agriculture news in marathi, There is no guarantee for MSP in Jalgaon market committee | Agrowon

जळगाव बाजार समितीत हमीभाव मिळेना
टीम अॅग्रोवन
शुक्रवार, 31 ऑगस्ट 2018

जळगाव : जिल्ह्यातील अग्रगण्य व सर्वांत मोठी असलेली जळगाव कृषी उत्पन्न बाजार समिती शेतकऱ्यांच्या मालास हमीभाव मिळत नसल्याने बदनाम होत असून, शेतकऱ्यांमध्ये तक्रारी आहेत. मुगाची पाच हजार रुपये प्रतिक्विंटल दराने खरेदी सुरू आहे. कमी दर्जाचा शेतीमाल म्हणून हा प्रकार सुरू असून, संबंधित शेतकऱ्यांकडून हमीपत्र लिहून घेतल्याची माहिती मिळाली आहे.

जळगाव : जिल्ह्यातील अग्रगण्य व सर्वांत मोठी असलेली जळगाव कृषी उत्पन्न बाजार समिती शेतकऱ्यांच्या मालास हमीभाव मिळत नसल्याने बदनाम होत असून, शेतकऱ्यांमध्ये तक्रारी आहेत. मुगाची पाच हजार रुपये प्रतिक्विंटल दराने खरेदी सुरू आहे. कमी दर्जाचा शेतीमाल म्हणून हा प्रकार सुरू असून, संबंधित शेतकऱ्यांकडून हमीपत्र लिहून घेतल्याची माहिती मिळाली आहे.

खरेदीविषयीच्या दंड व शिक्षेच्या तरतुदीचा अध्यादेश शासनाने काढलेला नाही. व्यापाऱ्यांनी व्यवहार सुरू ठेवावेत, असे महाराष्ट्र राज्य बाजार समिती सहकारी संघ (पुणे) यांनी सांगितले आहे. त्यानुसार व्यापारी खरेदी करीत अाहेत. सध्या बाजारात मुगाला ५ हजारांहून अधिक दर नाहीत, असा खुलासा बाजार समितीने केला आहे. मुगाला प्रतिक्विंटल ६ हजार ४७५ रुपये, असा हमीभाव शासनाने जाहीर केला आहे.

चांगल्या दर्जाच्या शेतीमालास हमीभाव दिलाच पाहीजे. दर्जेदार मालास कमी दर्जाचा सांगून त्याची कमी दरात खरेदी होत असल्यासर कारवाई केली जाईल. त्यासाठी ज्या शेतकऱ्याची फसवणूक झाली, त्याने प्रशासनाकडे खरेदी पावत्या व इतर बाबी सादर करून तक्रार करावी, असे जिल्हा उपनिबंधक विशाल जाधवर यांनी म्हटले आहे.

बाजार समितीत उडदाची आवक पुढील आठवड्यात सुरू होईल. सध्या आसोदा, भादली, नशिराबाद, म्हसावद, पाचोरा भागातून मुगाची आवक सुरू आहे. ती या आठवड्यात प्रतिदिन ३० ते ३२ क्विंटल एवढी आहे. इतर कुठल्याही शेतीमालाची आवक शेतकऱ्यांकडून होत नसल्याची स्थिती आहे. व्यापारी ते व्यापारी यांच्यात डाळी, सोयाबीनचे व्यवहार मात्र सुरू आहेत. त्यांची नेमकी नोंदणी बाजार समितीकडे नसल्याचे सांगण्यात आले.

दरम्यान समितीचे सभापती लक्ष्मण पाटील यांनी प्रसिद्धी पत्रक जारी केले आहे. त्यानुसार, हमीभावात खरेदीसंबंधीचे दंड व शिक्षेचा अध्यादेश संबंधित विभागाकडून आलेला नाही. शासन खुल्या बाजारात ३२०० रुपये प्रतिक्विंटलने उडदाची विक्री करीत आहे. याच शासनाने उडदाचा हमीभाव यापेक्षा अधिक जाहीर केला आहे. तुरीचा हमीभाव ५४०० रुपये जाहीर केला. मात्र, तूरडाळ ३५ रुपये प्रतिकिलोने विकावी लागत आहे. कायद्याचा धाक दाखविणे सुरूच राहिल्‍यास बाजार समितीमध्ये शेतीमालाची खरेदीच होणार नाही. शेतीमाल घरी परत घेऊन जाण्याची वेळ शेतकऱ्यांवर येईल. शेतकरी व खरेदीदारांमध्ये समन्वय साधून तडजोडीने काम करावे लागेल.

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...