी
शेततळी

पुणे : राज्यातील काही कोरडवाहू जिल्ह्यांत सामूहिक शेततळ्याची संकल्पना रुजविण्यात कृषी खात्याला यश मिळते आहे. राज्यात १५ डिसेंबरपर्यंत तळे बांधलेल्या शेतकऱ्यांना ९ कोटी ५७ लाख रुपये वाटण्यात आले आहेत. त्यामुळे राष्ट्रीय फलोत्पादन अभियानामधून (एनएचएम) उस्मानाबाद आणि सोलापूर भागांत सर्वांत जास्त सामूहिक शेततळी आकाराला आली आहेत.  ‘एनएचएम’मधून सामूहिक शेततळ्यासाठी राज्यात ३४ जिल्ह्यांमध्ये १५ कोटी रुपये अनुदान वाटण्याचे प्रस्ताव कृषी विभागाने सादर केले होते. मात्र, योजनेला प्रतिसाद मिळत असल्याचे पाहून काही जिल्ह्यांसाठी अनुदान वाढवून देण्यात आले. त्यामुळे सुधारित आराखड्यानुसार तळ्यांसाठी यंदा २० कोटी ५७ लाख रुपये वाटण्याचा निर्णय घेण्यात आला. राज्यात १५ डिसेंबरपर्यंत तळे बांधलेल्या शेतकऱ्यांना ९ कोटी ५७ लाख रुपये वाटण्यात आले आहेत. यात सोलापूर जिल्ह्यातील शेतकऱ्यांना दोन कोटी २२ लाख रुपये, तर उस्मानाबादमध्ये दोन कोटी ६० लाख रुपये देण्यात आलेले आहेत.  कोरडवाहू जिल्ह्यांमध्ये सामूहिक शेततळ्याची संकल्पना रुजवण्यात यश मिळते आहे. त्यामुळेच औरंगाबादला आतापर्यंत ४१ लाख, जालना ९० लाख, बीड ६४ लाख, लातूर ४७ लाख तर परभणी जिल्ह्यातील शेतकऱ्यांना ५२ लाख रुपये अनुदान मिळाले आहे. सामूहिक शेततळे उभारण्यासाठी शेतकऱ्याला प्रथम तालुका कृषी अधिकाऱ्याकडे अर्ज करावा लागतो. सातबारा व आठ ''अ''च्या उताऱ्यासह शेतकऱ्यांना पाणी व जमीनवापराबाबत आपआपसातील सामंजस्य करार १०० रुपयांच्या स्टॅंपपेपरवर लिहून द्यावा लागतो, अशी माहिती सूत्रांनी दिली.  अजून साडेदहा कोटी रुपये वाटले जाण्याची शक्यता सामूहिक शेततळ्यासाठी एनएचएममधून राज्यात अजून साडेदहा कोटी रुपये अनुदानपोटी वाटले जाण्याची शक्यता आहे. जिल्हास्तरीय समितीने शेतकऱ्याचा प्रस्ताव मंजूर केल्यानंतर एक महिन्याच्या आत जिल्हा अधीक्षक कृषी अधिकाऱ्याकडे अंतिम प्रस्ताव सादर होतात. ‘जिल्हा अधीक्षकाने मंजुरी दिल्यानंतर तीन महिन्यांत शेतकऱ्याला शेततळे उभारावे लागते. तळ्याचे मातीकाम पूर्ण झाल्यानंतर ८० टक्के अनुदान मिळते व उर्वरित अनुदान तळ्यात पाणी साठल्यानंतर दिले जाते, असे कृषी विभागाचे म्हणणे आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com